حبيت افضفضلكم وبتمنى تسمعوني

[الورده الذابله]

مرحبا خواتي
انا عارفه اني زودتها عليكم وعدت موضوعي اكثر من مره بس انا صرلي كم يوم مخنوقه وبدي افضفض
رح ارجع احكيلكم قصتي من الاول
انا وحده عمرها 23 سنه متزوجه من 5 شهور
ما اجتني الدوره بسن البلوغ متل باقي خواتي
طولي 178 ووزني 72 طبعا بعد ما اتزوجت نصحت هيك انا كان وزني 60
المهم كبرت وما اجت الدوره وصدري كان كتير صغير متل البيبي
راجعت دكاتره حكومين طبعا بسسب سوء الاحوال الماديه وعملت فحوصات وصور وكل شي سليم الا حكالي الدكتور عندك كسل بافرازات الغده النخاميه واعطاني ابر واخدتهم 8 شهور بس مافي نتيجه وتعبت وبسبب الاحوال الماديه والدراسه ما كملت
وسمعت كلام دكاتره كتير الي حكالي ما عندك رحم
واللي حكالي انتي اذا بدك بنساويكي متل باقي البنات بس ما ابتحملي لما تتزوجي
وكلام كتير الله لايسامحهم تعبو نفسيتي
وبالاخر رحت عند دكتوره وصارت تحكيلي قصتك هينه بس بدها علاج اعطتني منظم دوره وصارت تيجيني كل 28 يوم واتضل 6 ايام بس اذا ما اخدت دوا ما تنزل وصارت تحكيلي عن قصص كتير بنات ردو عدكاتره وحبطو معنوياتهم وعندهم مشاكل اكتر مني وحملو بدون ما يعرفو

والادهى انو احنا 6 خوات 5 منا متزوجين الاولى اتزوجت مرتين وما خلفت بسبب مشاكل عند زوجها الاول وكمان التاني
والاخت التانيه اتزوجت وزوجها كمان عندو مشاكل اول ما تزوجو عملو زراعه وجابت توم اولاد وهلا عمرهم 9 وما خلفت غيرهم
والتالته ضلت خمس سنين وخلفت بنت وهلا عمرها 3 ونص وما حملت
والرابعه الها متزجه 4 سنين وما خلفت وهلا عامله حقن ادعولها تزبط
وانا الخامسه
وطبعا من شهر اكتشفنا انو انا وخواتي معموللنا عمل ما انخلف وما ننبسط
وفكينا العمل بالرقيه الشرعيه
وانا اخر شي اخدت عسل مع اعشاب وتحاميل عسل وطلع النخيل ومستمره عسوره البقره والاستغفار واملي بالله كبير وبدعي الله يطعمني انا وخواتي الذريه الصالحه ويفرح قلوبنا وقلب امي يلي احترق قلبها علينا
وبدعي ربنا يبعد اولاد الحرام عنا يارب
ىمانه سامحوني بس انا بغربه وبدي افضفض لحد ما بقدر افضفض لخواتي لانهم يلي فيهم بيكفيهم وانا اعتبرتكم خواتي

[سوسوعلي]

ياحياتي الله يفرج عليكي......
المؤمن مبتلى والله مع الصابرين..الله اذا احب عبده ابتلاءه...
خليكي مستمرة على الرقيه وسورة البقرة والاستغفار...
وحسبي الله على كل من يضر اخيه المسلم..
وربي يفرحك ويفرح اخواتك ويريح ويفرح قلب امك ربي يحفظها لكم...

[الورده الذابله]

اختي سوسو الله يفرح قلبك متل ما فرحتيني وانا بقرا كلامك والله ما بدي غير كلمه حلوه

[ام هيثووووم]

ياعمري ان شاء الله قريبا تبشرينا
الله كريم يرزقك ويرزق خواتك بالذريه الصالحه
يارب ياكريم بس اهم شي مثل ماقالت الاخت الاستغفار والصدقه وسوره البقره
بالتوفيق

[الاميرة الحائرة]

ياقلبي عليكي كلو كوم وانك بغربه كوم ثاني انا مثلك متغربه عن اهلي ياقلبي استغفري كثير واتصدقي بنية الذريه الصالحه لو ريال كل يوم وادعي ربك بي الثلث الاخير من اليل وربك رحيم بعباده ورؤف ويارب يرزقك ويرزقني وكل محرومه اللهم امين

[ميمو07]

الله يرزقك بالذريه الصالحه وحسبي الله على كل من يضر المسلمين وعسى ربي يفرح قلبك وقلب كل محروم

[الورده الذابله]

تسلمو خواتي والله اعلم انا شو بعمل وبدعي الله يطعمني ويطعم كل مشتهيه الذريه الصالحه
والله انا بكتب معكم وببكي من كتر ما انا مخنوقه

[ام محمد قطر]

الله يرزقك الحمل السليم المعافى يارب

[الورده الذابله]

تسلمي اختي ام محمد الله يرزق كل مشتهيه الذريه الصالحه

[Baby-D]

تذكري حبيبت قلبي كل الي انتي فيه جزاءه الاجررررر لكثيييير من الله سبحانه فاصبري ان الله مع الصابرين و يااارب انشالله يفرح قلبك و يكافئ صبرك بالذريه الصالحه امييين يا رب العالميييين