تكفوووووووون بنات اللي عندها غسالة الصحون ماركة بوش تساعدني

[أنا بدونك "no thing"]

السلام عليكم ورحمة الله وبركاته

الموضوع بين من عنوانه اشتريت غسالة الصحون قبل اسبوع من إكسترا ماركة بوش
وكان الأتفاق يوم الخميس يكون تركيبها وزفوها العروسه لبيتي يوم الخميس
وكنت طايره من الفرحه أخيرا ابفتك من غسيل الصحون واهتم بيديني اللي صارو
كانها يد عجوز
المهم بما إن زوجي الحبيب كسول شويوللحين ما ضبط وضع التسليك وتوصيل المويه
قلت يابنت أقري الكتلوج عشان تفهمين الغساله اكثر لين ابو الشباب يفضي ويجيب السباك
جلست أقرا واكتشف واتفحص الجهاز وحاولت افتح الصفايه ولمن فتحتها لقيت فيها مويه
واستغربت من وين جتها المويه وأنا ماشغلتها ولسى التسليك ماصلحناه
يافرحه ماتمت يعني إكسترا باعوها لي مستخدمه ولا إيش ياليت اللي إشتروا نفس الغساله يفرجون لي
بإجابه تريحني وعشان أكون فاهمه هم نصبوا علي ولا لأ لأني كلمتهم اليوم الصباح ورفعت شكوى
وقلت الغساله فيها مويه ليش مستخدمينها وردت الموظفه إنهم يمكن جربوها بس
وأنا بصراحه خايفه أكون خسرانه

اللهم يا أكرم الأكرمين أرزق من ترد علي من حيث لاتحتسب وحقق لها كل ماتتمنى