اتمنى تلاقون حل لمشكلتي

[ظلام اليل]

سلام بنات اخباركم


مساكم ، صباحكم خير


بنات انا في حاجه جدا مضايقتني ولما دخلت هالقسم تحمست اقولها


انا معاملة زوجي مرا كويسه معاي وجدا وفي

وامه وخواته كويسسين جدا معي ومرا محترمين

بس مضايقني بنت خالته لانو اول كانت تحبه واهو مايحبها

اسلوبها زفت معاي بما اني ابد ماسويت لها شي

اول مرا شفتها نظراتها قويه واخت زوجي تعرف عنها فحكت لزوجي عن الموضوع

ولما رجعت قالي انو ماله علاقه وياها وانو اهي كذا من زمان

والكل يدري عنها صراحه انا اضايق منها

خصوص كل اربعاء اشوفها وربي لي سنه ونص وانا متزوجه واهي مثل حالاتها ماتغيرت


وادور المشاكل والدور اي موضوع تافهه وترسله لزوجي

وسببة مشكله معي ومع زوجي

وحتى سلام ماتحب تسلم


مررا تضايقت اكررهه الاربعاء يجي عشان ماشوفها

وكل ماحكيت لزووجي قالت تصبري

انا مررت مليت


اتمنى تفيدوني ايش اسوي وياها

[miss besho]

والله انا لو مكانك احط حد للموضوع دا حلو دا هوا مالو ومال بنت خالو مدري خالتو ياسلام احنا فين عايشين والله لو انا مكانك لآكسر يدها حلوه ترسل لزوجي ...
انا ما اقول سوي مشكله لا دقي بالكلام بس يكون وااضح وقولي لزوجك يا انو يحط حد للموضوع دا خيري باي شي في الحياه يحبو...كلمي امو تتفاهم معاها ....

اما تجلسي كدا والله مررررررررررررره مع نفسهاااا بصيغتي تمص حمر بقووووه ^ـ^

هدي انتي بس ..ودايما استغفري بنية انو ربنا يبعدها عنك وعن زوجك كل يوم وخلي نيتك صااافيه وصدقيني راح تنحل
..

موفقه ياااارب والله يفكك منها....
دمتي بود

[#عيــ الجوريه ــون#]

أول شي مدام زوجك مايحبها ولاجاب خبرها ،،ولو كان يبيها كان تزوجها من أول ،،

ثاني شي هي المقهوره منك علشان أختارك أنتي ،،فخليك مرررررره مبسوطه لا قابلتيها ولا تبيني أنك زعلانه من تصرفاتها ،،

ونصيحه لاتجيبي طاري لزوجك مرره عنها ،،وإا ذا على رسائلها لزوجك ،،خليه هو يتصرف يوقفها عند حدهاه ،،أو يقول لأاهلها عن تصرفاتها ،،معه ،،

[sweet moon]

حارقه دمك على ايش مدري الحين !!!

طيب ماتبغى تسلم براحتها

تناظرك بنص عين طز فيها

وش راجيه منها تجي تبوس راسك

خليها تسوي اللي تسوي

طنشيها دام انها معروفه بحركاتها

مايسوى عليها

[احساس أنثى]

زوجك يمسح رقمها ... ولا كيف هيا تخبروا عن المشاكل يلي تخترعها

ومادام زوجك معك وعارفها خلاص طنشي الموضوع ولا يكون ببالك شي

بكرة بتتزوج وبتنسى ادعيلها الله يبعتلها عريس ..

انا متلك كانت بنت عمو لزوجي بس هيها خطبت وعلى وشك زواج الحمد لله

ربي يصلح الحال

[سمار]

أقول يالغاليه لاتهتمين ولاتفكرين بالعكس إذا جاء الأربعاء روحي وأنت آآآآآآآآآآآآآآآآآآخر أناقه وكاشخه وأضحكي وسولفي مع الكل أفرسيها أكثر ولو تكلمت معك ولا كأنك تشوفينها ولا كأنها قالت شي وزوجك لاتقولين له أي شي غير أنك تطلبي منه يغير رقمه ضروري جداً جداً جداً
لأن الرجال ترى مهماً عمل حاله مو مهتم مع كل هالحركات منها والرسايل بيلين لأن الرجال بطبعهم يحبون يعرفون أنهم محبوبين وأنه فيه اللي يبيهم ويهتمون أكثر لهالشي فخليه على طول يغير جواله وأمه توقفها عند حدها والإ هالشي عادي عندهم
والله يكفيك شرها ترى مايخرب على الحرمه الإ حرمه مثلها

[ظلام اليل]

صراحه ماردي وش احكي لكم


بس عن جد ريحتوني الله يريحكم

وتسسسسلمون يالغوالي ومثل ماقلتو انا لازم اطنشها وان شاءالله اقدر

سماار انا تو انتبه لنصيحتك صحيح اهو ضروري يغير رقمه

تصدقي هالنقطه مانتبهت لها

دمعه شوق ايه والله صدقني الله يبتليها برجل وارتاااااااح


سويت مون هههههههههههه لببى روحك صدقتي والله يقويني بس دعواتك


عيون الجوريه كلامك صحيح وربي صحيتوني على اشياء مانتبهت لها


مس ميشو لبى قلبك تسلمين يالغاليه


جدا اشكركم لانك نبهتوني على اشياء مهمه

[حنان الشهري]

ياقلبي انتي لاتفكرين فيها هي جالسه تقهرك لانها حاسه انك تتضايقي

انتي حاولي تتجاهليها وخليكي مبسوووطه ودام زوجك يحبك ماعليك فيها

لاتضايقي نفسك علشانها وقد ماتقدري لاتقربين منها

وكثري من الدعاء اني ربي يكفيك شرها

والله يخلي زوجك لك ويديم محبتكم

[ظلام اليل]

حنونه فديتك والله

يعطيك الف عااافيه ومثل ماقلتي انا لازم اتبعد عننها


اشكرك حيل

[دلع الأحساء]

يلا يووم البووع ورينا اناقتك