ولدي يخوووووووفني

[يـــونا]

انا صار لي شهر من ولادتي لسا ماخلصت الاربعين وولدي الغالي من انولد ابيض ويهبل
وكل من شافه يقول ولدك يهبل ابيض فجأه بعد اسبوعين
قلب الولد الى اسمر واحيان يقلب اسود وعنده مغوصات وغازات
معذبته حييييييل وبس يقلب وجه الوان مو مهم لون البشره اهم شي العافيه
مافي شي ماسويت له (يانسون-ماء غريب-ادويه وصف لياه الدكتور-غيرت حليبه 3 مرات
سيميلاك بعدين بيوميل - والحين اعطيه نورلاك)
طبعا الحليب الصناعي مساعد فقط لان حليبي قليل من قله الاكل والنفسيه
احس حليب نورلاك مشى معاه من حيث الامساك اما الغازات والمغص تعبني صراحه وغير كذا مخوفني بس يشهق واحيان يوقف مايتنفس كانه ينازع
لدرجه اني حطيته عند زوجي وكان يتفرج عليه وبالاخير ناداني
قال شيليه عني والله خوفني شكله بيموت وزوجي يمووووووووت بالاطفال وحنون عليهم
ومايتحمل يشوف فيهم اي مرض وانا نفسيتي مره تعبت عشانه احسه يتعذب حييل
سؤال
وش احسن علاج جربتوه للمغص والغازات الشهور الاولى؟
صحيح انقلاب لون بشرته من المغص بالرغم ان يدينه ورجوله بيض بس وجهه يخوف بس يقلب؟
في احد صار لولده مثلي بعيد الشر عنكم ؟
كم يقعد مده المغص للطفل ؟
لاتنسووون تدعون له

[همسة دلع]

بسم الله عليه
ما يشوف شر ياارب والله يرفع عنه
والله ماعندي خلفيه لاكن زوجة اخوي كاانت تشكي من مغص ولدها وتقول بعد ما غيرت الحليب الحمد لله
لاكن عن نفسي انصحك تغيرين الدكتور مو الحليب
وربي انهم يخوفون في هذه المرحله ما تعرفين ويش يحسون فيه
الله يرفع عنه كل مكروه ويريح بالك ويطمنك عليه

[يـــونا]

الدكتور كبير وفاهم بس الغريب انو ماسالني اي حليب اعطيه ولا استفسر

بس قال لي روحي سوي له اشعه ورحت سويت له وشاف الاشعه وكتب لي

دواء مسكن الالم وتحميل للامساك فقط ماكتب اي شي غيره

قلت له طيب اغير الحليب قال لي لا الحليب مافيه شي ههههههه والمشكله ماسالني اش اعطيه حليب

تسلميييييييييين على الرد ومشكوووووووره على الدعوه

بنااااااااااااات من صار لها مثلي واش استخدمت تكفوووووووووون ردو علي

مرررررررررره خايفه

[حنين الجنة]

وديه دكتور بيكتب له نقاااط بالفم للامساك

[يـــونا]

مشكوووووووره اوخيتي

وديته للدكتور ماكتب لي نقاط اعطاني تحميله لجسرين

بس اذا اعطيته التحميل يبرز واذا ماعطيته مافيه وانا اخاف يتعود عليه لان كثرته مو زين

مستقبلا يصير الطفل مايبرز الا فيه غيرت له الحليب صار يبرز عادي

بس احسه يتعب لانو مايبرز بالسهوله غير مغوصات وعذاب

[ملكه]

شوفي حبيبتي الغازات والمغص مش ولابد عند جميع المواليد وتستمر الى 4 اشهر او 3 عادي

انا يوم ولدي كنت اعطيه يانسون وماشفت فايدة وعطيته كمون محلى بسكر عشان يرغبه والحمدلله اذا شربته ع طووول يرتاح وينام طوول الاربعين والاشهر الاولى اعطيه كمون ويرتاح ربي لك الحمد
اما لون البشرة ماعندي خبرة بس اشوف بنتي كل يوم لها لون مرا حمرا ومرا سمرا ومرة بيضا

وترا تغيير الحليب هو اللي يسبب الم ومغص حاد للطفل اذكر يوم ولدي قاعدة اجرب فيه انواع الحليب ومسكين تعذب من الالم المفروض من اول مرة جبتي له حليب لاتغيرينه وافضل حليب سميلاك لاامساك ولا اسهال بس مغص وهذا شي لازم يصاحب الرضيع بس انتي احرصي عطيه كمون واذا ما رغبه بدون سكر اضيفي سكر عادي بس لاتكثرين

والامساك بسبب الحليب الصناعي داومي على مريسة تمر مرة وحدة يوميا تلين بطنه ولا يجيه امساك ان شاء الله

[ام ميمي ان شاءالله]

ماعندي خبرة بس ابيج تحصنين الولد وتقرين له ايات الرقية وتكبرين فوق راسه وعلى بطنه كم مرة وعليك بالدعاء وانشالله يصير خير وبالنسبة للغازات عيال خالي كلهم بعد ينولدون يصير عندهم جدتهم طعتيهم نعناع اخضر تغليه شوي والله الغازات تروح نعناع اخضر دوري عليه بتلاقينه واهم شي الطازج الاخضر ويااااااااااارب يتعافى

[بنووتهـ كيووتــ]

مدري بس انا ولدى كان كذا مره ابيض مره احمر مره اسمر بعد الاربعين صار عادى وكان يجيه مغص واعطيه شوى يانسون الحمدالله بس تاكدى انا اتوقع عادى تغير لون ؟؟

[أم جهااد]

حبيبتي اول شي ماايشووف شر ان شاء الله
ثاانياا لاتنسين تقرين عليه الفااتحه 7 مراات وايه الكرسي والمعوذات وحصنيه هذا شي مهههم
ثاالثاا :: مسأله ان ولدك يشااهق
انا كان ولدي يشاهق بكثره وخفت عليه وعرفت السبب بعدين
اللي هو اذا جلس ولدك يطلع الحليب الزائد
احيانا يكون نايم ع ظهره فيرجع الزائد الى بطنه
ويجلس يشااهق .
وضروري ياحبيبتي تخلي طفلك بعد الرضعه يتجشأ
تحطينه ع كتفك او يدك بوضع مستقيم من 1 _5 دقائق
ويدك تحركينها ع ظهره وجنبه الى ان يتجشأ
هذي تخففففف من الغازات ومن الشهااق ان شاءالله
لاتنسين بعد كل رضعه عشان يرتاح الطفل
واذا كثرت عليه الغازات والمغص اعطيه يانسون او نعناع اخضر وحليه بقليل من السكر نبات .

وان شاء الله يتحسن .

[حبيبةحبيبها]

حبيبتي اسمعي بقلك على شي
القران مايضر ارقي وانشاء يخف
انا اخوي نفس الطريقة الكل تجنن من بياضواكاننا كابين عليه دقيق
وشعره ناعم وكان طويل على اكتافهه
وربي فجاء قلب زي ولد سار يزرق وشعره مسكين تفلفل
وربي كان يبكي من ادان الفجر لحد ادان الظهر امي انفجعة وسارة تخاف منه
من كثر ما يبكي جاه فتاق من البيكي
ودحين عمرة سنتين ونص الله يحفظة لنا
بس يخاف من المشي لما نجي نمشيه يشق تقولي دا واحد كبير

مع ان تحاليلو سليمة
ونفس الطريقة كااان على طول امساك وغازات


ودحين زوجي بيوديه عند صديقة شيخ يرقية
القران مايضر