انا تعبت من انفلونزا

[إم علي]

يا بنات انا حلقي موتني من الحرقه والالم وتعبت من العطس ومرات بشعر بالبرد ومرات بشعر بشووووووووووووب كثير

ما خليت اشي الا عملته شربت ليمون مع مي مغليه وحليته شربت برتقال عملت شوربه وعصرت عليه ليمون بشرب حبوب بارستيمول

وللحيييييين لا حول ولا قوة الا بالله

متت من حلقي انا حامل شو اعمل كل شئ يهون الا وجع الحلق الله يحميلي جنيني يارب ويتمملي على خير خايفه كثير


وكل شوي اشرب اشياء دافيه وعلى فاضي ليل ما انامه لانه ما اقدر ابلع ريقي

[شاطئ القمـر]

سلامتك اختي وما تشوفي شر

انا متلك هي تاني مرة بمرض من اول حملي المشكلة انه بالحمل بتكون مناعة الجسم اقل للامراض اللهم عافنا

على كل حال الرشح والانفلونزا لازم ياخدو وقتهم واحسن شي انك تاكلي ليمون مع قشره وترشي عليه ملح بتلاقي حالك تحسنتي اسرع باذن الله وخليكي اشربي يانسون مغلي وبابونج بس ما تشربي اعشاب تانية لانه في اعشاب حامية ما بتنفع للحامل وبالنسبة للبابونج لازم تخمريه تخمير انتبهي لا تغليه بصير مضر اذا انغلى وسلامتك خيتو

[إم علي]

الله يسلم عمرك يارب ويجزيكي الخير انا كنت خايفه كثير اني اشرب يانسون او بابونج بس ريحتيني لما قلتيلي هيك شكرا اختي

[شاطئ القمـر]

توكلي على الله ولا تخافي كلنا بالهوا سوا اهم شي دفي حالك منيح وكتري من الاكل يللي فيو فيتامين سي طبيعي متل الفلفل الاخضر الحلو والبندورة غنية جدا بفيتامين سي والبرتقال والليمون مع قشره متل ما خبرتك وحاولي تجنبي اي ادوية خيتو.