بنات شورو علي

[ام النوني]

السلام عليكم ،،مبارك عليكم الشهر،، بنات انا مدري من ابدا بس لازم افضفض لكم عشان ارتاح شوي ،،انا حامل بالثالث واليوم كان موعدي طبعا دخلت بروحي عند دكتوري قلت له ابي اشوف جنس الجنين قال مايبين اللحين وعطاني موعد بعد العيد ،،طبعا زوجي اول سوال شنو في بطنج ولد والا بنت ،انا قلت له بنت حبيت امهد للموضوع لاني خايفه حيل ..اللع لايوريكم طول الطريق يدعي عليها ويقول ياليتها تطيح ولما وصلت البيت قالي شرايج تجهضين ،،انا احس الدنيا دارت فيني ،،ياربي لك الحمد انا راضيه بالولد والبنت واللي يجي من الله حياه الله اهم شي الخلقه التامه،،يارب ترحمني برحمتك ،،لاتنسوني من دعواتكم

[طفلة المطر]

اختي لاتحاتين ولاشي قولي كل شي من ربنا الله اللي يهب ذكورا واناثا واهم ماعليك نفسيتك ..وبعدين لاتجهضين حرام هذا قتل عمد الله يهدي زوجك ويسخره لك ويرزقكم بالولد الصالح التام الخلقه والخلق ..ادعيلي اختي بثبات الحمل ..

[تاله 1]

الله يتمم حملك و يهدي زوجك
و الله الولد أو البنت اتنينهم نعمة من الله
واش اقولك غير كثري القيام و الدعاء لزوجك بالهداية احنا في شهر مبارك و دعاء الصائم مستجاب
و حاولي تدكريه ب ايات من القرآن للي تحكي على حالات تشبه حالتو:
( يتوارى من القوم من سوء ما بشر به أيمسكه على هون أم يدسه في التراب ألا ساء ما يحكمون ( 59 ) للذين لا يؤمنون بالآخرة مثل السوء ولله المثل الأعلى وهو العزيز الحكيم ( 60 ) )
و الله يكون بعونك

[اخت العرب]

لا حوووووووووول ولا قوة الا بالله الله يعنيج على زوجج ويهديه ياااااااااارب اشفيهم البنات احلى وارق شيء بدنيا اصلا مافية رجل يقدر يعيش حياته بدون مراءه المراءه هي البيت وهي الوطن بالنسبة للرجل بدونا والله مايسون شيء

[mno]

لا تسمعي كلامه بقولك قصه صحبتي هيا عرفت انها حامل ببنت وقلها زوجها اجهضي بعد كم يوم قالتله برح بيت اهلي وداه ولما جاه ياخده ماطلعت قالت انته ماتبغه الي بطني وانا خايفه ع نفسي مابروح وياك قلها اجلسي وجلست اسبوعين عند اهلها ولا تسال عن زوجها وحتى بيدق ماترد عليه ع اساس هيا زعلانه وهيا مجمعه صحباتها بعدين هيا كلمته وقالتله بروح مستشفى تعبانه وراحت عند دكتوره وهو طلع معاه ولما حطت الجهاز في بطنها وزوجها شاف بيبي ربي هدا وانبسط

[سارونة الكويت]

لاحول ولا قوه الا بالله

الله يهدييه ويصلحه ؟، ماعليه حبيبتي

اهم شي نفسيتج وبعدين الموعد الجاي خليه يدش معاك يشوف البيبي يتحرك ويسمع نبضه والله بيفرررح

الله يرزقج بالجنين الكامل المعافى

[أم عمران]

هذا بدل ما يقول اهم شئ سلامتج وسلامته الجنين قاعد يدعي؟؟!!! صدق ناس مو عارفين للنعمه بدل ما يحمد ربه ويشكرة ويقول الله يسلمج ويسلمه الجاهل او الجاهله ايهما افضل عنده انج تولدين ولد لا سمح الله معاقه لو بنت سليمه؟؟؟ خله يستهدي بالله ويقول الحمدلله كلهم نعمه من الله والطغيان ما وراه الا الندم تالي
قولي له انت شنو اتفضل ولد معاق لو بنت سلميه الله اعلم باللي صالح للعبد مو على كيفه الله أخبر واعلم

[نبع المحبة]

الله يهدي زوجش إن شا الله
أهم شيء الجنين يكون بصحة وعافية.

[تعبت اعاني]

انتي يا اختي مو لازم تسبقين الاحداث وتكذبين عليه انها بنت وانتي ماعرفتي للان وش بطنك،،وقوليله اللي من الله حياه الله لاتعترض على امر الله ربي يهب لمن يشاء ذكورا ولمن يشاء اناثا احمد الله واشكره غيرنا ناس محرومه تتمنى من الله نصف طفل او حتى طفل معاق اهم شيء يكون من صلبها،،
الله يرزقك ما تتمنين ويسخر لك ربي زوجك

[Mقمة البرااااائهM]

أعووووووذ بالله

اليوم البنت احسن عن الولد

سبحان الله سبحان الله