بنات شاعدوني والله محتاجتكم اكتب وانا ابكي

[غفرانك يارب]

بنات مشكلتي كالاتي اناكنت متخاصمه مع اخت زوجي في بداية حملي كنت بالشهر الاول جاب اخته عندنا وهي كبيره بالسن شوي يعني تحتاج مين يخدمها انكسرت يدها وجابها من قريتهم طبعا اناكنت اشتغل وقتها واتوحم فماتقبلت الوضع وقلت له قلت انا مااقدر اخدمها خصوصا ان بنتها استقبلتها اسبوع وبعدين كلمتني قالت باجيبها عندك اسبوع واقولها ترجع للبيت بس انتي ريحيني شوي قلت لها اوكيه من باب المساعده لها لمن جات مارضيت تروح قال زوجي خلاص اختي تبقى معانا طول عمرها ماراح اخليها في القريه لوحدها وانا جن جنوني واتضاربت معاه خصوصا انه عندها بيت ملك في المدينه والقريه وبنتها فيه واولاده الثانين مو متزوجين موجودين 4 اولاد و3 بنات المهم احرجني مع بنتها وقالها اني ماابغى اخته واتضاربنا قدامها واخته عرفت وراحت من عندي وقبل اسبوعين رجعت ولين الحين فيه وقالت امس بكره رايحه بس انا هذي المره لمن جاتني احسنت لها لاني دوامي خف صار بس مسائي المهم في الموضوع لمن احسنت لها زوجي اتغيرت معاملته معايه وصاير يتودد ليه وكمان الادهى والامر جاء يطلبني ينام معايه ويبوسني واحنا لنا 6 شهور مانمنا مع بعض الا 3 او 4 مرات ولمن قبل تجي قلت تعال نسولف على السرير ولبست لبس حلو يقول انتي تغريني قلت لا بس بنسولف قال ماني جاي ويحاول يتجنبني واليوم طلبني الحمدلله بس انا شكيت يوم احسنت لها تغير وضعه المهم انا مو متقبله اهتمامه لي لانه ليش يربط علاقتنا الزوجيه بعلاقتي باهله ونفسي اتكلم معاه بس مو عارفه ايش اقول اقوله ليش انت صرت احسن معايه بعد ماانا احسنت لاختك
طولت عليكم بس اذا كانت السبب في مشاكلي مع زوجي مااقول الا حسبي الله عليه واذا كانت حاطه لنا شى يخليه ماينام معايه اشوفها في بناتها يارب وينحرق قلبها عليهم حسبي الله عليها ان كان لها دخل ...
قولوا لي ايش اسوي ... اسوي نفسي ماحسيت واعيش حياتي عادي والا اناقشه وال ايش اسوي ونفس الوقت انا ماابغى ابين له عين الرضا عشان لاتجيني وتقعد معايه طول حياتها ابي اخذ راحتي ببيتي

[احب سمينا]

الله يعينك والله مامعاك إلا الصبر لكن شوفي الأخوات يردوا عليك إن شاء الله تلاقي حل

[احلى كرميلا]

استغفر الله احسني الظن لايروح بالك بعيد ياقلبي ايش مسويه شي لزوجك اخوها وماظن انها تقدر تضره لكن طول الوقت شغلي قران وسورة البقرا حتى وهي في البيت معاكم واستمري وسارحي زوجك مافيها شي تتمشكلو شويا افضل من انكم تجلسو شهوور كداا

[مثايل]

لااله الا الله عليها حبيبيت مالج الا الصبر والصلاة والاستغفار واهم شي الرقيه الشرعيه وايه الكرسي والمعوذات وانتبهي لنفسج والله معاج وحاولي تتفادينها لادامج شاكه انها مسويه شي الله يعينج تتوددين لها لين تموت هع ههههه استغفرالله بس ايش الواحد يقول اللي يشوف بلا غيرة يهون عليه بلاهـ الله ياج ياغلاي

[Dana]

عادي ليش تزعلي ... تحمليها لحتى تروح ... بالأول وبالآخر أكيد مارح تضل طول عمرها عندك ... ولما تروح تفاهمي إنتي وزوجك بهدوء
لأنه مهما تعملي رح يضل يهتم بأهله وبتزيد غلاتك عنده لما تعامليهم منيح
لأنه إحنا كمان بنضل نهتم بأهلنا وبتزيد غلاة أزواجنا لما يرضوا أهالينا
وممكن مو كتير بقرب منك لأنك حامل وخايف عليك وعالبيبي
والمشاكل مع زوجك هادا شي طبيعي إلا الواحد بتيجي فترة فيها مشاكل
وخصوصا بالحمل لأنه الحامل بتصير مزاجية وحساسة زيادة عن اللزوم وأنا هيك صار معي

[غفرانك يارب]

تسلمون يابنات بس انا الحين ولدت ليه 4 اشهر تقريبا

[طبيبة القلوب]

حبيتي ربما فعل الخير اللي سويتيه مع اخته اللي هو صدقة ....
ربنا فتحها بوجهك وغيرلك زوجك ..وعلى طول يمكن .. ومو شطر عشان معاملة اخته ...

هدا ما اتوقعه ,,, وياستي عدي الايام ... الله اعلم كم بعيش الانسان
كله بتلقيه يوم الاخرة .... ان شاءالله دفع مصيبة عنك ..ياربي

[ام ليووون]

الحمدلله انااااااا اهل زوجي موموجودين عندي وعلاقتي فيهم من بعيد للبعيد الله يعينك خير تعمل شرنتلقي ام ليووووووووووووووون

[أم الكتكوته منونه]

طيب عندها بنات وانت موظفه وحامل عن جد ظلم هذه اخته لو امه نقول ما عليه بر بس هذه اخته

[البتول...]

ياقلبي لاتفاتحينه بموضوع انه تغير في معاملته معك ..خليك عااااادي ولا كان هامك شيء بس اهم شيء لاتقصري في حقه الشرعي ...
ولاتتلفظي على اهله او اخته قدامه ترى تنزل قيمتك عنده ..و اتحمليهم مو لشيء بس عشان رضا زوجك ولك أجر بعد ...