الماء الدافئ لتسريع الولادة

[ام اموون]

بنات أنا بكرية و بقى لي 3 ايام و اخلص شهري
من جربت انها اتنقع بالماي الدافئ المائل للسخونه لفتح الرحم و تسريع الولادة
بصراااحه تعبت و أخاف ادش العاشر و أنا ما ولدت
ومن جربت الخروع تفيدنا بتجربتها
جزاكم الله خير

[سارونة الكويت]

انا جربت الخروع طعم مر ر ر ر ر وتحملته غصب بالخير ماسوالي ولا ا ا شي شربته ع جرعتين نص العلبه وثاني يوم النص الثاني والله حتى تكرمين بطني مانظفه ماجاني اسهال

والماي الساخن حلو ومريح كنت انتقع واسترخي واحيانا بس انقع رجولي ولكن ماجابلي الطلق

كنت اقعد بالبانيو ساعه لان الجو حار وقتها ماقد رت اتحمل اكثر

ولكن الشي اللي خلاني اولد ثاني يوووووم هو الفحص ع الرحم والدكتور حاول يوسع شوي والله ماحسيت خذيت نفس ورخيت جسمي ولاحسيت بش
الصبح جاني طلق ع طول طبعا سوولي جذي لان وزن ولدي اسم الله عليه كان يكبر وخافو لا يكبر اكثر وانا بكر

الله يهون عليج ويسهل ولادتج يا ا ا رب

[ام اموون]

مشكورة يا سارونه
توني متنقعه في ماي دافي
وبكرة باخذ ملعقتين خروع و عصير مانجا
وبكرة بنشوف

[أمـ عبدالله]

استغفر الله الذى لا اله الاهو الحى القيوم واتوب الية

[سفن بارد]

انا ياحبيبتي جربت زيت الخروع بحملي الاول لاني خلصت شهري ماولدت ماشاء الله شربت علبه كامله بنفس الوقت ونصف ساعه بدا الطلق وولدت في نفس اليوم ماشاء الله يعني جاب مفعول وانصحك به استخيري واشربي علبه كامله

بعض البنات تقول ملعقه ولا نصف علبه لاااا ماتنفع ابد انا قالت لي الدكتوره علبه كامله بنفس اللحظه الله يسهلها عليك ويتمم علي ياااارب

[בـّكاية ξـشْق]

الماء الساخن حلوو انه تحسي براحه
بس ماله علاقه بالطلق بحملي الاول تنقعت فيه اربع ايام
وكمان الرحم مفتوح 2 سم وماسوى شي
الخروع ماستخدمته ... الله يسهل عليك وتولدين بسلامه

[ظلام الليل والعبره]

الله يسهل عليكم
انا بصرااحه اكلت عسل ورشاد والله ثم والله ماجلست 11 ساعه الا انا والده

[,,ناعمة الإحساس,,]

انا ماكان فيا ولا اشاره للولاده حتى الرحم كان مسكر بس شربت اربعه ملاعق من زيت الخروع قبل لا انام في الليل وصحيت الصباح وبدت معايا اشارات الولاده والساعه 2 الليل ولدت
بصراحه انصحك بالخروع

[ام اموون]

جزاكم الله خير يا بنات
الليله بشرب خروع
ببشر كم ان شاء الله

[انجل]

الله يسهل علينا يارب
اجرب ان شاء الله لتم الي السبوعين