انا ولدي عمرو 2 ونص بس عندي حاجتين اتمنى انكم تقدرو تساعدوني فيها
اول شي ولدي ماينام في السرير حقو يعني ينام في اول اليل وعلى نص اليل يصحى ويجي جنبي والله اني مره اضايق والمشكله كمان اني حامل وسرت اضايق زياده وعلى فكره السرير حق ولدي معاي في الغرفه عشان احس انو مستحيل ينام في غرفه لوحدو وكمان قريب مني بس برضو لازم يجي جنبي والله مني عارفه ايش اسوي بذات دحين لو جا البيبي التاني معقول حينامو الاتنين جنبي
الشي التاني الي مضايقني الحمام والله يا بنات مني عارفه كيف ابدا معاه يتعلم الحمام في وحده قالتلي لاتلبسي حفاظه طول النهار واحس هادا الشي مستحيل لانو البيت كلو حا يتوسخ وحا افضل انظف ورا طب ايش الحل كيف ابدا
ياريت تقولي ايش ممكن اسوي في هادي المشكلتين ولو مساعده بسيطه لوسمحتو