..... أنواع البنات .....
واحد ::::: البنت الدلعووووه ..
وهذي مو شرط ان أهلها مدلعينها ... هذا تجيك شد بلد مدلعه ... يعني خلقه ... عشان كذا البنات الي يبون يقلدونه ما تجي معهم ... وهي هادئه في أغلب الاحيان ... وتعرف متى تدخل في السالفه ومتى تطلع منها ... وكلامها كله ميوعه ...
وهي تقدر تأخذ حقها من أين كان ... وطبعً الضحيه دايم أبوها ...
وهي مكروهه من أخوانها كلهم ... وكل الشباب يتمنونها ...
بس عيبها أنها دايم فاشله في حياتها العمليه وما تعرف تدير حياتها العاطفيه ...
نهايتها :: مطلقه ...
2: البنـت الفطينه ..
وهذي النوعيه خطيره ... في أمور الدهاء والذكاء مسيطره وقديره ... دايم أنتهازيه.. وسليطه ... تمسح فيك الارض في دقائق بسيطه ... ما ينفع فيها جميع أمور الشباب القديمه منها والحديثه ...
هادئه ... وأغلب الاوقات وحيده ... تحيك المؤامرات ... وتخطط لها مكيده ...
نهايته :: مديرة مدرسه
3: البنت الجاجه ( الثرثاره ) ...
هذي دايم سمينه ... وتسوي فيها فهيمه ... وتمشيء بين الناس بالنميمه ... لا سولفت الي يسمعها ما يعرف يساره من يمينه ...
الي يتزوجها مدعيين عليه ... وحياته قصيره .. ناشبه بحلق كل جاره ... ودايم بالحاره فراره ...
نهايتها :: خطابه ... وتكون السبب في كل ما بالحاره من هواش وطلابه
4- البنت الاموره ..
هذي البنت أميره ... الي يغلط عليها ... تسامحه ولا تهينه ... خلقتها سمحه وما عمرها صارت بدينه ... دايم بالمدرسه محبوبه وونيسه .. الكل يحبها .. وهي دايم في كلامه عاقله ورصينه ..
نهايتها :: مشرفه أجتماعيه ..
5: البنت الرسميه ..
هذا ما تعرف تصفي النيه ... دايم لها اهداف معلنه وأكثر منها مخفيه ... تحب التفشخر ... ودايم افكاره خنفشاريه ... تحب الحفلات ... و تحب الشلليه والبنات ما يطيقون لها كلمه .. ودايم كل شيء عندها بمنتهى السريه... تسوي ذكيه وهي ما تعرف كم عشره في الميه ...
نهايتها :: سيدة مجتمع مكروهه ... <<< تسنها مريم الغامدي ...
6: البنت المصلحجيه .. كح كح مثلي
وهذي النوعيه عندنا تطغى على الاغلبيه ... مالها لا بذا ولا بذيه .. تسحب عليهم ولا كأنهم كانوا يعرفونها مو ليه ... مصلحتها تعير لها كل اهميه وغيرها ماله أي أهميه ... عارفه نقطة ضعف الاغلبيه ... مستغله ... وعايشه حياه طفيليه ... محد عارف لها كل يوم لها رائى وخويه ... بالمدرسه بكل مكان تلقها عند المديره عند أبله ساره عند سعاد السوريه ... في كل مكان لها مصلحه مخفيه ودايم مسويه الضعيفه المسكينه وهي بالاصل جنيه ...
نهايتها :: بنت سعوديه .. <<< تسني ابي انطق
7- البنت الصريحه ..
هذا مسكينه دايم جريحه .. الجلسه معها مريحه ... والكلام منها حكم وأمثال وجمل فصيحه ... في علاقتها العاطفيه مستريحه ... و في حياتها العمليه مصادر الفرح فيها شحيحه ... دايم مكروهه وعليها أشاعه انها افعى فحيحه ...
نهايته :: سجن سياسي .. ولا عانس << تسنه مأبه فرق بينهم
8- البنت العنيده ..
هذا النوعيه فريده .. دايم تصرفاتها شديده .. دمعتها عليها غاليه وما تنزلها ولو صارت وحيده .. تحكم بيد من حديد ولا تفرق بين مميز ولا فريد ولا بليد ... كل الناس عندها سوى ومن رفع راسه وطته له بحديده ... أعصابه أبرد من الجليد ...
محاولة اقناعها شيء مو مفيد ...
نهايته : مديرة سجن ... مفتشه في منفذ حدودي ... أدارية موقع أنترنت
9- البنـت اللـعـوب ..
وهذي يأما عذبت قلوب .. ترفع بك سابع سماء ... واذا وصلت تلقاء قبلك قروب ... هي السبب الرئيسي للحروب ... وجهها حبوب ..
وتخطيطه متقن وعليه متعوب ... ما يقوى عليها داهيه ولا لهلوب .. عنده قدره على أخفاء كل ما بها من عيوب ... وخبرتها وأختصاصها تفريغ ما بالجيوب ...
نهايتها :: راعية مشغل نسائي ... عانس ...
10- البنت المغروره..
وهي دايم مدعيه .. تقول انا مشهوره ... وذا وذي مني مقهوره ... وانا حلوه بالجنز والتنوره ... والزين مني يقطر مثل النافوره ... وجمالي لا يمكن تحتويه صوره ... وذكائي خارق لا يمكن حصر حدوده ... وأخلاقي أعلى من انها تكون في أنسان غيري موجوده...
بأختصار بنت ما تراعي لأحد شعوره ...
نهايتها :: ما طار طير وأرتفع لا كما طار وقع
02-28-2010, 07:29 PM
لاتفوتكن ..... أنواع البنات .....
غـ روحي ـلا 
رد: لاتفوتكن ..... أنواع البنات .....
جديد منتدى ملتقى عضوات حوامل
العرض المتطور
