شوفي قصتي وقولي رايك

[مريحه نفسي]

السلام عليكم...كيفكم ..
يقول لكم قصة اللي انا مريحه نفسي ولا ملقيتها اي اهتمام
انا تزوجت قبل 5شهور وخخذيت واحد اللي عرفته انه مطوع وموظف واكبر مني بسنتين لان انا عمري 22 المهم اول اسبوع رحنا شهر العسل واتمشينا وبعد مارجعنا رحت لاهله وبعدين خلصت الاجازه وسافرنا للمدينه اللي دوامه فيها وبعد اسبوع جونا اهله وزوج اخته وقعدو عندنا اسبوع وانا لي اسبوعبن متزوجه وخخدمتهم واحترمتهم .. ولا وتروها خخذت بعض اغراضي بدون ما اعرف بس سكت ....مأحب اسوي مشاكل .... ومر شهر... وبعدين حللت طلعت حامل طبعا هو شجعني اني ما اكل حبوب منع حمل لانه يبي يصير اب ..المهم وطول هالايام يطلعني وكل ماتدق اخته العجوزه مسميتها كذا لان حركاتها حركات عجاييز اول .. المهم تدق لما نكون طالعين تقعد تكلم معه ساعه وتقول لا تطلعها حامل تتعب والرجال يصدق صار مايطلعني وتقعد تمدح نفسها انا سويت لرجلي كذا واعطيته فلوسي حقات حافز ...يهالحافز ... بس زوجي معلمني انهم بينهم مشاكل هي وزوجها ودايم تراضيه هي .... بعدين عرفت ان زوجي هو اللي يصرف ع اهله وهم ماشاءالله قبيله وعرفت ان طلباتي راح تكون مو دايم مجابه صرت اصرف من فلوس عندي قلت مره بشتري لاحوي الصغير هديه قال انا اولى وفلوسك هذي بصلح سيارتي فيهم هذا وانا لي شهرين متزوجه مفروض هو يعطيني فلوس ...قلت انا بشتري من فلوسي حتى المستوصف ياناس اذا بغيته مايدفع لان طلعت حالتهم ع الحديده .. هو ما كان كذا بس من اخته العجوزه اللي تقول زوجي اعطيه واعطيه ...خربت اخوها علي ... مع اني متنازله عن فلوسه ... لها ولاهلها .... المهم مرت ايام وصار يطلع مشاكل واسخف مشكله كنت مسويه عمليه سحب اعصاب بضرسي بفلوسي طبعا وانا حامل ولي اربع ايام ما اكل شي ... وبنفس اليوم اللي سويت العمليه قال اختي عازمتك قلت اليوم ما اقدر قال ماتحترمين خواتي طيب جهزي شنطتك ....تصدقون اني فرحت ورحت اجهزها بسرعه ابي بيت امي وابوي خخخخخ ...المهم لي شهرين عند اهلي )مرتاحه والله يديم راحتي قولو ماشاء الله ع راحة بالي( جاء بيرجعني مرتين ورفضت ودق علي وقفلت شريحتي للابد الرجال اللي مايصرف ويسمع كلام اخته اللي تخرب بينه وبين زوجته مأبيه ....هو يبيني مثل خةاته بدون كرامه وحده ثانيه من خواته باعت ذهبها عشيان تشتري لزوجها سياره ويوم اشترى رماها ع اهلها اسبوع وبطلعة الروح جاها لانه رخصها عنده وصارت ماعندها كرامه ودايم يرميها وكل خواته كذا يراضون ازواجهم بفلوس ودايم الاقيهم زعلانات عند اهلهم يعني احمد ربي برجعتي لاهلي عقبال ورقة طلاقي ان شاء الله... اللي عندي يقولون انتي مو صاحيه بس انا اقول رجال صبرت وماشكيت عليه احد ولا شكيته.. لاني اكره الحريم اللي يتشكون .ويكفي اني متنازله عن حقوقي عشان ظروفه ... بس يوم رجعني لاهلي الله يخلي لي بيت اهلي... ماعاد ابي اطلع منه ههههه

[مريحه نفسي]

عاد لا تصيرون قاسيات علي بردودكم اذا قريتو هالقصه اللي كنها نكته طويله هههه.....

[كلاسيك]

طيب وش ذنب الطفل الي ببطنك
انا اشوف انك تصبري على زوجك وتدعي له بالهداية والصلاح
وعودية انك منتظره منه مصروف مو تصرفي من فلوسك

الله يصلحه لك يارب
بس انا اشوف الطلاق اخر الحلول بما انه بينكم حمل
ربي يفتح لك بقلبة يارب ويصلح اموركم

[مريحه نفسي]

الطفل لو عاش مع عائله مثل عائلة ابوه بكون ظلمته .... غير كذا هو كلامه كلام واحد موصاحي يحب.صديقة اخته قبل يخطبني خطبها ورفضه ابوها يقول لو اروح لها ونهرب مع بعص واخته تجيب اخبارها له .... انا اذكر اني اخذت واحد مطوع ...طلع واحد الله يهديه يفكر يهرب مع بنات ... انا خايفه ع طفلي منه ... وخواته ازعجنه يبنه يصرف عليهن وهن متزوجات يعني كيف راح نعيش انا ولدي اذا بياخخذن راتبه ... لما قلت له ان بيجنا طفل شلون تصرف ع متزوجات ...سكتني ... مع هذا سكت وماقلت شي انا طبعي ما احب اسوي مشاكل مع احد ... حتى لو كلمته بهدؤء بيقلبها خنقه ... هو عصبي بسبة ظروف اهله اللي ازعجوه انا ادري انه فيه طيبه بس خواته يأثرن عليه

[مريحه نفسي]

وقبل مايودين لاهلي قال لي بروح شوي وارجع القاك مسقطه ولدك يحسب الولد منديل ولا شي سهل ينرمي مادرى ان بكلمته هذي كسب ذنب كبير

[jode]

الله يكتبلك مافيه الخير وكويس اهلك واقفين معاك

[ليلى الحلوه]

بصراحه يقهر ليش متزوجنج إذا ما يصرف عليج والله ما أداني هالنوعيه من الرياييل وزين سويتي فيه وشكلهم ناس غريبه يعني ما أدري وين قاطين عقولهم صح إنه الطلاق مؤلم بس إلي تعيشيه يعور بزياده وهو لازم يتأدب و إذا طلب منج ريال واحد بس لا تعطيه لإنه ما يستاهل و أحسن شي بالقصه إنج مرتاحه فبيت هلج, ما أعرف بشو انصحج بالضبط بس الحل إلي يريحج فعلا وتحسين بالراحه التامه فيه هو إلي لازم تسويه والياهل بطلاق أو بغير طلاق غصبن على أبوه بيصرف عليه... و أتمنى التوفيق بحياتج...

[مريحه نفسي]

مشكورات ع دعواتكم ... انا عارفه ان هروبي عنهم والفكه منهم هو الصح لانهم ناس مايستاهلون حتى التفكير فيهم

[مريحه نفسي]

ع فكره الرجال اللي انا اخخذته للاسف خالي رجع من سفر ولما سمع اللي سواه سال اصحابه عنه اللحين يستفسر عن حالته النفسيه اصحابه قالو انه هم يجارونه عقله عقل طفل قهر مفروض قبل الزواج سالنا اصحابه مو قرايبه اللي مثله ومثل اهله .... بس ماينفع هالشي اللحين... خليه عايش مع حواته العجايز لان عقله عقل عجوزه مثلهم مو عقل رجال هههه...

[بنت من البنات]

ههههههههههههههههه