لكل زوجه .....هل انتي سعيده ؟؟؟؟
مرحبا انا حابه اطرح هالموضوع من فتره فيها نوع من الفضفضه *يعني
كل وحده متزوجه تدخل تقول عيوب زوجها ومميزاته
يعني سلبيات زواجها وايجابياته*
وفي الاخير تقول هل هي راضيه عن زواجها كم في الميه واذا عندها اضافه تضيفها بس بعد ماتقول المقارنه
((((الهدف من هالمقارنه هي ان كل وحده تحس انها مو هيا بس *الي زوجها اوحياتها الزوجيه فيها عيوب يعني عشان نقدر نتعايش مع حياتنا وازواجنا لاننا يالحريم فينا طبع
دايم نبغى الكمال في كل شي وهذا شي مستحيل
الي عند زوجك مو عند غيره والي مو عند زوجك موجود عند غيره يعني ربك ييشيل شي ويحط بداله شي))))))))))
انا طرحت هالموضوع لاني مااعرف هل المفروض احمد ربي واعتبر نفسي سعيده او احاول اني اغير بالغصب من حياتي الزوجيه
انا رح ابدأعشان تفهمون ايش اقصد واتمنى القى تجاوب من الكل ونفيد*
عيوب زوجي
اكثر شي اهتمامه السياسي ومتابع لتويتر والانترنت فيما يخص الاحداث اليوميه من سياسه ورياضه وغيره
:كتوم -صامت ميه في الميه-مو رومانسي ابدا-ماعمره سمعني كلام غزل من يوم تزوجت لحد الان لدرجة اني احس اني مو انثى قدامه -مايمدح اي شي اسويه يعني لو اطبخ احلى طبخ واحلى حلى ياكل ويشبع واشوفه عاجبه ولا كلمة تشجيع-اي تغير في شكلي في لبسي يناظر ولا حرف_واحد في الميه اذا فتح معاي موضوع -انا اذا تكلمت رده كلمه ورد غطاها-في البيت ساكت في المطعم ساكت في السياره يعني يتكلم شوي ااااااخ وبس احس اني متزوجه شايب مع ان فرق العمر بيننا سنه وتعليمنا كلنا جامعييين وعيال عم وتزوجني عن حب وهو الي اختارني من كل البنات-
والمشكله الاكبر ان كثير يقولوا ياحظ زوجك فيك من جمالك وعقلك وطيبتك وصبرك بس للاسف الكل شايف هالشي الا حبيبي زوجي ماعمره حسسني بهالشي
حسناته او مميزاته:
يحبني وانا متاكده :ماعنده خرابيط بنات :الحمدلله لايدخن ولا يسهر برا البيت ولا عمره جرحني بكلمه تخص شكلي او اي شي ؛ماعمره بخل علي بشي وانا ماعمري ثقلت عليه بشي اذا زعلته او زعلني هو دايم يراضيني ويتنازل حنون ويخاف علي .....*
حياتي الزوجيه هدووووووء مميت ساكنه بعيد عن اهلي واهله ولا عندي احد غيره
تعبت من الملل والغربه تعبت احاول افهمه اشرحله اني بحاجته بس يرجع لطبعه*
متزوجه من سنتين ووقريب هالثالثه ولو احسب عشرتي يعني حياتي معاه يمكن اوجزها في اقل من سنه مافي اشياء اتذكرها بيننا ملفته مافي اي شي اقدر اذكره حلو او شين خلال هالسنين
انا انسانه حساسه ورومانسيه بزياده واحس ماناسبتني هالحياه
باختصار ماادري *المفروض تعتبر *حياتي سعيده او كئيبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياليت اهل الخبره يجاوبوني ويقولوا عن حياتهم من باب الفضفضه ونعين ونتعاون
ادري طولت عليكم بس حبيت نحط بعض في الصوره