استفسارات متنوعه ...

[اين انت يا صغيري]

السلام عليكم ورحمه الله وبركاته ..

اشحالكم خواتي العزيزات .. ؟

انا عضوه يديده اتمنى اني اكون خفيفه على قلوبكم ..

خواتي عندي كذا استفسار ..

انا صار لي متزوجه تقريبا 9 شهور

ولين الحين ماصار حمل " الحمد لله رب العالمين "

بديت اجيك و اهتم لهنقطه بعد 4 شهور من الزواج ..

اول شي بديت بزوجي ولله الحمد ابدن ما فيه شي وبلعكس الهصوبه عاليه جدا ماشاء الله

بعدين رحت جيكت على نفسي عند 3 دكتورات ..

وكلهم طمنوني ان ما فني شي ابددن ومسأله وقت

وانتظمت مع دكتوره ممتازه اسمها " اوراس " فالشارجه ..

اول شهر عطتني كيلوميد مثل ما انتوا عارفين طريقه استخدامه ,,

وقالت لي لو يتج الدوره شهر 2 نفس الطريقه خدي كيلوميد

ويت الدوره وانتظرت لين شهر 3 رحت وعطتني الكيلوميد مرتين فاليوم

لما يا يوم التبويض حسيت بألم فضيع ما قدرت انام وتميت اصيح منه
شهر 4 قلت خلاص بريح من كل الآدويه

ويتني الدوره شهر 5 رحت عند دكتورتي قالت لي لازم اتسوين اشعه الصبغه ..

وسويتها الآسبوع اللي طاف ... لو كنت ادري بهالآلم والله ما سويتها فضيعه

والله الحمد ابدددددن ما كان عندي شي ..

الحين الشك يدور فبالي كل يوم ليش ما حملت وليش ؟. وليش ؟ والناس بدوا يسالون ..

اللي مستغربه منه ان محد تم مثلي 9 شهور وما حمل لا من عايلتي ولا من عايله زوجي ..






بليز بنات ساعدوني امنوا نفس حالتي وحملت بعد الآشعه .؟؟؟

ما حسيت بألم التبويض هالشهر ابدن هالموضوع عادي ؟؟



يزاكم الله خير ..

[Hnoont7]

دام مافيكم شي ما شاء الله
وسويتي اشعه الصبغه باذن الله تحملين هالشهر
سبحان الله الحمل مثل كل شي له موعد ومكتوب متى عند الله
الواحد مايقدر يسويه اذا الله مو رايد
الله يرزقنا جميع

[الاميرة 2014]

السلام عليكم ورحمة الله وبركاته
اهلا بيكي في هذا المنتدي الجميل
وانشاء الله تستفيدي وتفيدي
حبيتي الحمل رزق من عند الله وكل انسان مختلف عن الاخر فمش بشرط كل اقاربك حملوا علي طول يبقي انتي كدة برده
ربنا يرزقك بالذرية الصالحة عن العاجل القريب واحنا معاكي يارب هذا الشهر يارب
انتي متفكريش كتير وسبيها علي الله والشهر اللي مش هتشغلي بالك بالحنل ربنا انشاء الله هيرزقك فيه وعيشي حياتك انتي لسة عروسة توكلي علي الله

[اين انت يا صغيري]

خواتي تسلمون لي يارب ...

الله يسمع منكم ..


ان شاء الله كلنا نحمل هالشهر وانبشر بعض ..


ااامين ..

[درين]

الله يرزقنا جميعا الذريه الصالحه قبل لا تخلص هذه السنه يا الله يا رب يا ارحم الراحمين

[Hello kitty]

انا بعد أتعالج عند اوراس وسويت اشعة الصبغة بس للاسف طلع الأنبوب اليسار مسكر وعندي لحمية

[(M.H)]

السلام عليكم
حبيبتي انا الحين حللت مافي شي وكمان زوجي مافيه شي بس ماصار حمل الحمد لله علي كل حال
والحين ممكن اعمل تخصيب مع العلم اني ليا سنة متزوجة
وان شاء الله تكونين حامل هالشهر يااارب

[السعاده بطاعة الله]

يارب يرزقنا الحمل التام السليم المعافى
ياكريم اكرمنا
ياكريم اكرمنا
ياكريم اكرمنا

[أماني جميله]

الله كريم
كل تأخيره فيها خيره

[بنت امها]

الله يكتب لك الحمل باذن الله
عليك بالرقيه الشرعيه واكثري من الاستغفار والصدقه بنيه الحمل