السلام عليكم اخباركم بنات
الله يهون على كل حامل حملها يارب ويرزقها ساعة ولادة من أسهل مايكون
أنا كنت حامل بطفلي الثاني وعايشة برا السعودية وكنت اتابع حملي هناك باسبانيا وكلش تمام الحمدلله الى نهاية الشهر السابع وفكرت اجي السعودية علشان اولد بين اهلي واحبابي خاصة ان ولادتي بتكون بالعطلة
وجيت بنص الثامن وكنت ناسية تحاليلي وكل شي يتعلق بحملي هناك
فلما رحت اراجع وشافت الدكتورة بالسونار قالت لازم نسوي لك اشعة تشخيصية وتحاليل سويتها طلعت المويات زايدة ومافيه سكر الحمدلله هذا كان بالقصيم وكنت الى هالفترة محافظة على وزني من بداية الحمل واخفف ولا زدت بكل حملي الا كيلو الحمد لله وجيت هنا وصرت آكل بالهبل واطمأنيت لما قالت مافيك سكر قلت بدلع روحي هالشهر الأخير وكانت النتيجة زيادة 6 كيلو وبداية التاسع تعرضت لثلاث مطبات أليمة ورا بعض وذبحني بطني لما رحت اطمئن قالت البيبي اقتلب وصار راسه فوق وبديت احبي واسجد بعدين جيت للرياض علشان ابي اولد هناك عند اختي المهم مالكم بالطويلة رحت لدلة وطلع راسه تحت الحمدلله ولااقتنعت بتحاليلي وقالت خوذي موعد للسونار وعادت التحاليل طلع عندي سكر حمل وقالوا ان البيبي زايد حجمه صاير كيلو وسبعمية ولانزل راسه للحوض كنت ذاك الوقت بنص التاسع قلت خلاص اكتبي لي تنويم وخليني اولد بطلق صناعي علشان مايزيد وزن البيبي اكثر وتصير قيصريه قالت الدكتورة بعطيك فرصة اربع ايام وامشي فيها وبعدين بنحاول بك بالطلق الصناعي ان نزل كان بها وان مانزل صارت قيصري
المهم جيت عالموعد ولا نزل الراس وكتبت تنويم وعطتني اول مادخلت تحميلة طلق ولا سوت شي وعطتني الثانية بعد ست ساعات وبرضه مااستجبت هذا كان يوم الاثنين مع اني بولادتي الاولى بدا الطلق من ثاني تحميلة ومن بكرا عطتني الثالثة وكان ألم لايذكر وجتني الساعة 1 الظهر وقالت بنحاول بك آخر محاولة لأن التحاميل اللي عطيتك قوية وسبحان الله مااستفدت وجت فحصت قالت الرحم مفتوح 2 س قلت عطيني ابرة بالوريد قالت ماانفتح الرحم لازم يكون اربعة علشان اعطيك بنصبر الى سبع الفجر لعله ينفتح وقالت بكرا الصباح تدخلين الكشك وجا الصباح وشقلوني للكشك بس قبلها عطوني تحميلة شرجية وانتم بكرامه ورحت عالكشك وجت وحدة قاست رحمي قالت 2 سم يعني مافيه أي تقدم ومادريت الا وانكبت الموية قلت ليه فكيتي الموية قالت هذي توصية الدكتورة وبعدها بشوي عطوني مغذي وسألت وش قصته قالوا انه طلق بالوريد قلت جاك الموت ياتارك الصلاة وركبوا لي قصدرة الصراحة كنت خايفة لأنها قالت ماراح اركبه قبل الاربعة س المهم بدت الام وكل مالها تزيد وقلت لهم ابغى مسكن بس مافادني وطبعا دكتورتي كانت رافضة ابرة الظهر لأنها تقول مانزل الطفل للحوض ولو اخذتيها بيكسل الرحم ولا ينزل المهم جلست لحد الساعة عشر ورجعت قاست سبحان الله الرحم هو هو ماانفتح الا 2 سم وقاست الساعة وحدة وطلع 3 سم يعني خمس ساعت هذي المفروض اولد فيها وطلع ماانفتح الا سم وطبعا انا مسوية استدعاء لدكتورتي وكانت ذيك الفترة تولّد وكل مااطلبها يرفضون وصح نسيت لماانفكت الموية قالت ان الجنين متبرز ببطنك قلت يعني شلون قالت يعني تعبان ماندري له يوم يومين او اسبوع مرة اقلقتني وتعالوا شوفي نفسيتي وقتها وكانوا حاطين جهاز التخطيط وماقدرت انام كل شوي لااشتدت الطلقة جلست قاعدة وانا طبعا كل ذاك الوقت بموت من الالم واللي زاد الطين بلة انه ألم عالفاضي يعني مافيه أي استجابة الرحم ماانفتح والجنين مانزل للحوض وفوق كذا متبرز وقالوا وزنه كبير ففقدت الأمل نهائي اني اولد طبيعي وجلست اصيح واترجاهم يولدوني قيصري ويفكوني ليش يبهذلوني والنتيجة معروفة قيصري وهم رافضين وقالوا دكتورتك تقرر صارت الساعة وحدة ونص وتدخل الدكتورة اخيرا واترجاها تكتب لي عملية وارتاح قالت طيب ماتبغين ابرة ظهر قلت الا ياليت وكتبتها لي واول الوقت فعلا ماحسيت بالألم وبعدين صار فيه ألم بجهة وحدة من بطني ومن ورا شديد جلست منالساعة 2 الى 4 وبعدين قاسوا حصلوه 6 سم طلعت رافعة طلق الوريد على اعلى حد علشان كذا حسيت بالالم ولو انه مايقارن ابد باللي قبل الابرة وخمس دقايق الا وحسيت بالزحير قاست لقته 6ونص قالت انتبهي لاتدفعين ترى بينفجر عنق الرحم وقلت هي تجي غصب وقعدت ادفع عجزت اردها وقاست مرة ثانية والاه ثمانية وقالت خلاص وقفي دفع فيه خطورة الحين قلت مااقدر وقامت قاست لقته عشره يعني انفتح من ست لعشرة بخمس دقايق الحمدلله وشالوني علطول لغرفة الولادة ودفعت كم دفعة وطلع النونو الحمدلله وكنت معتبرة الولادة الطبيعية ماراح تصير الا بمعجزة بس رحمة ربي فوق كل شي ولا خيب دعاي وعقبالكم يارب بس بولادة من أسهل مايكون ان شاالله .
ولادتي كانت يوم الاربعاء 7-8- 1433