زوجي التزم وهل صدق التزم

[فروووحه a]

السلام عليكم

بالبدايه حابه اقولكم ان
زوجي فجأه كذا التزم هوو قبل كان مايصلي في المسجد ومن بعد ماتطوع صار يصلي في المسجد ويحط جواله ع منبه صلاة الفجر في بداية التزامه كنت عند اهلي وكلمته عالواتس وحسيت اسلوبه متغير يعني مايتغزل فيني واذا قلت له ليه ماتقول لي احبك يقول احبك في الله انا صراحه خفت يصير فيه شي ان يفكر كثير يمكن في الدين
المهم صار له اسبوع من التزم
وثاني يوم في التزامه صار يقصر ثوبه
وكان يقرأ قران ومايمسك الجوال
حتى تصدقون ماكان يضحك
يعني صار هااااادي برياده
وخلال هذي اليومي لاحظت زوجي بالتدريج يرجع لوضعه قبل يعني يضحك ويتغزل فيني ومايقول لي احبك في الله يقول لي احبك مووت
وصلاة الفجر صار يصليها في البيت
وماصار يقرا قران
ولاحظت يسب الناس اللي يسوقون واحنا في في السياره
هو اول مالتزم ماكان يسب كان بس ساكت ويعطي للناس مجال تمشي قدامنا
وامس راح للحرم لان اتصل عليه واحد مطوع يوم عرف ان زوجي التزم قال هيا معنا في محاظره في الحرم وقبل لايروح زوجي حلق شنبه وطلع العقال وصار مؤدب شوي

تصدقون يوم حلق شنبه احسه معصب مدري يمكن عشان مو متعوده ع شكله حتى هو مستغرب شكلي وانا اطالع فيه
اصلا بصراحه انا يوم اشوف مطوع دايم احسه معصب كل واحد ونظرته
ومو متخيلته يربي دقنه ناقشته بموضوع انه مايربي دقنه انا مو ضد الالتزام بالعكس الله يثبته بس من قبل اذا كثر دقنه كنت اقوله حلق ويحلق عشاني مابالكمم اشوفه مربي دقنه
وقال لي لاتناقشيني بموضوع الدقن انا بربيه يعني بربيه
قلت طيب لاتناقشي بموضوع العبايه واللبس
قال عادي البسي قصير انا مو مانعك من هذا الشي حتى العبايه
لان لبسي كله قصير وبناطيل




ابي اعرف كيف بداية الالتزام وهل زوجي صدق ملتزم او لا مع اني حاسه انه بيرجع لوضعه قبل
ومو عارفه بالضبط
ومين تعرف احد كان كذا وبعدين رجع لوضعه
لحد يطنش حبايبي التفكير ذبحني

[فروووحه a]

ليه كذا محد يرد !

[فروووحه a]

مشاهدا وبدون ردود !!!
ليه دايم مواضيعي كذا ماتردون عليهاا
والله جد شي يزعل

[ام هشو]

ليش مستغربه
يمكن ربك هداه..
يكفيك اذا بيكون مطوع راح يحافظ على اهله وبيته
ان شاء الله كتب لك الخيره

[فروووحه a]

انا ماقلت شي بالعكس الله يثبت له بس خايفه يرجع لوضعه قبل

[أم أصيـــل]

(إنما الأعمال بالنيات ,ولكل إمرئ مانوى)
ويارب يلتزم ويكون من الصالحين المصلحين,,
الشي الثاني ساعدي زوجك على الإلتزام مو لا ماتربي
دقنك ومالك دخل بلبسي,,
لاتحطينه فذمتك ,,وإتقي الله فنفسك وفيه...

[الجوري ام عزوز]

فروحتي قلبي انتي
ليش تخافين انا اتمنى زوجي يلتزم بالدين
الدين شيء عظيم راحه للانسان والاستقرار


بحسب تجربتي مع اخوي اول ما التزم بعد وفاة ابوي الله يرحمه
عقدنا في كل شيء ما خذ الحياة جد في جد ما يمزح و لا يضحك
حياته كانه خاليه من شيء اسمه مشاعر
لكن بعد فترة بداء يحفظ القران الكريم ويقرا
تغير 180 درجه صار حبوب وطيوب يمزح معنا

الهدايه بيد رب العباد والحمد الله الله هداء زوجك
الله يهدينا جمعينا

فيه كلام حابه اقوله لك لكن خليه على الخاص اذا حابه

[حنين روحي]

بالعكس هذي بدايه حلو
يعني يمكن يلتزم ويرجع مره مرتين
وان شاء الله ربي يهديه ساعديه على كذا
يعني اذا يوم شفتيه مايصلي في السجد قوليله ليه متصلي لك اجر
ومن هل الكلام وحطي المنبه انتي وصحيه عشان يروح
وتربيت الدقن شي حلو والله له اجر يمكن بيترجع كذا مرره
بس بعدين ان شاء الله يثبته
الصراحه يحظك اذا عندك رجل كذا حتى لو فكر مجرد تفكير يالتزام
هذا شغله حلوه الحمد الله هذا دليل انه يخاف الله
والله يسعدك يارب ويخليك زوج ويثبته ان شااءالله

[نبع المحبة]

شيء طيب انه بلتزم بحافظ عليك وبعاملك بأخلاق الدين الحنيف

[جنوبية الهوى]

انما الاعمال بالنيات اختي

ولا تهدي من احببت ان الله يهدي من يشاء وليس يعني من يشاء الله متل ما في اعضاء مفكرين من يشاء العبد حين يرى الله ان هذا العبد نوى وشاء التوبة والالتزام يساعده بهذا الامر مش العكس لان ربي بدو ايانا جميعا ان ننهدى ارجو الانتباه الى تفسير ايات القران الصحيحة

ثانيا وهذا الاهم غاليتي ما هو الالنزام عندك؟؟؟الذقن العباءة الصلاة بالمساجد هذا هو الالتزام عندك اذا اللك بجبك بالله غير بحبك يعني الالتزام هو الالتزام بالقلب والجوارح الالتزام بالباطن وليس بالظاهر يعني ما بدو يصلي بالمسجد شجعيه على الصلاة بالبيت مين وين ما كان توصل الصلاة لرب العالمين وبرافو عليكي انتي دائما قلقلة متلي على زوجك احسنتي ودائما لا تنسيه بدعائك وانظري الى داخله قبل حارجه


اتمنى لكي ان تنالي كل ما تتمنيه