امس سرت حق الدكتورة
موعد دورتي المفروض 10 يعني طاف على موعدها 4 ايام
سرت حق الدكتورة وقلت لها ان الدورة متاخرة علي قالت ان شاء الله تكوني حامل سوت لي سونار قالت المبايض عندج اوكي والرحم سليم مئة بالمئة بس اطالعتني وضحكت قالت في كيس في الرحم ان شاء الله تكوني حامل فرحت حسيت اني بطير من الوناسة قالت لي خل نتاكد بنسوي لج تحليل دم واذا طلعتي حامل بعطيج مثبت
سرت وسويت تحليل دم ماطاع يطلع دم لها ابدا حاولت تدور على وريد لين ما حصلت وبصعوبة طلعت مني يمكن 1 سم دم بس شي بسيط المهم طلعت برا انتظر النتيجة
سرت للدكتورة قالت لي مابين حمل في الدم انتظري لاسبوع كمان واذا ما اجتك راجعيني
سؤالي هل من الممكن انه الكيس يكون بداية حمل وبعده مابين في الدم لان انا اباضتي كانت متاخرة جدا تاريخ 7/3/2012 يعني اسبوع بس كملت من اباضتي
أو ان الدم ما كفى أو اي شي ابغي رايكم
كل وحدة تقرا وترد علي الله يرزقها اللي تتمناه ان شاء الله