ارجو الافادة

[تهامة]

خواتي .. السلام عليكم

انا وحدة جديدة في الحياة الزوجية و في الحمل و توني في بداية الحمل والحمدلله
الله ايتمم لي ان شاء الله و يرزق اللي تتمنى

مشكلتي هي (اللوعة) .. دايما لايعه جبدي بطريقة كبيرة جدا لا تطاق و تلوع جبدي اكثر من الروايح ، ريحة البيت و المطبخ وغرفة النوم و الحمامات (الله يعزكم) وحتى لو طلعت من البيت اي مكان ادخله اتصيدني لوعه من كل ريحه اشمها .. باستثناء بعض الاماكن المفتوحة اللي فيه تيار هواء طبيعي ومن غير اي ريحه معينة .

وعطتني الدكتورة حبوب للوعه ، فادني بأول الايام وبعدين لما زادت لوعتني ما يأثر فيني
و حتى الاكل ما احب سيرته و اغصب نفسي عليه عشان الادوية و احس ان مافيني طاقة و اتصديني دوخة من قلة الاكل و امساك (الله يعزكم) .

ياريت الاخوات اللي عاشوا و جربوا هالاوضاع ينصحوني

[ام عبدالرحمان]

حبيبتي ان زيك بداية الحمل بس انا جربت الوحام من قبل مافي اي شئ ينفع معه الا انك تصبرئ وحاولي تشغلي نفسك باي شئ صح مالك خلق لكن قصب عنا ايش نسوي وعشان تمر الايام بسرعه وبداية دخولك فالشهر الرابع يروح وترجعي حياتك الطبيعيه الله يعينك ويعينني ويعين الجميع

[سارونة الكويت]

للاسف الوحام ماينفع ماأه شي لكن انا كنت اعالج اللوعه بالنسبه للاكل مو الروايح ببسكوت مالح كنت اول ماقعد القم بسكوته وارتحت حيل الحمدالله

الله يعينج ويتمم عليج ويثبت حملج بالتوفيق حبيبتي

[عاشقة الأمل]

الله يتمم حملك على خير وتمر فترة الوحام بسرعة

[غلا الكوون]

ان صحيتي من النوم قومي على اقل من مهلك واهم شيء كلي بسكوت حلو مع شاي اذا حسيتي بلوعه
والله يتمم لك ويعينك

[تهامة]

مشكورين حبيباتي عالرد .. الله ايهون علي و عليكم ان شاء الله
الحين بالنسبة للبسكويت ( حلو والا مالح ) بجرب الاثنين
مع الاشياء اللي ما خليتها وماجربتها ما تخيلت ان اللوعه قوية لهدرجة و متواصله على مدار الساعة يوميا شيء غريب بالنسبة لي فعلا و متعب (اجر وعافية) لي و لكم ان شاء الله