انصحوني متى اعلن عن حملي

[ريم شيخة البنات والحريم]

السلام عليكم ورحمة الله وبركاته

بعد التحايا والمحبة لكل الحوامل الف مبروك لكل حامل وربنا يتمم عليكن بخير يارب
ويرزق كل منتظره بالحمل يارب

اقول حبيباتي ابا استشيركن انا ولله الحمد حامل تبارك الرحمن وهذا طفلي الثالث وماشاء الله لااله الا الله حملي الثاني كان على البيبي الاول وهذا بعد يعني البيبي مو مكمل سنه وبصراحة مدري متى لازم اقول حق اهلي واهل زوجي وخاصة بان اهل زوجي من نوع اللي يعلقون على الحرمي اللي يولدون ورى بعض وبصراحة و في حد منهم صارله سنين متزوج مو حامل
الحمدالله انا راضية بحكم ربي وادري ان لن يصيبنا الا ماكتب الله لنا وادري بان الواحد لازم يذكر نعمة الله عليه (فاما بنعمة ربك فحدث) بس تدرون اشلون راح يكون ردة الفعل وانا ما استحمل كلام ونقزات حد مع انه محد له حق علي بس سبحان الله عسى الله يباركلي في رزقي يارب
امانه ادعولي الله يثبت حملي و يبارك في عيالي ويبعد عننا اعين الحاسدين و حقد الحاقدين و اعين الناس عنا يارب ويكفينا السنتهم يارب
انا بحملي الثاني تخيلو كلمت مبروك ماسمعته الا قليل من ناحية اهل زوجي طبعا اهلي غير والله مو عشان هم اهلي بس سبحان الله قانعين

المهم انصحوني اخبرهم والا اشلون و متى؟

[ريم شيخة البنات والحريم]

افاااااا محد رد علي

[ام التوينز3]

هلا انا انصحك ماتقولي شي هم اصلا بيتفاجاوبالكرشه لما تكبر ويعرفو بنفسهم بعدين ثالث بيبي ما شاء الله احس ما له داعي تخبري احد خصوصا انك ورى بعض العين حق

[بنت ابويه]

ماله داعي تخبرينهم كملي 5شهور وبعدين قوليلهم كأنك ماتعرفي عن الحمل من قبل

[SARA ABDULLA]

تعدي الثالث يا عسل وحصني نفسك وعيالك وتوكلي على الله

عشان مؤ اذا كبرت بطنك يشاهقون ترا الفزه شينه يعني يرتاعون. اذا شافو بطنك كبير

الله يحفضك ويحفض جنيني والمسلمين

[امل نجد]

أنا أشوف انك تخبرينهم بس تحافظي ع أذكار الصباح والمساء وبأذن الله ما يضرك شي
وتذكري ان كل ذي نعمه محسود سواء خبرتيهم الان او بعدين
تقبلي مروووري

[اشكرك ربي]

اي صحيح الله يتمم حملك وحملنا ةيثبته يااربانصحك ماتقولي الا لمن تدخلي الرابع يكون ثبت حملك
واذا بتتكلمي مو للكل لانه بصراحه الحسد حق ومذكور بالقران
وانا جربته من شهقتهم علي توفئ اللي في بطني بعيد الشر عنك

[samia19]

الف مبروك و ربى يتتمم حملك على خير و سيبك من كلام الناس الله هو لى يصون و كلى امرك لله سبحانة

[حيآتوو]

مايحتاج تخبرينهم
انا مثلك الطفل الثاني وقالهم زوجي ويمثلون علي انهم مايدرون!
ولاكلمة مبروك ماسمعت

[ام النوني]

انا مثلج بالضبط هذا حملي الثالث احمل من اخلص الاربعين ،، طبعااا اول مااحلل اقول لاهلي واهل زوجي والحمد لله ماشفت الا كل خير