باي باي تشققات وخطوط بيضا .. روحه بلا رده

[خواطر دلوعه]

باي باي تشققات وخطوط بيضا .. روحه بلا رده

السلام عليكم يا احلى بنوتات عساكم بخير


كريم زبدة الكاكاو معروف غني عن التعريف معروف عنه يشيل التشققات بعد 100 سنه على الاقل هههههه لكن ضفت عليه اشياء خلته الكريم الفتاك الي يشيل الخطوط البيضا والحمرا والزرقا والصفرا
ههههههه

هدفنا من هالكريم هي ازاله التشققات باسرع وقت ممكن طيب وهالكريم هو الحل

ملاحظه : الي يقول التشققات ماتروح بقوله خبرك عتيج الا تروح و هي تضحك بعد والكريم له مفعول قوي بس المده تختلف من بشره الى بشرة عاد بنات خلكم شطار ولا تتون من عمركم بسرعة



بسم الله نبدأ

نحتاج



كريم زبدة الكاكاو من بالمرز .. علبة كاملة



كريم زبدة الكاكاو من فازلين ... "بنات انتبهوا اخذوا الزبدة مو الوشن" .....تحتاجون علبة كاملة



كريم زبدة الكاكاو من بودي شوب .. علبة كاملة



نص فنجان ماي ورد .... ينعم البشرة



15 كبسولة من فيتامين E ضروري عشان يرمم الجلد بسرعه وتبين النتايج بسرعة



ملعقه أكل كبيرة ... زيت ليمون حق التبيض وإزاله الاثار الغامقة



7 حبات فيتامين C ... يبيض ويزيل الاثار ويحافض على مرونه الجلد


أوكي نحضر الكريم

نخلط الثلاث كريمات الي فوق مع بعض زين مازين بهالطريقه


ونضيف الزيت الي داخل كبسولات فيتامين E وزيت اليمون وماي الورد ... ونقلب الخليط عدل عدل وبعدين نحط السبع حبات مالت الفيتامين C في مطحنه القهوه لين ماتصير مثل البودره البيضا بهالطريقه



أطحنوه وخلوه ناعم علشان يختلط مع الكريم عدل عدل وبهالشكل بنكون خلصنا الكريم وكميته بتكفيج شهرين ونص لقدام يعني بيوفر عليج وايد فلوس كريم فعال ولا فيه ريحه ولا شي بس لازم ياحلوات تستعملونه مرتين في اليوم صبح وليل

ملاحظه : وايد بنات يحطون بكريمات خل التفاح ويستعملونها وهاي اكبر اكبر اكبر غلط البشره وايد حساسه وخل التفاح مثل الاسيد على البشره وهاي الغلط ماراح تحسون فيه الحين بتحسون فيه بعدين
ويالمتزوجات جبتوا بيبي وجسمكم كله خطوط لا تيأسون استعملو هالكريم شهر وشوفوا العجب اسروا قلوب ازواجكم خلوهم يحسون انكم عرايس جربوا منتم خسرانين شي .

وشوفو ا النتيجه وادعوا لي

[خربشات انثى]

مشكوره حبيبتي ان شاء الله نجرب لان ها الخطووووط معنااات لا بعد بولادي هالاخير حسيتها زايده الله يعين بس ويعطيك العافيه

[يُتم]

تسلميييييين يا خوط وط<< أمحق دلع

ما عرفت ادلع
ههههه


مشكوووووووووورة يا قلبي

تيب عندي استفسار

استخدم هالخلطة بعد الولادة واللا عادي استخدمه هالحين

دعواتك يا قلبي

:)

[اه صبرك ياقلبي]

طيب عادي استخدم الخلطه الحين وانااااااااااااا حاااااااااامل
وش اوال كريم الان صورته موواضحه

[يُتم]

اه صبرك

حتى انا مو باينة عندي مدري ليه

[شموسه]

انا جربت خل التفاح ونفع معاي

بس اسالج انا فيني حساسيه يصير احطهااا

بس الخطوط راحت بس بقى خفيييييييييييييييييييييييف

[سمار]

الله يعطيك العافيه

[متغليه لعيوني]

انا والله متعقده من زمان عشان كان وزني طالع نازل ايام المراهقه وصار عندي خطوط على اكتافي في الايادي ومحروجه صرت ولا البس كم قصير ولما البس عريان لازم التعليق والحركات العبيط حق الحريم ايش هذا ومدري ايشوه والله مره عريضه خطوطك الله يسعدك متاكده انه مفعولها تمام واكيد وممكن يجيب مفعول معايا اكيد على اللايادي اذا من جد كلامك صحيح بدعيلك لاني انا من النوع الي ما اصدق اي شي اخاف يخرب بدل مايصلح وشكراا ليكي

[بنت الطنايا]

اختي خواطر دلوعه ابسالك اختي اقدر استخدمها وانا نفاس
ارجو الرد بسرعه لاني بوسط التاسع واذا اقدر قوليلي عشان
يمديني اجهزها تحيــــاتي لك

[خواطر دلوعه]

هلا وغلا فيكم جميعا..
ابصراحه الي استخدموها اثنا النفاس اما فترت الحمل ما يصلح ..
اما الكريم الاول هو زبدة الكاكاو الي عليه صورة حامل..