اتبهو من عيادات الدكتوره ياسمين فخري

[ام فصول العسول]

السلام عليكم
يا امهات جدة انصحكم لاحد يختن لعيالو عند الدتوره ياسمين محمود فخري الى في باب مكه
لانو انا وحد كلمتني عنها قبل ما اروح واختن لولدي عنده وانا ماصدقة كلامها لما قالتي انها تحط الشاش وعليه لصق يخليكي لما تفتحي الشاش ينزف الطفل وانا لما رحتلها مادخلت اشوفها وهي تختنلو خلية زوجي يدخل لما رجعة البيت لقية حفاظة الولد مليانه دم وهي مديتني ورقه كاتبه افتحي الشاش ثاني يوم الساعه 9ص وانا من يوم من اول مافكية الحفاظه انفجعة ولقيتها معبه مناديل فوق الشاش وانا من اول اقطر زيت وميه اتري فوق المناديل لمن تاني يوم نزلت المناديل وقطرة فوق الشاش ولما جاء ثالث يوم فتحة الشاش بشويش وبدون ما يجرح ولدي لقية الولد ينزف وانا فتحتو بالعصر ورحة على اقرب مستوصف عند البيت مو راضين يستقبلو الولد يقولو مانا مسؤلين عليه رجعو للختنلتلو وهي دومها يخلص الساعه 2 الظهر وبعد تعب رضيو يكشفو عليه بس عملو شاش جديد وقال اذا ماوقف النزيف لين بكره لازم تودو عند الدكتورة ولما رجعة على البيت اتصلنا على الدكتورة وبعد معاناة ردة وقنالها على الى حصل قامة تهزاء فينا انو مننا الغلط تقول ليش مافتحتو الشاش من ثاني يوم احنا قناله انو الولد شكلو ينزف من اول ماجبناه من عندك قالة جيبو بكره الساعه 9ص وانا ماصدقة ياذن الفجر وتيجي الساعه 9 ورحنالها العيادة وقالة قبل ما تكشق عليه انتو الغلطانين ليش مسوين فيها طرزان وتفتحو الشاش كان جبتو عندنا احنا نفتحو حتى لو بعد اسبوع تجيبو احنا حنفتحلو عادي الصراحه انسانه متناقضه كيف تقول افتحو لازم اليوم الثاني وهي تقول عادي لو تجيبو واحنا نفتحلو الشاش
وبعدين لما كشفة عليه قالة هذا مو نزيف لو تحطو على المكان منديل وتضغطو عليه حيوقف الدم وقامة سوتو وبرضو ما وقف الدم بس تتفلسف علينا وبعدين المكان باين انو مجروح منها حسبي الله ونعم الوكيل فيها قامة وعملة ليزر على المكان نفسو يعني كوتو يعني الى صاارلي مو بس انا كثير حريم يشتكو منها وبس حبية انصحكم من هذي الدكتوره واسفه اذا طولة عليكم

[الريميه]

اللله يجزاك خير ويحفظلك اولدك ياكريم

[ارجوانا]

الف سلامه ع ولدك
واذا الدكتور مو ثقه نصيحه لا تروحو له

[ام فصول العسول]

الله يسلك
والله اني اقهرة على الى صاار
اتمنية اني سمعة كلام جاارتنا ولا رحتلهاا

[الجوري ام عزوز]

حسبي الله عليها

مايشوف شر ولدك ان شاء الله وآجر وعافية

[ام اسكندر]

بالعكس الدكتورة ذي ماشالله البيبي مايطول عندها تختن له بدقيقة
مو زي المستشفيات يظلو ربع ساعة يقطعو في الولد ولا يرحمو صراخه

واصلا يالغالية الشاش ضروري عند الكل
ولازم تشيليه ثاني يوم ورح يقطر البيبي قطرتين دم

انا ختنت لابني في مستشفى بهذلوه ثلث ساعة لين جاني انهيار ودوخت من سماع صراخه
بينما اقاربي راحو عند ياسمين فخري ختان زي الفل وبدقيقة

بس النصيحة الحلوة اللي نصحني اياها الدكتور المجرم اللي ختن لابني انه ثاني يوم الصباح احط الولد في بانيو مويا دافية وافك الشاش بشويش ورح ينفك معاي

يا اختي الختان كله تعب وبهذلة للبيبي والام
ليتك فكيتي الشاش اول يوم بعد ترطيبه بالزيوت والمويا
بس سالفة ابنك غريبة انه ينزف شكله انجرح فعلا
بس تأكدي هل الليزر مارح يأثر عليه مستقبلا؟؟؟؟؟؟؟

[أم يزن]

والله ياسمين مافي زيها هي وابوها,طول عمرنا نودي عيالنا عندهم سواء ختان او لما يتعبو,الان ولد اختي الله يحفظه عمره 19 سنة ومن يوم مااتولد وجابت اخوانه واحنا الاخوات الباقيات خلفنا مانودي الا عندها هي وابوها
ولله الحمد عمرنا ماندمنا,الله يحفظ عيالنا والمسلمين جميع,,

[أم عبدالرحمن السلفية]

ان شاء الله ولدك ما يشوف شر ... سمعت الدكتورة تمام بس يمكن صار لك هذا الشيء .

[ARTS]

الشاش ماينفتح كذا

تخليه لمى يفح لحاله

تحطي الزيت مع كل غيار
ياخذله يومين ويفتح لحاله
لكن اذا فكتيه كذا يجرحه
والدكتوره ماعرفها بسلامتها
.