هاذي القصة قريتها بأحد المنتديات وحبيت اشاركها وياكم
انا متزوجه من 6 سنوات وحملت بعد الزواج ولله الحمد انجبت بنوته بدون اي مشاكل ولله الحمد الآن سار عمرها 5 سنوات بعد ماكملت بنتي السنتين حملت ثلاث مرات ولم يتم الحمل في الثلاث مرات اوصل شهر ونص ويقولون كيس حمل فاضي مافيه جنين في الثلاث مرات كلها واجهضت والحمد لله على كل حال بعد كذه بدات رحلتي مع المستشفيات والفحوصات من يوم اجهضت في الأول وكلام الأطباء متضارب فحوصاتي ولله الحمد سليمه ولا بأعاني من اي مشاكل ولله الحمد بس كل طبيب وطبيبه يستنتج من راسه واحتمالات والي يقول ماعندك ولا شي والله العالم وش السبب
سار عمر بنتي 5 والناس مارحموني من الكلام بنتك كبرت وانتي ماحملتي اشفيك وليش وش عندك وتعرفون كلام الناس الي مايخلص :ب1:
المهم بعد المعاناه للأسف ما نلجا لله الى في الأخير مانلجأله من البدايه ونقول توكلنا على الله لا اول مستشفيات واطباء وخساير ماديه :د0:
وسبحان الله وكلت امري لله ولجات اليه ومن المفروض نلجاله من البدايه لاكن خلق الإنسان عجولا ماعندنا صبر وكنت احرص بعد الإجهاض على متى تكون ايام التبويض بعد الدوره ومتى يكون الجماع وسرت افكر واوسوس واخطط ولاكن انت تريد وانا اريد والله يفعل مايريد حتى الطبيبات عطوني منشطات بس خفت وما استخدمته خصوصا انه التبويض مثل ما قالو انه منتظم ولا عندي مشاكل بالتبويض فقلت ماله داعي
واخرتها
بدات رحلت علاجي بالآتي
بدات بالتوكل على الله
ثم بالدعاء
ثم الصدقه والإستغفار
والصدقه لو بالقليل لا تستحي ان تتصدق بالقليل فالحرمان اقل منه
والحمد لله الي ريح بالي واراح سكينتي ولا عاد يهمني اي شي ولاعاد افكر بالموضوع ولاعاد همني كلام الناس ووكلت امري لله وفي يوم حسيت بمغص والام بالقولون ورحت لطبيبت نسا وولاده وقلتلها احس بالم بجنبي اليمين تحت وكشفت علي قالت ماعندك ولاشي هذا القولون بعدين لما عرفت بحالتي واني ماحملت من زمان قالت بكتبلك منشط وخخذيه بعد ماتجيك الدوره هذا الشهر قلت يسير خير ولما رجعت البيت قال زوجي خلاص باصرفه لك واستخدميه وجربي وانا مو مقتنعه خايفه بس قلت يالله اذا جاتني الدوره جبه لي
وياربي لك الحمد ماجاتني الدوره واتفاجات اني حامل ولما وصلت لشهر ونص كعادة حملي في الثلاث مرات يقولون لي كيس بدون جنين رحت اكشف وانا مو مهتمه اذا قالولي زي اول ولا لا ليه لانه ربي ربط على قلبي ولنل رايحه المستشفى اسوي اشعة النبض للجنين وكنت استغفر من يوم خرجت من البيت لين دخلت الأشعه واتفاجا بانه الدكتوره توريني شكله وتسمعني نبضه وحمدت الله وشكرته ان الله لا يضيع احد لجااليه لاكن للأسف احنا البلا فيناوتصدقون اني ماكنت مهتمه زي كل مره احرص بعد الدوره انه يكون الجماع منتظم الجماع بعد اخر دوره ماكنت مهتمه منتظم ولا لا
ولا افكر حتى بالحمل وسبحان الله حصل الحمل بدون علاج ولاغيره يوم اني تركت الأمر لله سبحانه
لاكن مثل ماقلتلكم انته تريد وانا اريد والله يفعل مايريد
ومن توكل على الله فهو حسبه
والان انا بالشهر السادس ولله الحمد والمنه
طبعا استخدمت الدفاستون من اول الحمل والأسبرين روتين للحوامل الي يجهضو قالو لازم تستحدمينه مع انه استخدمته بحملي الثلاث مرات الي اجهضتهم بس ربي ما اراد ان يتم حملي ويم اني تركت الأمر لله ربي عوضني ولله الحمد
قال رسول الله صلى الله عليه وسلم ( داوو مرضاكم بالصدقه )
وقال تعالى ( وقلت استغفرو ربكم انه كان غفارا يرسل السماء عليكم مدرارا ويمددكم باموال وبنين ويجعل لكم انهار )
وقال عليه الصلاة والسلام ( من لزم الإستغفار جعل الله له من كل هم فرجا ومن كل ضيق مخرجا ورزقه من حيث لا يحتسب )ا
أسئلة للنقاش
1.ما رأيك في هده القصة ؟
2.هل مررتي بتجربة مشابهة للقصة؟ادا كان جوابك نعم فاحكي لنا قصتك؟
3.مادا تفعلين لو واجهت نفس المصير ؟
4.كيف ستواجهين كلام الناس لو كنت مكانها؟
5.ما الخلاصة التي وصلتي اليها من خلال القصة؟
6.اضافاتك الخاصة في الموضوع.