اسم مولدتي و ام زوجي تسنيم او دلال

[بسومـ_مكة_ـة]

السلام عليكم

انا حالتي حالة مع اسم بنوتتي

انا من قبل ما احمل متفقين اول بنت لي و الولد لأبوه

بس ام زوجي تبي تكسرني بأي طريقة

و اخر شئ ربطت رضاها بأسم ( دلال ) لان كان عندها بنت و توفت و قالت برضايا عليك سميها دلال

و انا نفسي اسميها تسنيم

اليوم اعطيت زوجي حل واحد ماله ثاني انه يختار اسم غير الاثنين و خارج من العائلتين

لان الاحق بالتسمية هو ، مني عارفة ايش اسوي مع امه لو اصرت عليه

و هل الافضل تسنيم ام دلال

و الله بكيت من قهري مني عارفة ايش اسوي

[حنين روحي]

ياحياتي لاتزعلين نفسك
وش تسوين اغلب ام ازوج كذا
مالك الا تسمينها دلال بس قولي العيال الباقي
انا بسميهم ولا تدخلون عشان بكره
كل شوي بيطلعولك اسم
وانتي براحتك ولاتبكين ولا شي وسعي صدرك
اهم شي تقومين بسلامه وتصير عندك احلى بنوته

[الجوورية]

لا تزعلين نفسك ولا شي بس مو زين تسمي على بنتها اللي توفت حلو يكون




فيه شوية تفاؤل ما ألومك صراحه لو مكانك أسمي اللي أبغاه


أو قوليلها تختار أسم غير دلال عشان خاطر البنوته

[امااه]

انت قولي عشان خاطرك بسمي دلال وراح تكبري في عينها وصدقيني وراح تعرفي قيمة الضنا لما تولدي هى فاقدة بنتها فعذريها ونفس الوقت بطريقتك الذكية قربيها منك عشان تلبي رغباتك واختيارتك وأهم شي تكون ذرية صالحة وبصحة وعافية الله يسعدك انت واسرتك

[بسومـ_مكة_ـة]

هي ما تحبني و طاردتي سنة من بيتها تبيها اللحين تحب بنتي

<< أحس الموضوع نكال فيا و بس

[دلـــوعــه عـــــبوديـ]

اذا زوجك راضي تسميها ع كيفيك عادي انتي راضيها بكلمتين وقولي لها انا خاطري من زمان اسمي بنتي تسنيم والحمدلله ربي رزقني بنت ونفسي اسميها تسنيم عشان ماتكلم زوجك وتغصبه ع الاسم الي تبيه

[همس آلوجدان]

نصيحه مني خيتو لاتسميها دلال خصوصا ان الاسم لبنتها اللي ماتت

سميها اي اسم بي لاتسميها دلال ما اقول لك زعلي ام زوجك بس مايصلح

والله خالتي حملت وجابت بنت وماتت وكانت مريضه وحملت وبعد جابت بنت سمتها نفس اسم اللي توفت
لو تشوفيها وجهها نفس اللي جابتها الحين تفكريهم تؤم ومريضه وبنفس حالتها بعد الله يعافيها يارب

وبراحتك

[شوق وحنين]

اسم دلال بحد ذاته حلوو ومعناه جميل بس انتي مب متقبلته نفسياً..

استخيري والله يكتب لج الي فيه الخير..

[همسة دفاء]

عادي حبيبتي لا تزعلين نفسج وكوني انتي الاحسن ولا تضايجي زوجك عشان الاسم

والحمدلله انها ما اختارت اسم شين

عادي سميها دلال والمولوده الثانية ان شاء الله تسموها تسنيم

والله يعينج

[أم أصيـــل]

حلو والله على كيفها الشغلة,,,,,,,,,,
عالعموم حبيبتي هذي بنتك وإنتي حره فيها تسميها مثل ماتبغين
ولو شفتي أبوها مو مقتنع على قولتك يختار إسم غير عن الأسماء إللي حاطتهم بالإستطلاع,,,,
وخل نشوف لو وحده من بناتها جابت بنت ياترى تقدر تفرض رأيها وتقول سميها دلال؟؟,
والله الإسم مايخش المزاج بالمره,,,
الله يعينك......