لازم أروح المستشفى وإلا مو لازم؟ ؟ ؟

[أم إلياس ومهند]

بسم الله الحمدلله والصلاة والسلام على رسول الله ..

أخواتي الحبيبات سؤالي باختصـــار أنا حامل في الشهر الأول مارحت المستشفى وما ابغى أروح وليش أروح واحس أن مافي داعي أني أروح في الشهر الاول أقصد

فهل يجب عليه أن أروح عشان أطمن على الجنين وعلى نفسي وإلا مو لازم ؟؟....

مع العلم إني بكريه وعرفت أني حامل بالتحليل المنزلي وانقطاع الدوره وشكرا

جزاكم الله خيرا
وربي يقوم كل الحوامل بالسلامه ويفرحهن بعيالهن
ويعوض كل وحده تتمنى تحمل إنه سميع قريب مجيب

[ام الولدين]

لازم يا حبيبتى تروحى المستشفى او عند دكتوره عشان تتطمنى وتكتبلك على حمض الفوليك وتعرفك الاكل المناسب ليكى فى الفتره دى وربنا يتمم لك على خير انتى وكل الحوامل

[~~لحن الحياة~~]

مزبوط كلام ام الولدين لازم تروحي عند دكتورة مختصة كرمال تطمني على صحتك وصحة الجنين وفي ادوية لازم تبلشي تاخديها وان شاء الله ربنا يكملك حملك على خيريا عمري

[مرومه]

روحي من الشهر الثاني

افضل

[المتأمله]

أنا بعد أنصحك روحي للمستوصف اللي راح يتبعون فتره حملك لين موعد الولاده
وبعدين حبيبتي لازم تأخذين حبوب الفوليك في بدايه الحمل اي 3 شهور الأولى
لانه بتحمي الجنين من التشوهات وبتغذيه فاهي مهمه تأخذينها بنتظام ....
والله يتمم لك حملك بخير وسلامه ...

[دموع]

حبيبتي انصحك تروحي وبالذات اول شهور لان بيطلبون تحاليل ومهمه جدا

[أم إلياس ومهند]

الله يحفظكم وجزاكم المولى خير الجزاء

على فكره أنت وايد وايد وايد طيبيـــــــــــن

بارك الله فيكم

[الفتاة الذهبية]

انا ما رحت لهم الا في بداية الشهر الثالث

اعتقد عادي ان ما تروحين من البداية لانه المواعيد تبتدي معاج من الشهر الرابع

[نبض قلب حمني]

لاااااااااااااااااااا
انتبهي

لازم تروحين عشان تتاكدين من الحمل وانتي عارفه بلاوي هاليومين كل يوم طالع لنا شئ
الله يبعدنا وياك

ومااظن انك بتخسرين شئ لو رحتي
احسن من انك ماتروحين وتتعبين حالك بالاخر

لان لازم تاخذ حمض الفوليك من اول يوم تعرفين انك حامل
والله اني اعرف وحده ماخذته الا متاخر وبنتها معوقه الحين ماتمشي ولاتعرف احد حولها ولاتشوف زين الله يبعدنا وياكم والله يشفيها

يعني عشان صحتك روحي وبجد مااظن بتخسري شئ

والمفروض كل شهر تروحين لانه شئ مهم بجد مهم

[براري]

لازم تروحين المستشفى لان حبوب الفوليك مهمه وممكن تحتاجين لحبوب الحديد والله ييسرلك