بسم الله الرحمن الرحيم
كيفكم حبايب يارب تكونوا بصحه وعافيه واحسن حال ..انا والده الحمدلله من شهرين عارفه طولت عليكم بس الله العالم كنت تعبانه وفسيتي مره زفت والحين الحمدلله تمام ..
طبع من الشهر الثامن كانت تجيني الام ولاده ..وفي التاسع بدت تزيد وانا زي ماانتوا عارفين كنت اخذ مثبتات من حبوب وابر للشهر السابع وهذا اكثر شي اثر علي بالولاده والدكتوره نصحتني بقيصري بس انا عاندت وقلت بحاول طبيعي ..
المهم ..في يوم 16/1/1432هـ من الصباح حسيت بتعب والام وانتظرت لين العصر ورحت المستشفى رحت حكومي على اساس بس اشوف واطلع اولد بخاص ..لما كشفت قالت مفتوح 3 سم وتنويم قلت ماابغى اتنوم مارضوا يطلعوني ودخلوني غرفة تنويم كلمت زوجي وكلمهم قالوا ماتطلع هي تعبانه وخوفوه قالوا لو طلعت على مسؤوليتكم المهم سمع كلامهم وقال خلاص ..تعذبت من الكشف كل شوي وحده تجي تكشف وانا بموت لما رحت المستشفى العصر وجلس الرحم مفتوح بس 3 لين 6 الصباح يوم الاربعاء وانا كل شوي تجي وحده تكشف ..بعدين جابوالي استشاري قال انا انصحك بعمليه بس راح الدكتوره هنديه قالت لا انصحك طبيعي ومدري احترت كن مدري ايش اقرر من الالم ..الساعه 7 فتح 4 سم ..وطلعوني الكشك وفتحوا موية الجنين قالوا يمكن تولدي بسرعه ..وجلست لين الساعه عشره والرحم مارضى يفتح زياده جا الاستشاري وقال هذي من امس حرام عليكم دخلوها عمليات عشان الجنين ..ركبوا قصطره ..جات الدكتوره قالت طلعوا القصطره مافي عمليه واعطتني طلق صناعي ابره ,, وانتظرت وباقي مافتح الرحم ..اذن الظهر جات دكتوره ثانيه سوريه قالت ركبوا قصطره وبسرعه ودوها غرفة العمليات ..طبعا كل هذا ومعاي قابله سعوديه يمكن عمرها 22 كانت تدعي لي وتمسح على راسي انا كنت ابكي من غير صوت حسيت اني بموت ..وكانت مره مقهوره منهم وتدعي عليهم ..جات الدكتوره الهنديه وكالعاده قالت خرجوا القصطره وسووا فيني هذي الحركه 4 مرات ..وكل شوي ابر طلق صناعي لين الساعه 2 حسيت ان روحي بتطلع تشهدت خلاص .. طلعوا كلهم وتركوني انا والقابله السعوديه مريم اسأل الله ان يرزقها وين ماكانت ..قالت اسمعي انا بولدك انتي حاولي معاي مافي احد غيري لاتخافي ..المهم جلست تشجعني وانا ادفع بقوه لين طلع احلى فهودي بالدنيا والحمدلله .. نظفتني وخيطتني ..وقالت للسستر تساعدني اغسل والبس ..بعدين جات الدكتوره الهنديه قالت من بعيد لبسوها لبس العمليات خلاص عمليه ..ولما دخلت عرفت اني ولدت جات تبغى تخيط ولما عرفت ان مريم هي اللي سوت كل شي عصبت وطلعت ..
هذي كل القصه ..اسأل الله ان يكتب لنا الاجر ويرزقنا برهم ..
طبعا كل المستشفى فرحوا لما عرفوا ان لي 7 سنوات ..
اسأل الله ان يعطي كل محرومه