قصة

[فوفوبلبل]

مرحبا صباياانا جديدة معكم وانشالله رح كون متابعة معكم على طول انا من سوريا عمري 27 سنة متزوجة من 3 سنين ونصف حتى الآن ما في أي حمل بعد ستة أشهر من زواجي تأخرت العادة الشهرية لمدة أسبوع وعانيت أعراض الحمل كلها وعملت اختبار منزلي وما كان في حمل وقررت روح لعند دكتور حتى اعرف سبب التأخير لانها دائما كانت تجي بموعدها فحصني الدكتور وطلع عندي تكيس على المبيض الأيسر و بدأت رحت علاج لمدة 3شهور ولكن الألم ببطني موجود دائما وبعدين رجعت لعند الدكتور وخبرني انو انهيت العلاج وراح التكيس بنهاية رمضان2009 صابتني حمى من دون سبب مع ألم بالظهر شديد جدا بقيت بالفراش 10 أيام وحرارتي ما عم تنخفض ورحت لعند الدكتور وقلي ما فيكي شي ولما شفيت صرحت اشعر بالم دائم بمنطقة الرحم بس ما حكيت لحدا وكان الوجع ما يروح ابدا بعد 3 شهور ما عاد قدرت اتحمل خبرت زوجي وققرنا نشوف طبيب وفعلا فحصني الدكتور طلع عندي التهاب رحم ومبايض وصفلي ابر وادوية وقلي راجعيني بعد ما تخلص الأدوية حتى نعمل تحريض وطلب من زوجي تحليل طلع عندو ضعف بالحركة وبدأنا علاج وما صار حكل وترك زوجي العلاج وبعد سنة كمان شاف دكتور وعطاه علاج وكمان ماصار حمل وترك زوجي العلاج كمان ورجع بعد سنة عمل تحليل وبدأ علاج وخلال علاجه صرت شوف أطباء شاطرين رحت لعند دكتورة طلبتلي صورة ظليلة عملت الصورة واخدتها بنفس اليوم مع تحاليل جديدة لزوجي طلع وضع زوجي ممتاز ولكن كانت الصدمة الي انا الصورة الظليلة طلع عندي انسداد أنابيب كامل كلام الدكتورة كتير كان قاسي قالتلي ما عندك امل ابدا بدك طفل انبوب وما في اي وسيلة تساعدك غير طفل الأنبوب حسيت الدنيا تسكرت بوجهي وحسيت حالي رح اختنق طلعت من عند الكتورة وزوجي الله يخليلي ياه كان عم يضحك ما شافني عم ابكي ما فكرني زعلت بعدين مسكني يمن ايدي وصار يهديني ويقلي لا عاد تبكي خلص رح نعمل طفل أنبوب لا تزعلي وانا مباشرة صرت فكر انو ممكن يتركني لما وصلنا على البيت قلتلو انا برجع على بيت اهلي وانت تزوج قلي انا بدي اطفال منك واذا ما كانوا منك فانا ما بدي اطفال وبدأنا نبحث عن دكتورة ووجدنا دكتورة رحت انا وزوجي شافت تحاليلي وصوري قالتلي انا بعملك تنظير ليش لتعملي طفل انبوب بعدك صغيرة وفعلا عملت تحاليل كتيرة قالتلي هي مشان اذا ما نجحت العملية وبدك تعملي طفل انبوب بتكون تحاليلك جاهزة وطبعا كانت هي التحاليل بمشفى دولة لاو الدكتورة بتشتغل بمشفى للدولة وبمشفى خاص بس ما قبلت تعملي التحاليل او حتى العملية بمشفى خاص قالتلي ليش لحتى تدفعي تكاليف طالما بتقدري تعمليها مجانا وبعد شهر من التحاليل عملت عملية وللاسف فشلت وطلع عندي التهاب مزمن بعنق الرحم عملتلي عليه وي واخدت خزعة والحمد لله كانت سليمة وحاليا انا بفترة النقاهة وعم اخد دواء للالتهاب وبس خلصه عندي عملية تانية هي تنظير للرحم لانو كمان طلع عندي التصاقات وبعد شهر بدي اعمل طفل انبوب بس شفت طبيب تاني بمنطقة ساكنين فيها اهلي وبدي اعمل عندو طفل الأنبوب مشان ارتاح عند اهلي و الله يرزقنا جميعا الذرية الصالحة بعتذر للإطالة بس حبيت اشرح حالتي حتى تابع معكم واستشيركم اذا عندي اي سؤال متعلق بعملية طفل الأنبوب

[فوضت امري لله]

الله يقر عينك غاليتي بالحمل

ويثبته ويقر عينك بالذريه الصالحه

يارب العالمين

حبيبتي عليك بالرقيه الشرعيه

[زهرة النرد]

الله يرزقك يا قلبي بالحمل الثابت المعافى بالقريب العاجل ونفرح لفرحتك
يا ربي يقر عينك وعين زوجك بالذرية عاجلا غير اجل
امين

[فوفوبلبل]

شكرا يا غاليات زهر النرد وفوضت أمري لله وبإذن الله نرزق جميعا بأطفال سالمين تقر بهم أعيننا إن شاء الله الذي بيده ملكوت السموات و الأرض سبحانه لا يحمد على مكروه سواه

[ام رماح]

انشاء الله تنجح العملية وتجيبى احلى تؤام , ومافى شى بعيد على ربنا كله بايد الله ربنا يطعمك وما يحرمك حبيبتى كثرى من الاستغفار وقراءة البقره وانشاء الله خير

[مروتي]

اللهم ياكريم ربي يرزقك ويرزقني بالذريه الصالحه ويفرح قلوبنا ياااارب

[أم ميوودي]

إن شاء الله تنجح العملية وتجيبي احلى تؤام , ومافي شى بعيد على ربناآ كله بايد الله ربنا يطعمك وما يحرمك حبيبتى كثري من الاستغفار وقراءة سورة البقره وأذكار الصباح والمساء وآية الكرسي والمعوذات وإن شاء الله خير *_^

[فوفوبلبل]

شكرا لكم حبيباتي الغاليات على مروركم الذي اسعدني ويا رب تطعمنا جميعا الذرية الصالحة

[كلمة ماما]

اختي وحبيبتي قصتك اثرت فيني لانو انا عدى علي اكتر من هيك بس حبيت قلك انتي لما عملتي التنظيرما فتحولك الانابيب ؟ انا عندي رفيقة معها انسداد كامل وعملت تنظير وبعدسنة حملت وصارت كل ما بدها تحمل تعمل تنظير وبعدها نفخ ابواق وصار عندها 3 اولاد نصيحتي استني شوي على طفل الانبوب لانو فيها تعب نفسي ومادي ومعنوي وكل شي انا صرلي عشر سنوات وعملتها 3 مرات ولسه الله ما اكرمني بولد والحمد لله على كل حال يارب لا يخجلك ولا يخجلنا يارب ويرزقنا بلولد باقرب وقت ياااااارب بدون عمليات ولا شي ياااااااااااارب والله يخترلك الخير طمنينا عنك