المانع بالخبر - البروكير جنب الظهران- الولاده والاطفال بالدمام - المواساه بالدمام

[كبرياء]

السلام عليكم ورحمه الله وبركاته


انا حامل واول حمل لي يعني بكريه وباقي لي اسبوعين وادخل الثامن ومتردده في اي مستشفى اولد لحين ماقررت فا ياليت تساعدوني انا الحين اراجع بالمواساه بالدمام عند الدكتوره حنان

ابي اعرف افضل مستشفى للولاده الطبيعيه او القيصري من هذولا ( المانع بالخبر - البروكير جنب الظهران- الولاده والاطفال بالدمام - المواساه بالدمام) وفي اي واحد تنصحوني فيه ابي اعرف كيف الولاده فيه من ناحيه
1 . النظافه
2. العنايه بالام والطفل
3. افضل دكتور او دكتوره ويفضل دكتوره
4. يدخل زوجي معاي لغرفه الولاده
5. الخياطه كيف
6. الدكتوره الي انا اراجع عندها اهي الي تولدني
7. وكيف اسوي موعد عندهم

ابي كل شي بتفصيل سوى عمليه قيصريه او طبيعي

ابي ايجابات للي ولدو قريب من شهرين تقريبا وابي ايجابات بالذمه وضمير وكل وحده وضميرها

[كبرياء]

وينكم يابنات وين التفاعل ابي احد ينصحني انا بكريه وماعرف شي

[مهره الدنيا]

حبيبتي الله يقومك بالسلامه
انا من جده يارب تلاقي احد يفيدك

[كبرياء]

بليز بنات انصحوني دلوني على الدكتوره الممتازه في البروكير وجاوبو على اسئلتي
الله يخليكم يارب

[كبرياء]

وينكم يابنات وين التعاون والنصايح ومساعده بعض انا ماشفت شي للحين لامشاركات ولا نصايح بذمه ولا شي

شكلي ازعجتكم اسفه على ازعاجكم

[hasonh]

صراحه اناسمعت البروكير مررره كووويس ومرره ينصحون له

بس مااعرف الدكاتره

[كبرياء]

يعطيك العافيه يارب

[مشاعل الدوسري]

البروكير جنب الظهران- الولاده والاطفال بالدمام


الاثنين كويسين لكن الافضل بروكير بنت عمي ولدت فيه تمدحه
و الخياطه انتي شددي عليهم و هم اوكي بيسونها


انا عن نفسي الولاده الروعه اول وراده لي بلسعد ...

[lmo0o]

هلا


مساء الخير

هاذي اول مشاركه لي بلمنتدى
انا مثلك محتارة اولد بمستشفى سعد او العنايه بروكير
حبيت افيدك بلمعلومات الي عندي وان شاءالله افيدك
انا حملت قبل بس ربي ماكتب له يعيش وسقطت ورحت مستشفى بروكير وكشفت علي دكتوره
رنا جمال بصراحه كانت قمه في الروعه والاخلاق بصراحه عجبتني وعجبني النضافه والاهتمام وكانت قاعده معي ممرضه سعوديه بس عسل تهبل ومن ناحيها النضافه لاتشيلين هم كل شوي يجون يغيرون مفرش السرير ويشوفون وش تحتاجين وماطولت عندهم تقريبا نص يوم عشان المغذي والراحه والفحص وزي كذا بس عجبتني الدكتوره وتراها شاطره وعندي بيناتها
ProCare Hospital - Dr. Rana Jamal
بس اني ماجربت الولاده عندهم وفي وحده اسمعها تمدحهم واجد اولدت عندهم مرتين

وبنسبه لمستشفى سعد التخصصي بنت عمتي ولدت مرتين عندهم وتمدحهم بشكل خيالي
تقول نضيف ومعاملتهم حلوه
وكانت تراجع عند دكتوره لبنانيه بس ماذكر اسمها تقول مره حليوه وحلوه عنايتهم بلحامل يهتمون فيك وغرفه خاصه وتقول الفطور يجيبون لك منيوم تختارين الفطور ويساعدونك بسبوح اول متولدين يقعدون عندك بلغرفه يعني تقول يهبل


اما مستشفى المواساه انا الحين اراجع فيه بس الي بلجبيل الصناعيه
حلو حتى الدكتوره الي اراجع عندها طيبه سودانيه اسمها دكتوره مها بس يتعبني بلمواعيد والانتظار عشان كذا انا مضايقني


في بمستشفى بروكير ومستشفى سعد حجز عن طريق النت وهاذا افضل شي للمواعيد

واذا بغيتي اطلبي حجز عندهم عشان تشوفين المستشفى يخذونك ويورونك الغرف ولحضانه والدكاتره ووقتها تختارين الي يعجبك انتي اتصلي عليهم وستفسري متى يفتحون وقت الزياره للتقييم


وبس هاذا الي عندي وان شاءالله اكون افدتك
ونشاءالله البنات يفيدونك الله يسهل عليك ان شاءالله


وذا عرفت زياده راح افيدك-
بتوفيق

[lmo0o]

وصح نسيت بخصوص الخياطه

في خياطه تجميليه وف يخياطه عاديه


بنت عمتي تقول مستشفى سعد يشد على الخياطه وخياطتهم عدله
بس بروكير ولمانع معرف عن خياطتهم