اللي حامل ببنوته وجهزتلها ملابسها واغراضها تدخل ضرووري

[حرم الشايب..]

كيفكم يالغاليات
حبيباتي انا فالشهر الثامن وحامل ببنوته شريت اغلب اغراضها من سنتر بوينت بس اللي محتاره فيه ومتعبني طقم التقديم اذا جانا احد يعني المفرش يكون حلو ولبس البنوته انا بالرياض شفت كذا محل لكن مالقت شي يقنعني رحة لكيدز توب بس ماحصلت نفس اللي ابغا رحة الاسبوع اللي فات لمحل جاكادي لقيت فساتين تجنن بس صراحه غاليه شوي اسعارها ميتئن وطالع لحالها غير المفرش ماسالت عن السعر مررررره طفشت دلوني من وين اخذ خاصه انها بنوته ابغا تكون مميزه اذا جاني احد ويعطيكم العااااافيه

[وميض النجوم]

ماعندي فكرة يا عسل انا من اهل الدمام انشاءالله البنات يساعدونك

[بديله الرياض]

انا مثلك ولسي ماشريت لبس التقديم لي ولبنتي

[مناير999]

انا مثلك وقررت افصل لها
فستان كيوت سكري مع اللفه والمدس ويكون ناعم وفيه دانتيل ورسمي
مع قبعه وشوز
يكون طقم تقديم ومميز ماحد يلبس مثله

[اخر الصفحات]

أنا طلبت من وحده تجيب من امريكا واحد جونان باذن الله يوصل بكره نفس هالصوره

[جمانة خطاب]

تحفة المهاد اللى طلبتية اخر الصفحات
وان شاء الله تلاقى طلبك اختى حرم الشايب

[رييف]

مثلك انااا حااايسه بمفرش النفاس ومدس التقديم وغيره
لاكن اختي اخر الصفحات المهاد الي طالبته من موقع والا
اذا موقع ارسلي اسمه ع الخااص حياااتي

[حرم الشايب..]

مشكورين حبايبي اختي بكم طلبتيه الله يعطيك العافيه

[عشقي الاطفال]

انا سويت طقم لبسي ولبس البنوتة ومفرشهااا بس لسه مااستلمتو

الافضل انتي تعملي طلبيه تفصيل افخم من اللي بالمحلات مو حقت استقبال

[مشاعل الدوسري]

ما عندي فكره عن محلات الاطقم اللي بلرياض ..

لكن ما انصحك انك تزهين بنتك قدام الناس خافي عليها من عيون الناس ..

انا كنت لما البس بنتي ابيض أو احمر كان قلبي يزوغ عليها تجنن تصير غير ..
و الكل يقول تجنن و يطالعون فيها .. كنت من الخوف ابدل لها بس يادوب اصورها ..
و اغير لها على طول ..

خلي حركات الفساتين حق بعد كم شهر عشان يصير يسوى انك تلبسينه و يبان فيها ..
حق ابو 3 شهور الفساتين تجنن ..
في محل في جيان شفته الفستان الواحد سعره يتراوح بين اقل شي 250 الى ما فوق ماركه امريكيه ..

حتى خاطري فيه قلت ابأخذ للعيد.. عن الخاطر على الاقل مناسبه .. تسوى .. و انا ما عندي الا وحده .. بدلعه شوي ههههههههههه
الحين عمرها 7 شهور على بال ما يجي العيد لو اشتريت الفستان يبان فيها اقدر أوديها المصوره و العب فيها بلتصوير ..


و بس مجرد نصيحه ..