بعد عناء شديد قررت ان يكون هذا برنامجي للنفاس

الحنان34 · 03-09-2011, 06:08 PM

برنامج للنفاس

بسم الله الرحمن الرحيم

في الايام العشرين الاولى/
-في الصباح على الريق سفوف (ملعقة صغيرة كمون مطحون-نص ملعققة صغيرة رشاد أو أقل -7حبات حبة سوداء-7حبات حلبة –كسرة مر مثل حبة الحمص)تخلط جميعها مع معقة عسل كبيرة ويشرب بعدها مشروب حار0المقادير تكفي لمرة وحدة وكل مرة نعيد المقادير نفسها لين مانخلص ال20 الاولى0
-تمر بدون رشاد لان الرشاد في الأيام الاولى ينشف0
-دواء القهوة -(مسمار-كمون-محلب-عنزروت-خوا-جوا)0يوضع منها مع فجال القهوه0
-منقوع المر والعنزروت يشرب بعد الغدا0
-قهوة الاعشاب طول اليوم (قشر-نخوة-يانسون-زنجبيل-قرفة-شمار-واذ بغيت أحط كراوية)0
-مشروب الحلبة مع الحليب كوبين باليوم0
-أحط بالأكل ماش وفيه ناس يقولون فلفل أسود بس كيف مع الرضاعة يمغص بطن الطفل وقررت أتركه0
-أشرب منقوع الزبيب ليل ونهار0
أنا قريت عن جابر القحطاني ان المحلب والرشاد ماتستخدم في الـ20الاولى لانها تنشف الدم واحنا نبغى الدم ينزل فلذلك بستخدمها بكثرة بالـ20الأخيرة0
في العشرين الأيام الأخيرة/
-أستمر بالتمر وأخلط معها رشاد ملعقتين أو أكثر0
-أستمر بدواء القهوة0,وأستمر بمنقوع المر والعنزروت وأزيدها محلب0وأوقف شرب الحلبة وأكلها لأنها ترخي الرحم 0
-أغير السفوف الأول وأستخدم (محلب ورشاد وحبة حلوة)0
-أستمر بشرب الزبيب لانه بصراحة يقوي ويعوض الدم بس مايكون بارد0وأستمر بالماش في الأكل0
-أستخدم عشبة عباءة السيدة بالعشرين الاخيرة مرتين باليوم0
-أستمر بالقهوة حق القشر والاعشاب0
-أستخدم بالخمس الأيام الأخيرة سفوف الخمس فناجيل (محلب-كمون-رشاد-فلفل أسود- مسمار)0مرتين باليوم0
أحاول أدخل الحبة السوداء بأي شئ لو 7حبات0حتى لو اسفها لحالها أوأحطها بالقهوة 0
أنا حابة اتبخر بكمون-وخوا جوا –ومر –واذا فيه نوى التمر بس مدري متى أبدأ بها وماودي باللي يقولونة قشر بصل ومحلب لاني سمعت الي تتبخر بالكبو ثم تتركه تعود زي ماكانت0وليــــــــــــــــــه0
بالنسبة للغسول ودي بالقرض والارطا والمر والملح وقشر رمان بس ماأدري من متى أبدأ بهذي الغسولات باي يوم0
ودي بعد بالعشرين الاخيرة بغسول مكون من(ميرامية-رجل الأسد-قشر رمان-بابونج)0
ودي بعد أشرب شاي التخسيس (شاي أخضر –قشر رمان-بابونج-ممكن ميرامية بس يقولون تنشف الحليب من متى ابدااستخدم هذا الشاي0
بالنسبة للاكل امي ماراح تقصر معي هي أفهم مني0
أنا تعتبت وانا اجمع بغيت امشي على نظام فيافي بس لقيته صعب وممل واخاف من الاعشاب الكثيرة لانها يمكن تأثر على الطفل وما صدقنا على الله جاء0
الحمد لله بس أبغاكم تعلموني اذا فيه شئ غلط أو ناقص شئ ومتى استخدم الغسول والبخور وشاي الاعشاب ؟أتمنى تكونو مجربين0

طبيبة القلوب · 03-09-2011, 07:37 PM

بكرية .... وحبيت ادعيلك ,,,,ربي ييسرلك امرك ياربي

الحنان34 · 03-09-2011, 07:43 PM

يـــــــــــــــــــــــــــــــــالله ياخواتي امانا وجهي نحس على كل المنتديات
وين ماحط موضوع مااحد يتنازل يرد على او يفيدني
علموني نظامي زييين ولا لا

بنت الحجاز · 03-09-2011, 07:59 PM

اختى والله ماعندى معلومه
اخاف انى مافيدك بس نصيحتى ايش تقولك
اياه امك ومجرب سويه
لان لكل بلد طريقته وكل حرمه عن حرمه
تختلف
الله يقومك بالسلامه وادعيلى انى اولد بالسلامه
تقبلى ودى

سوومي · 03-09-2011, 08:02 PM

بصراحه أنا بكريه وماأعرف بهالسوالف والأعشاب تاركه كل شئ أمي الله يحفظها يارب
بسسسسسسسسسس نظامك روووووعه بجد أكثر من روعه أنا حفظت الصفحه وبعطيها أمي خلها تسوي كل اللي كتبتيه
مشكووووووووووووووووووووره ياحبي تسلمين

غلاتي حبيبي · 03-10-2011, 05:45 PM

نظامك مره حلو
وانابكريه بسوي نفسك
بس نصيحه الخوا جوا موزييييييييييييين موزييييييييييي لاتستخدمينه
ماما تقول موزين يخرب كثيييير

سولآف · 03-10-2011, 08:25 PM

ماعندي خلفيه والله

كل ذالاشياء ماستخدمتها في بنتي

بس ماش وحلبه خذته سفوف ومرة وكمون بعد الغداء هذا اللي اذكرة

بس ان شاء الله لاحملت بتبع نظامك

بس ادعي لك احمل تأخرت كثير

الحنان34 · 03-11-2011, 02:34 PM

مشكورين ياللي رديتو الله يجعله بموازين اعمالكم
اللله يجزاكم كل خير ويحقق لكم اللي في بالكم

وأنت ياملاذ اسال الله العظيم رب العش الكريم انه مايخلص
الشهر ذا الا قد حملتي بالطفل السليم المعافا من غير زيادة ولانقصان
اللي يبرك ويبر ابوه ويكون من عباده الصالحين الملتزمين
الحافضين لكتابه

غلاتي حبيبي_--مشكورة يااختي ياحبيبتي على نصيحتك
في الخوا جوا بس برأيك تقولين لي ابعده من الخلطة ؟
الله يجراك خير على نصيحتك لي

ياليت اللي تشوف بنظامي شيء غلط استخدمته او تعرف انه
يخرب تعلمني الله يخليكم لاني مجمعة من كذا منتدى
مشكوورين

ياحبيبي يالله · 03-12-2011, 03:04 AM

نظامك حلو
ومو ناقصه شيء ماشاء الله عليك شكلك مهتمه
لكن نصيحه اهم شيء الاكل المفيد تراه اهم من كل اللي ذكرتيه
كثري شوربات مثل شوربة لحم وشورية فريكة وشوربة عدس وبعد الاكلات الشعبيه مثل المرقوق والمطازيز والاكل اللي فيه تمرمثل العصيده والعريكه والله يوفق الجميع

الحنان34 · 03-12-2011, 02:45 PM

ياحبيبي يالله --مشكورة ياقلبي على مرورك الله يجزاك خير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تلدين ولادة سهلة دون عناء باذن الله	Om KHaled	إستفسارات مرحلة الولادة	106	05-14-2014 06:30 AM
برنامج للنفاس, خلطات للنفاس, جدول للنفاس,نظام سهل للنفاس	عزيزة النفس	منتدى فترة النفاس	6	03-10-2013 12:14 PM
اعشاب للنفاس,خلطات للنفاس,تمارين للنفاس ,نصائح ’عنايه	عزيزة النفس	منتدى فترة النفاس	16	01-05-2013 12:57 PM
بوجع شديد في الجانب الايمن من اسفل البطن.....و انا قلقة ان يكون حمل خارج الرحم او غير	نورالهدى	منتدى أنواع الحمل	10	08-30-2010 02:54 AM
لاجهد ولا عناء بعد اليوم بعد منظم الادراج ومنظم الإشاربات	راسم الاحاسيس	منتدى السوق التجاري	6	08-02-2010 05:03 PM