مشكلتين عند ولدي

[ام فآرس]

السلام عليكم

يابنات ولدي مضيق صدري مايرضع كويس
يعني بعمره المفروض بمقياس حليبه اللي هو ابتاميل يشرب 150 على 5 ملاعق ولدي ياناس والله مايشرب الا 60 ولو غصبته رجع كل اللي شرب
تعبت تعبت معه وسعت الحلمه سويت كل شي ومانفع
وكل من شافه قال ولدك نحيف ولدك ضعيف
تكفون دلوني شسوي
وياليت تنصحوني بفيتامين يقوي ولدي ويفتح شهيته

.........................


المشكله الثانيه هي بشرة ولدي تدهن مدري ليه والله اني امسح جبهته واشوف يدي كلها زيت وفيها حبوب حمر صغار مدري ليه


الله يعافيكم

[أم أصيـــل]

أول شي المقياس تبع ميلوبا مو ضروري تمشي عليه,,
أنا ولدي من بعد ماكمل أسبوع ماشاء الله صار يشرب 100 وشوي
بعدين بسم الله عليه لاحظت إنه يحب السوائل أكثر شي الماء والحليب,,
والحبوب الصغيرة يمكن تكون من المناديل المبللة إذا تستخدمي المعطر أتركيها
وعادي تكون بشرته دهنيه بهالفتره بس لاتبالغي فتنظيفه يصير له جفاف,,,,,,
غسلي شعره وجسمه بشامبو جونسون للشهر والجل شاور تبعه وخلاص,,,
الله يخليه لك ويحفظه..........

[moon light lady]

حبيبتي أم فارس ترى مو شرط تتبعي نفس مقاسات علبة الحليب كل طفل غير عن الثاني. أنا ولدي أول ماولد ماكان يشرب اكثر من 30ملل واذا كثرت يرجع زي ولدك بس وديته للدكتور قالي عادي وعطاني محلول الجلوكوز يفتح الشهيه وقالي ماأعطيه نفس تعليمات العبله بس زيدي اذا حسيتيه جوعان بعد فتره .
والحبوب الحمرا هذه من الحرارة ولدي نفس الشي مرات تطلعله في رقبته وجبهته فالتلي الدكتوره عادي. لان الاطفال كلهم بس يرضعوا يعرقوا ويحتروا والجو عندنا يساعد!

[أنثى برائحة الورد]

انا ولدي عمره 4شهور وتو اللي بدا يشرب 100 مل 4 ملاعق مو شرط تتبعي نفس التعليمات وبالنسبه للنحف اذا صار سنه سن اكل ابدئي اكليه وباذن الله راح يستصح اهم شي صحته تكون جيده الله يخليه لك .....

[ام فآرس]

الله يجزاكم خير

[{شجن}]

انا بنتي برضه تطلع لها الحبوب الصغيرة في وجهها صرت احط عليها فازلين وزادت قلت بشوف اذا ماراحت بوديها الطبيب صارت تروح وتجي اثاريها من الحرارة معلومه جميله جزاكم الله خير