السلام عليكم
كيف الحال خواتي جبت لكم معلومه جدا مهمه سمعتها اليوم بالتلفزيون
كان طبيب مصري يتكلم عن اطفال الانابيب وقال معلومات جدا مهمه
قال نفرض ان جتنا مريضه وعملنا له سحب بويضات ووجدناان عندها عشرين بويضه
بعد التلقيح راح نجد ان بعد 3 ايام ان 15 بويضه اتخصبوا
واكثر الاطباء يعملون ترجيع بعد الثلاث ايام هاذي وهاذا اكبر خطاء لانهم راح ياخذون 3 بويضات من ها 15 على عماهم ويرجعونها بالمريضه
والشي الصح هو اننا ننتظر لمدة خمس ايام قبل الترجيع وراح نلاحظ ان ال 15 بويضه الي اتخصبو كلها تلاشت ولم يبقى الا بويضتين هم الي استمرو وكملو انقساماتهم
انتبهو معاااااااي يابنات انا هاذا الي صار معاي واكيد اغلبكم كيذا يرجعون لنا بعد ثلاث ايام وانتي وحظك ياتطلع بويضتك من النوع الي تكمل انقساماته وتحملين يا من النوع الثاني الي توقف انقساماته بعد ثلاث ايام
لذلك نصيييحه لكل مقبله على عملية الانابيب انه تاخذ هالنقطه بعين الاعتبار وتكلم دكتوره المعالج وتقول انا ابي الترجيع بعد اليوم الخامس ... وكل شي بيد العزيز الحكيم بس حنا راح ناخذ بالاسباب وعلشان هالمستشفيات ما تستغلنا وتاخذ فلوسنا حسبي الله عليهم لاني كلمت مستشفى سمير عباس قلت بسوي تجربتي الثانيه عندهم وقالتلي معلومه قالت بعد السحب اذا ماصار تلقيح نرجع لك نص المبلغ وهاذا الي تخاف منه المستشفيات الطماعه علشان كيذا يعملون الترجيع بعد ثلاث ايام علشان ماتتلاشى البويضات ويرجعون لنا نص المبلغ
اتمنى تكون فكرتي وصلت لكم على فكره الدكتور قال قبل اي عملية اطفال انابيب لازم تسوين ثلاث اشياء مهمه
1/ تحليل الاجسام المضاده للمريضه لان ممكن يكون جسمك من النوع الي يرفض دخول اجسام غريبه عليه
2/ تحليل للزوج قاله بالنقليزي ماانتبهت له زين
3/ والثالث والاهم عمل منظار للرحم لان ممكن يكون الرحم من النوع الي فيه حاجز رحمي وممكن يكون فيه اورام صغيره تمنع التصاق الاجنه وكذلك المظار يعطي تشخيص جدا دقيق لسمك الرحم اكثر من تشخيص الاشعه الصوتيه الي ممكن يعطي تشخيص خاطى لبطانة الرحم
اتمنى كل وحده تدخل وتستفيد من هالمعلومات تدعيلي بالذريه الصالحه