التعامل بين الاخوات ، كيفية التعامل مع الاخوة ، تعامل الفتاة مع اخوتها

[بندقة]

التعامل بين الاخوات ، كيفية التعامل مع الاخوة ، تعامل الفتاة مع اخوتها
التعامل بين الاخوات ، كيفية التعامل مع الاخوة ، تعامل الفتاة مع اخوتها
التعامل بين الاخوات ، كيفية التعامل مع الاخوة ، تعامل الفتاة مع اخوتها
التعامل بين الاخوات ، كيفية التعامل مع الاخوة ، تعامل الفتاة مع اخوتها

تعاامل الاخ الاعزب مع اخته او الاخ المتزوج مع اخته او الزوج مع زوجته


صراحة انا لاحظت وبشكل كبير اختلافات في التعامل بصراحه
وانا بتكلم بشكل صريح جداً

لما يجي شاب ويطلب من اخته طلب اياً كان هالطلب ويجي يقولها مثلا ي فلانه قومي سوي لي ساندويتش وكوب حليب (بوقت غير وقت الاكل ) والبنت ترد عليه موفاضيه لك رح شوف الشغاله بالمطبخ خلها تسويلك يقولها انا مااحب شغل الشغاله قومي انتي يالله قدامي ترد البنت ماني مسويه قلتلك ويبدأ الهواش والكل يبي يتنفذ اللي براسه ويمكن بعضها تنتهي بالهواش والطق وبالاخير الولد يطلع من البيت

<< اسلوب الاثنين فاااشل هناا لان كل واحد يبي امره يتنفذ غصب

لكن لو تحول الحوار الى اسلوب اخر
مثلاً الشاب يجي يقول لاخته ي فلانه الله يعاافيك خاطري (مشتهي) بساندويتش وكوب حليب اذا ماعليك امر ( البنت بتستحي ترده لوكانت مشغوله لان اسلوبه حلو ) بتقوله طيب وبتعطيه وانتهينا

طبعا البنت بطبيعتها تحب الكلام الحلو وحساسه وغالباً تكره صيغة الامرررررر


الحين نلاحظ اغلب الشباب لما يجي يكلم اخته يتكلم معها بصيغة امر يعني شي غصب عنك تسوينه شي اجباري وهالشي اكبر غلط والبنت يمكن تعاند وتصير اشياء مالها داعي

انا ماأنكر ان بعض البنات لما يحاكون اخوها كنها تحاكي لها سواق من جد الاحظ بالجامعه بنات لما اخوها يجي ياخذها تتكلم معاه بكلام كنه سواق عندها وربي مستحيل اقولها لاخوي الاووسط لان هالشي عيييب واخوك لازم تكنّين له الاحترام لان هذا سندك لو تكلمتي انتي كذا وش خليت للغُرب ؟؟
لكن داااائما الشي بأسلوب وذووق نتايجه حلوه مره


نجي للبنات كذلك الاسلوب لابد منه مع اخوك عشان مايحس انك مو مهتمه فيه بالعكس شوفي اخوك وش ناقصه وش يبي وش مايبي تآمر بشي

مو لما يناديك نعععععععععععععععععععم << بصووت عالي
لا البنت حلاتها لما يناديها اخوها تقول هلا لبيه سم << احلى شي
بيحسسه انه رجل لما تقولين له هالكلام وبيحب يناديك عشان يسمعها << أسألي مجرررب

[u]الحين مرات لما اخوها يناديها وتكون سارحه شوي وتقول لبيه تقول اوووبس سوري خخخخخخخ وترجع تقول ها وش تبي << كان خليتيها عالاوله احلى


عالعموم انا طولت بهررجي وااجد ويمكن كلام عقب ذا ماقلته بعد << مناك بس

وان اخطيت فمني ومن الشيطان وان اصبت فمن الله وحده << مدري ذي تقال هنا والا لا
<< ابي انام معليش وربي عيوني تقول سكري << وش حادك اصلا خخخخخ

وسؤالي لككم جميعاً ..
بالنسبه للبنت ..
ماذا تريدين من اخوك ؟؟
وكيف تريدين طريقة تعامله معك ؟؟
ومالشي الذي لاتحبينه في تصرفاته معك ؟؟
مالذي تودين قوله لاخيك ؟؟


بالنسبة للشاب ..
ماذا تريد من اختك ؟؟
وكيف تريد طريقة تعاملها معك ؟؟
ومالشي الذي لاتحبه في تصرفاتها معك ؟؟
مالذي تود قوله لاختك ؟؟


واخيراً اقووووووول لكم شي مهم ونسيت اذكرره
ترى الاهل لهم الدووووووووور الكبير في هاللي ذكرته كله
يعني الاهل هم يحببون الاخوان بأخواتهم وهم يكرهون الاخوات بإخوانهم
يعني مايفرقون بينهم ولايفضلون احد على غيره ابداً ابداً
عشان مشاكل الغيره ولا دخلت الغيره بين الاخوان فالله المستعان

وشي اخير جدن جدن
الفتاااااااااااه لابد من اخذ شورها بككل شي دون فرض شي عليها عشان هي بنت
هالشي غلط × غلط × غلط
والرسول صلّ الله عليه وسلم قال ( خيركم خيركم لاهله وانا خيركم لاهلي )