ساعدوني الوسوسه والطبيخ

[بنوته القمر]

السلام عليكم

يابنات باختصار شديد انا لما كنت عند اهلي كنت احب اطبخ واعمل اكلات بعض الاحيان تزبط وبعض الاحيان لا يعني علي حسب


المهم بعد ماتزوجت في بدايه زواجي كنت احب اطبخ صح اكلات تطلع كويسه واكلات لا بس بتعلم واحب ادخل واعمل وكدا بعدها بفتره جاني وسواس يابنات انا الحمدالله احب اغسل كل شي قبل ماطبخ واقطع البصل وكل شي لو ادوات خاصه فهمتو كيف وادوات النظافه حقت بيتي في دولاب خاص لحالها

المهم دايما يجي في بالي لما اطبخ ان اكلي في سم او اكلي في شي غلط حطيته ولو اكلت حاموت ماادري ليه زماااااااااااااان قرات قصه في مجله حصلت في مصر او مادري فين وحده بدل ماتحط سكر او مادري ايه ملح حطت سم فيران واهلها كلهم ماتو وانا ماني قادره انسا هالشي والله يابنات مادري ليه تفكيري صار كدا مع العلم انا ماعندي لاسم فيران ولا شي وكل ادوات النظافه في علبها يعني ديتو كلوركس كدا

مادري ليه تفكيري كدا مرررا باعاني من هالشي ان طبخت زوجي ياكل انا مااكل بس اكل بيض ان عملت لنفسي او تونه او اقلي مقليات اخاف من اكلي وبعض الاحيان اكل يعني مثلا مكرونه بالبشاميل كدا اكل عادي

يابنات انا تعبت من تفكيري مادري ايش اعمل يعني مثلا علبه الملح باينه اقول لا اوسوس هذا مو ملح هذا سم او اي شي مو كويس

مع العلم بهاراتي كلها في الفريزر قالو علشان لاتخرب والملح في علبه الخاصه مااغير العلب ماحب وكل البهارات مكتوب عليها مادري انا لي كدا

في مرا ماطبخت وبس عملت اندومي وبيض وحطيت مربي وقشطه وكدا يعني نوعت واكلنا بعدها انا دقات قلبي سارت سريعه بس سكت قلت ممكن ارهاق بعدها اتفاجي زوجي قال انا دقات قلبي سريعه طبعا هو بيمزح قال انتي ايش حاطه في الاكل انا هنا مررررررررررررا خفت وبكيت قلتله هيا علي المستشفي قوم مادري حتي انا طبعا هو يضحك وانا ميته خوف قلت يوووووووه بيموت بسببي واتذكر ماحطيت شي طبعا انا خفت مرررا دقيت علي بنت خالتي احطيها قلتلي عااااادي بلا هبل انتي هبله قلتلي طبيعي لخبطو في الاكل علشان كدا وتقول حتي هي لما تلخبط يحصلها كدا يعني ممكن زيوت علين شويات وكدا اكلات دسمه فاااااااا الي مثلي ولا عندها حل تقولي لان من جد طفشت من هذي الوسوسه

[نبعة الحب]

طيب سؤال وانتي عند سم فيران لو سم من نوع ثاني بالبيت؟
هههههههه حبيبتي ليش تفكرين ارتاحي وفكري انو انتي ما عندج سم بالبيت علمود ترتاحين يعني يمكن يجيكي هذا التفكير لان ثقتك بنفسك مو قوية من ناحية الطبخ طبيعي بس مو تكبر لدرجة انج تفكرين بهاي الامور

اول ما تبدين بالطبخ سمي قولي بسم الله واتذكري انو زوجكراح يفرح اذا جرب طبخكويكون حلوووووووووو

[بنوته القمر]

تسلمي ياقمر علي مرورك وردك علي الاقل عبرتي الموضوع

لا مااعندي لا سم فيران ولا شي بس مدري لي تفكيري كدا والله تعبت من تفكيري من جد يعني اقرب مثال انا عندي شغاله اهلي وتعرف تطبخ كل شي وكدا وهي الي طبخت وانا كنت واقفه معاها وشفت كل شي قلت يمكن غلطنا ماحطينا كمون يمكن شي ثاني مو كويس وماكلت زوجي اكل وخلص قلت استنا ساعتين ان ماجاه شي انا اكل من جد تفكيري مادري ليه كدا انا صح اخاف من الموت طبيعي بس مدري لي من ناحيه الطبيخ بس كدا

مع العلم لما اخرج اروح ناس او اكل من برا اكل عااااادي ماعندي اي مشكله لما اعمل انا كيك واخذه معايا مثلا عند اهل زوجي اي احد عااااادي بس مدري ليه عليه تفكيري كدا من جد وتعبت من هالشي يعني مثلا البهارات اجلس اشم فيها مليون مرا اتاكد ايوه هدا صح لااكون غلطانه وكل شي نظيف عندي الحمدالله بس مدري لي موسوسه

[ام امير وملاكي]

السلام عليكم
حبيبتي شوفي ما في داعي للقلق ولخوف هي مجرد وسوسه
احسن شي لما تفكري انك تطبخي جهزي اغراضك على صنيه حتى الملح ولفلفل ولما تطبخي ما يكون في اي مواد تنظيف
بعدين انتي عندك سم بالبيت شيلي برا على برنداو على شباك في كيس
واسال الله لكي راحة البال

واهم شي
الاستغفار وتسبيح اثناء الطبخ

[بنوته القمر]

مااااااااااااااعندي لاسم ولاغيره مادخل هالاغراض بيتي واصبا ادوات النظيبفه في دولاب خاص في مطبخي يعني بعيده عن كل شي وكل شي مقفل في علبه الديتول الكلوركس الفانيش يعني وقت الطبيخ اصلا مافتح الدولاب ابدا بس مدري ليه تفكيري كدا ان ممكن اغلط واحط شي مو كويس واكل واموت ماادري ليه حتي انا طفشت من تفكيري بعض الاحيان اصرف نفسي لما افكر كدا اقول احسن واكمل اكلي عادي وخلاص المشكله ان حتي ناس تجيهيم تسمم مو شرط يموتو بس انا مادري ليه تفكيري كدا يعني بناكل من برا اكل اسواق ايش عرفنا نظيف ولا ويخ ولا كيف ينعمل بس فكرت في اكلي ومافكرت في اكل المطاعم الي ماندلاي كيف ينعمل

[حلمي أحمل]

ياقلبي اول ماتجيك هالافكار تعوذي من ابليس ثلاث مرات وكل مره سوي كذا لين تختفي هالوسوسه
هاالافكار انتي علقتيها برااسك وخلتك كذا يعني لاعندك سم ولا اشياء خطرره ومع ذلك موسوسه على ايش !!!
ابليس شاطررررر ومزين هالافكااااار بمخك تعوذي منه
الله يسعدك

[غادة9]

احكيلك

اول ما تبدوا تاكلوا
احكي بسم الله الذي لا يضر مع اسمه شيء في السماء ولا في الارض وهو السميع البصير
وتوكلي على الله وكلي حتى لو في سم حقيقي بالاكل

وصحة وعافيه

[Mishael]

لما تجيك الوساويس هذي اول حاجه تعوذي من الشيطان ثاني شي اجبري نفسك كل من الاكل غصب لو تغمضي وتاكلي
ديري بالك ممكن زوجك يطفش من الطبع هذا وشغلي القران وانتي تشتغلي بالمطبخ عشان تلهين وتنسين الوسوسه وزي ماقالولك حضري كل حاجه عالطاوله ودايم رددي انا ماحطيت حاجه بالاكل ،،هي حاجه بالذهن لم تتركز تنجبر النفس عليها

[بنوته القمر]

مشكووووووووووووووورين ياحلوين علي مروركم صرت اطنش واطبخ واكل والي ربي رايد فيه راح يحصل اما اجلس كدا اكيد زوجي بيطفش اصلا حاليا ماطبخ كثير