.ღღ* إحذري ...دلعي زوجك ولكن بحذر ..لما ؟؟*ღღ.

[قلب عايض]

دلعي زوجك يموت فيك... لكن انتبهي لخطواتك واجعليها خطوات حذره

كثير ما نسمع بعض الحريم تقول دلعي زوجك حتى تكسبيه اكثر وبعض الحريم تقول لا لا
تعطينه وجه مايستاهل راح يهظم حقوقك ,,,
بعص النصايح اللي تجول في تجمعات النساء فلانة تقول...
يافلانة دلعي زوجك غرقييييه بالحنان والرعاية ماراح يشوف غيرك وتأسرين قلبه تغنجي يحبك تولعي يعشقك
خلي الكلام المعسول على لسانك ولاتنادينه باسمه قولي ياقلبي ياحياتي وهلَم جرا...
واخرى تقول لا لا انتبهي تسوين كذا يكبر راسه ويذلك ترى الرجال ماينعطون وجه احسن خليك شخصية واكسري راسه
خليه ينفذ طلباتك مافازت الا فلانة تشوفون كيف عايشة حياتها بالطول والعرض
لانها شخصية وفرضت سيطرتها ونفوذها على البيت والزوج
فصارت الزوجة تائهة بين مؤيد ومعارض
بين مؤيد للدلع والرومنسية والحب ...وبين معارض لها
الصحيح ان الطريقة الاولى خطأ والثانية خطأ...
والحقيقة ان التعامل مع الزوج لايجب ان يكون دلع وحنان مفرط ولاسيطرة وقسوة مفرطة...
كل شئ اذا زاد عن حده انقلب لضده...



ارشدنا ديننا الاسلامي الى النهج القويم في كل امر وهو منهج الوسطية في كل شئ
حتى في تعاملك يازوجة مع الزوج....
كوني وسطية داااائما...ان تمزجي اللين والدلع مع الحزم والحرص على حقوقك
بعض النساء تدلع زوجها دلع مفرط جدا لدرجة انها ممكن تتخلى عن حقوق كثيرة لها بحجة ماابغى اتعبه
او خايفة من المشاكل او اخاف يقول عني نكدية او اخاف يكرهني
والمشكلة انها تجي في نهاية المطاف تشتكي..

( زوجي هاضم حقوقي وزوجي مايعبرني اويسهر ويخلينا او او)

وهذا انا رايته من خلال قصص الاخوات بالمنتديات يشتكين من ظلم واهمال ازواجهن لهن بسبب تنازلهن عن حقوقهن حتى البسيطه منها
لاتتوقعين ان تدليعك فقط راح يكون عصا سحرية تعيشين فيها بسعادة تامة

لا.....

لازم تكون لك شخصية وقت الجد ماتتنازلين عن حقك وتنتبهين لنفسك وترفهين عن نفسك وتدلعين نفسك مثل ماتدلعينه..
لاتنسين نفسك في غمرة تدليعك له وتتنازلين عن حقوقك واحد ورا الثاني
وتصحين بعد مدة على واقع مؤلم رسمتيه لنفسك..
انا مااقول لاتدلعين زوجك لان اللي ماتدلع زوجها اعتبرها حرمت نفسها شعور حلو
بس كمان انتي انسانة لاتلغين شخصيتك افرضي نفسك عبري عن رأيك بشجاعة
لاتتنازلين عن حق من حقوقك ولاتكونين تابعه عمياء..

اجمعي بين الاثنين .....يعني دلعيه وعطيه كلام حلو وجو رومانسي ...

لكن اذا صار موقف بينكم يحتاج للنقاش ناقشيه وحسسيه انك زوجة وحرمه لها راي وعقل يفكر..
اذا حاول انه يلغي شئ من حقوقك وقفي وعلميه بادب ورقي
لان هذا باب كبير تقدرين من خلاله تثبتين نفسك حلو ان تدليعك له يجي مع شخصية
لها رأيها واحترامها وحقوقها الكاملة