انا حامل بشهر التاسع وبكرية وفي عندي شوية اسئلة

[كيك توفي]

مساء الخيرات على احلى كروشات
راح ادخل بالموضوع على طول انا حامل بشهر التاسع وبكرية واسمع كثير من كثر ماسمعت خلاص الافكار دخلت في بعض وميتة خوف الله يستر بس ودي اسئلكم كم سؤال بس ابليز الله يجزاكم خير ابي اللي عندها خبرة ومجربة تجاوبني بصراحة عشان اتطمن
اممممممممم بسم الله نبداء
ايش الاشياء اللي ممكن تاكلينها بالشهر التاسع وتسهل الولادة؟
كم المدة اللي ممكن اخصصها للمشي وضروري يكون يوميا؟
كيف اعرف انو ابتداء الطلق معاي وكيف احمية؟
لما اولد كيف اخفف الم الجراحة ايش المراهم اللي تنصحوني فيها؟ هالموضوع مرة مأزمني
هل في تمارين معينة اسويها فترة اول الطلق تساعد على فتح الرحم ؟
هل في تمارين معينة تنعمل بعد الولادة فترة النفاس تشد البطن وترجع الوزن مثل ماكان ؟
واي نصايح عندكم كتبوها تكفون واللة حدي متوترة احس اني بروح اموت مش ولادة

[قهوة البندق]

ومن سمعك يالغلا الله ييسرها لي ولك ولكل حامل

قالت لي وحده انه اشرب نص فنجان زيت زيتون من اول التاسع يلين عنق الرحم عن تجربة وحده تعرفها اتمنى افدتك وننتظر بقيه الحوامل

[بيسان الورد]

الحلبة والتمر اكتر شي كويسين,والمشي كل يوم نصف ساعة,ابتداء الطلق وجع اسفل ظهرك وبطنك ونزل مية الرأس وافرازات,وعند الطلق استمري بالمشي قد ما تقدري,وبالنسبة لشد البطن بدك تلفي علي بطنك حطة او قماشة عشان تشد البطن واذا اسمنتي اعملي رجيم هدا كل شي عليكي والله يوقمك ويقومني ويقوم كل واحد حامل بالسلامة...يارب

[ميس 02]

السؤال الاول ==كلي تمر واشربي حليب دافي قبل النوم
السؤال الثاني ==امشي في مساحات حرة وخضراء قدر استطاعتك وليس المهم كل يوم المهم عدم اهمال المشي
السؤال الثالث ==الطلق انواع هناك من ينزل عليها ماء فقط .وهناك من ياتيها افرازات بها خيوط دماء .وهناك من ياتيها مغص زي مغص الدورة
وهناك من ياتيها الم في الظهر
نصيحة لا تستعملي اي شي يحمي الطلق سوى ماء زمزم وقليل زيت زيتون ورطب
من الان عليك بدهن مهبل بزيت الزيتون مع الحرص على اطلاعه في عنق الرحم وعندما ياتيك طلق شمخي الفوطة بزيت الزيتون والبسيها تساعد على تليين المنطقة

[كيك توفي]

ثانكس للي ردو وانشاء اللة ربي يجزاكم كل خير وننتظر ردود البقية

[لحظة إحسآس]

انا بكريه مثلك
واستفدت من الموضوع
الله يجزاك خيير ياارب
ويعطيهم العافيه اللي ردوآ
ربي يسههل ولادتك يااااااااارب

[Mss Hassan]

امشي مشية القرفصاء

زينه يصير مثل تمرين للحوض


والله يسهل لج يَ رب


بخصوص الجراحه يعطونج المستشفى مرهم زين لاجراحه


و اذا ولدتي بالسلامه حاولي تمشين المشي زين للجراحه

بالبدايه يألم بس بعدين الحمدلله تخف ان شاءالله


القعده الدايمه تألم شوي الجراحه


و الله يسهل للجميع يَ رب

[همسات ام]

هههههه تصدقي بالله؟؟ انا حامل بالطفل الرابع واستفدت من لموضوع واغلب المعلومات ما اعرفها جزاها الله خيرا كل وحده لم تبخل بما تعرف وجعله الله في ميزان حسناتها
المعلومه الوحيده اللي ممكن اقولها ليكي ان الام الطلق تبدي شبيهه بالام الدورة وتزيد بالتدريج وبالنسبه للاشياء اللي تحمي الطلق امي تقول القرفه تشربيها دافئه وانا بصراحه ماجربتها اما المشي حاولي قدر الامكان تمشي ساعه يوميا والمشي السريع وليس البطئ
المهم انك ما تتوتري ولاترتبكي وتخلي الخوف بقلبك اذكري الله وهو لن ينساكي وتذكري انها ساعه وسلامه وان الامها منسيه ارجوكي تذكري كلتمي لما يجيلك الطلق ساعه وسلامه تذكري ان الالم راح ينتهي لما تسمعي صرخة ولدك وراح يحل محله فرحك بالامومه باذن الله
ربي يسهل ولادتك ويقومك بالسلامه

[الوردةالحمراء]

الله يسهل لك يارب

[loly2011]

1/ عليك بالتمر وشرب مغلي القرفة الاعواد >> عن تجربتي يحمي الطلق ويسهل من بعد الله.
2/ بالنسبة للمشي كنت امشي يوميا تقريبا من ساعه لـ ساعه ونص على حسب المسافة .. والأفضل يوميا لان احس يساعد الجنين انه ينزل بالحوض ويكون وقت الولادة البطن نازل تحت.
3/ زي ما قالوا الأخوات يختلف الطلق من وحده لوحده .. وعن نفسي احس بـ البدايه بآلام زي الدورة وبالتدريج يزيد ويحمي ولو حسيتي بالطلق نصيحه لاتستعجلين على نفسك وتروحي المستشفى .. اشربي مغلي القرفة الاعواد واكلي تمر عدد فردي واخذي لك دش دافئ وبالذات ركزي ع الظهر والبطن مع مساج خفيف وربي يريح جربي وبدت عين لي.
4/ وبالنسبة للمرهم أنا كل مره أولد المستشفى يعطوني مرهم استخدمه اسمه ميبو .. وتقريبا كنت كل يوم او يومين استخدم الخواجوا مع زيت الزيتون تسويه أمي الله يحفظها كنت أخذ شوي بفنجال واجبي قطن او كلينكس أحط شوي منه واطبطب ع الجرح مررره ممتاز للشمم.
5/ من ناحيه التمارين الي قبل الولاده اي في وتقدرين الحين تسوينها.. تمسكين يد الباب او طرف الدرابزين الدرج وتفتحين رجلك شوي وتنزلين تحت هذي الحركة ممتازه تساعد على توسيع الحوض أنا مجربتها وربي أنصحك فيها هذي الحركة كنت اسويها طبعا في غيرها لو تبحثين بالنت بتلقين.
6/ بالنسبة للنفاس ما عمري سويت رياضه ابد بس مشي خفيف وعلى طووووول لابسه المشد وما انزله الا وقت ما اتروش وما احس يزيد وزني مره لأنك ألفتره الي بعد الأربعين بعد ما ترجعين بيتك راح تنحفين مع الشغل والبيبي وما انصح برجيم وقت النفاس بس بعد كذا بكيفك سوي رجيم . وانتي ابخص بنفسك..
""" نصييييييييحه لاتستعجلين على نفسك لما يجيك الطلق لاتروحين المستشفى لان لو جيتيهم وتأخرتي ماولدتي يمكن يعطونك طلق صناعي ويبهذلونك.. لو حسيتي الطلق زاد وما تقدرين تمشين وتعبانه خلاص روحي وتوكلي على الله .. ولمعلوماتك الحمل والولاده والطلق وكل شي يفرق من وحده لوحده.
اسفه على الاطاله بس ما حبيت ادخل وما أقولك تجربتي بالتفصيل.
والله يسهل على الكل ولادتهم وتقومون بالسلامه