لقاء التعرف على العريس ، التعامل فى اول لقاء مع العريس ، اول لقاء مع العريس

[بندقة]

لقاء التعرف على العريس ، التعامل فى اول لقاء مع العريس ، اول لقاء مع العريس
لقاء التعرف على العريس ، التعامل فى اول لقاء مع العريس ، اول لقاء مع العريس
لقاء التعرف على العريس ، التعامل فى اول لقاء مع العريس ، اول لقاء مع العريس
لقاء التعرف على العريس ، التعامل فى اول لقاء مع العريس ، اول لقاء مع العريس

عايزة تعرفي ليه العريس بعد لقاء التعارف مش بتشوفي وشه تاني .. تعالي وانا اقولك


ازاي بقي اتعرف علي العريس واخليه يقبل بشروطي وازاي اخليه مبسوط وعايز يتجوزني مش يشوفني مرة وبعدين يطلع يجري وولا حس ولا خبر
زي ما بيحصل في اكتر من مرة رغم ان العريس بيكون مقبل جدا علي الجواز قبل ما يقعد معايا ويتعرف عليا



وللبنات اللي بتسال السؤال ده احب اقولهم ان في كذا سبب ورا المشكلة دي وان العريس يجي مرة وبعدين يدوب ومتعرفيش عنه حاجه

اول غلطة ممكن تكوني بتعمليها اندفاعك ناحية العريس وتنزلي عليه بالاسئلة مترحميهوش وتفضلي ترددي كلمة ( شروط ) فطبعا الراجل بيتخض منك وبيكون عايز يطلع يجري



تاني غلطةالفتور يعني تكلمي العريس بلا مبالاة وكأنك بتقوليله حاجه طبيعيه انك تيجي تقدملي وانا مش مهتمه بيك من الاخر زيك زي غيرك

لكن الصح انك تلجأي لحل وسط ولما تيجي تساليه علي اي حاجه تساليه بهدوء ورقة متحسسيهوش يعني انك وكيل نيابه ولا بتعمليله استجواب احنا مش عايزين الراجل يطفش ماصدقنا انه جه



لازم تكوني ذكية في النقطة دي انك تديله الفرصة الكاملة يتكلم عن نفسه ومتقاطعيهوش معلش تعالي علي نفسك واصبري لحد ما يخلص كلامه واكيد هتعرفي من كلامه معلومات مهمه حتي لو مش هي المعلومات اللي انتي عايزاها وهتفهمي برضه طباعه



وياريت متقوليش قدامه كلمة شروط عشان الرجالة عندهم فوبيا من الكلمة دي استبدليها بكلمة مواصفات

وياريت كمان لو العريس معجبكيش او حسيتي بنفور منه متقلبيش وشك شراب وتقعدي مبوظة وبصاله من فوق لتحت



لا ياريت متوضحيش مشاعرك دي خليها جواكي احسن واتصرفي معاه بذوق متنسيش انه في بيتك والدين امرنا باكرام الضيف وبكده تبقي كسبتي انك خدتي ثواب من ناحية الدين ده غير انك لو اتعاملتي معاه بسخرية ولا بصتيله بقرف هيطلع من بيتك يقول عليكي اللي متقالش وانتي في غني عن الكلام ده لو اتصرفتي بلطف وبعد كده اهلك يرفضوه بس يعتذرو باسلوب حلو



وكمان حتي لو انتي جريئة معلش يا اوختشي امسكي اعصابك شوية وحاولي تبقي مكسوفة وعندك حياء عشان يحترمك

وكمان ممكن من ضمن الاخطاء اللي بتعمليها في لقاء التعارف انك تفضلي تتكلمي عن نفسك وعن طباعك وبتحبي ايه وبتكرهي ايه وناقص تقولي لابسه تحت الهدوم ايه ههههههههههههههه
طبعا غلط انتي كده بتخلي نفسك كتاب مفتوح وتخلص القعده من غير ما تعرفي عنه حاجه وهو يبقي عرف عنك كل حاااااااااااجه



لكن لو ذكية بقي تشجعيه يتكلم عن نفسه اكتر تجرجريه في الكلام يعني وتساليه بيحب ايه في زوجة المستقبل وبيكره فيها ايه وبيحب ايه في الحياة بشكل عام وايه افضل اوقاته وازاي بيقضيها وركزي اوى في كل حاجه بيقولها عشان تعرفي تكوني صورة صادقه عنه زي ما موجودة في الواقع مش زي ما انتي بتتخيليها او عايزاها تكون



وبرضه لازم تعملي وقفه مع نفسك بالعيوب اللي موجودة في العريس وفي فكرة حلوة ممكن تجيبي ورقة وتكتبي فيها عيوبه ومميزاته عشان تحدديهم ومتقوليش لنفسك انك هتقدري تغيري العيوب اللي فيه لانك مش هتقدري
لكن ممكن تقدري تخليه عايز يتخلص من العيوب دي وتشجعيه علي كده بطريقة حلوة وبراحه مش انك تديله اوامر او كأنك بتشرطي عليه
وخلي بالك ان في عيوب ممكن تفضل موجودة في شخصيته ولازم تتجاهليها مقابل انك هتستمتعي بالمزايا اللي عنده



وعايزة انبهك برضه لحاجه ياريت متقفيش كتير عند الشكل سواء عجبك او لا لان كفاية ان الشكل يكون مقبول والاهم الجوهر لان الشكل سهل يتغير لكن الجوهر صعب جدااا يتغير وكمان عنيكي كده كده هتعود بعد فترة علي الشكل سواء كان حلو او لا

وياريت قبل لقاءات التعارف تسترخي ذهنيا وجسديا جدااا ولما تكوني قاعده معاه تقعدي علي الكرسي كويس مش تقعدي علي اطرافه عشان شكلك يدي انطباع بالثقه وعشان ميبانش عليكي انك متوترة
وتدعي ربنا قبل ما تدخلي يوفقك في الاختيار وتتوكلي علي الله عشان ربنا يتولي عنك ده



وتخلي بالك من طريقة تعامل العريس مع اسرته وصحابه وقرايبه لان ده بيبين جوانب مهمه في شخصيته وهتستنتجي جزء كبير من اسلوبه في التعامل معاكي في المستقبل

ومتتوقعيش ان شريك حياتك هيعاملك زي ما اهلك بيعاملوكي او بنفس الطريقة الي باباكي بيعامل بيها مامتك او جوز اختك او خطيب صاحبتك لان كل انسان بيتعامل حسب شخصيته
لكن الصح انك تسالي نفسك هو بيعاملك بالطريقة اللي تناسبك ولا لا وهتقبلي منه كده بقية عمرك ولا لا وتقدري تحسني اسلوبه ولا لا



ولازم عشان توافقي علي العريس تكوني عندك نوع من الرضا علي نوع وظيفته وتحاولي تساعديه يترقي في مجال شغله مش انه يفضل يشتغل وخلاص لا يكون متميز عشان انتي كمان تفتخري بيه وبرضه انتي هتكسبي سواء ماديا او معنويا

وفي دراسات نفسيه اثبتت ان الزوج الناجح في شغله بيكون اقل رغبة انه يقف عند الحاجات الصغيرة في حياته الزوجية وعنده استعداد اكتر للتسامح وعايز يسعد زوجته وميضايقهاش

واخيرا في لقاء التعارف لازم اللبس اللي تلبسيه يديلك رقة وجمال زي مثلا فستان كده سيمبل وشيك ولونه يكون هادي من الوان الروزات او التركواز او الابيضات
واللي يليق عليكي طبعا وابعدي في لقاءات التعارف عن البنطلونات والجو ده



ومتعمليش فرح في وشك حطي ميكب هادي جداااااااااااااا
وخلي علي شفايفك ابتسامة هادي مش تحسسيه انك بتعلني عن معجون اسنان

وخليكي واثقه انك هتاخدي نصيبك في الوقت اللي ربنا حدده ليكي وهتجوزي الانسان اللي ربنا كاتبه ليكي من قبل ما تتولدي فمتتعبيش نفسك وتقولي اوف ضيعت فرصة من ايدي والكلام ده