الدكتورة بتولدني قيصرية ... طمنوني

[فجر الحب]

مرحبا كروشات
انا حامل بالشهر الثامن الحمدلله اول مرة اول الثامن
بنتي جبتها في السابع الله يحفظها عمرها ست سنوات بعملية قيصرية لأن البشيمة انفصلت وصادني نزيف
وحملتها بعدها وولد طبيعي بالسادس بس البيبي توفى .. وربي عوضني بهذا الحمل له الحمد والشكر
الحين بالثامن ودكتورتي تقول بتولدني قيصرية واسبابها :
- لأني ولدت قيصرية ببنتي
- ولأن البيبي أزيد من عمره بأسبوع
- ولأني عاملة ربط بهذا الحمل

تشوفون معاها حق ؟؟؟؟؟
انه خايفة مررررة وحابة يكون كلشي طبيعي
حتى اتعافى بسرعة وارجع لحياتي الطبيعية
ولأني مجربة القيصيرية واثرها

تكفون طمنوني ممكن كلامها غلط
الدكتورة شاطرة ومارحت لها إلا لما تأكدت انها تعرف تتصرف
بس محتارة

[chems doha]

الله يكون في عونك يا اختي. بس هدا الشئ ما فيه نقاش مدام قلتلك الطبيبة بدها تولدك قيصري لان اغلب الحالات اللي بتولد قيصري في الاول طول الحياة بيولد قيصري لان الاطباء بيخافو ليصيب المرأة اي خطر وهدا االلي صار لاختي ولدت ولدين ماشاء الله بالقيصري لان طبيبها خاف لا يكون مضاعفات في الولادة التانية بسبب القيصرية الاولى. والله اختي كلام الاطباء على الرأس والعين مدام قالتلك القيصري افضلك فاتبعي كلامها وفوضي امرك لله. كما يقول المتل اللهم السلامة ولا الندامة. صحيح راح تتعبي شوي من القيصري بعد الولادة ولكن لك فيه الاجر . الله يسرلك حبيبتبي

[نبعة الحب]

طبعا اني اشوف معاها حق حبيبتي

انا كنت مثلج بحملي الاول قالو ل الاطباء لازم نطلع الجنين وانا بشهري السابع ولازم عملية ورفضت كنت خايفة قالولي لو نولدج طبيعي يمكن تفقدي البيبي؟ صحيح تعبت واثرها موتني بس المهم نقذت ابني وطفلي الثاني نفس الحالة قالولي لازم قيصرية الطفل دقات قلبة ما تسمح ابدااااا ونفس الحالة قيثرية والم وتعب والان حملي راح اولد قيصري بدون نقاش حبيبتي الاطباء يعرفون حالتج والله اني اكثر وحدة تخاف من العملية وشهر اني اتالم وابجي بس شنسوي كلة بالاجر ان شاء الله

[ام مراوي]

انا ما اجوف معاها حق في السبب الاول لان اختي ولدت الاولى قيصيريه والثاني طبيعيه فعادي مو شرط وخصوصا انتي جبتي الثاني طبيعي موقيصريه والله يسهل عليك

[اسو]

الله يسهل عليج يارب

لا تخافين وتوكلي على الله

ويمكن الدكتورة شايفة حالتك ماتسمح تجيبين طبيعي

لان اغلب الي يولدون قيصري اول مرة يبقون يولدون قيصري

الله يفرحج بالنونو ويعطيكم ساعة السلامة

[ام نورهانه]

حبيبتي ربي يسهلج ويكتبلج الي فيه الخير واكيد الطبيبه ما قالت بتولدك الحين الا شافت من الضروري وكمان عشان سلامتك وسلامة البيبي توكلي على الله وربي يسهلك ان شاء الله

[Mamy Mirza]

ليش ما تسألي أطباء تانيين و تشوفي اش رأي الاغلب؟ عشان ترتاحي

[حيآتوو]

ابد مو صحيح صار لك الان من القيصرية الاولى 6 سنين!
امدى رحمك شفى شفاء تاما ونسى السالفه
مو سنه عشان يكون سبب!!
مو صحيح اذا ولادة قيصريه الباقي قيصريه
اذا ثنتين قصريه تكملين قيصريه
هذا واحد

السبب الثاني خربوطي بعد!
عادي يكون بالشهور الاخيره فرق سبوع واسبوعين بعد!
كم وزنه قالوا لك؟ وباي اسبوع انت؟

الثالث بعد .. ربط عنق الرحم؟
عادي الربط يفكونه اول التاسع وتصير طبيعي
::
كم سؤال لك .. عندك ضغط او سكر حمل؟
البييي كويس والسوائل كافيه؟

اببببد لاتستعجلين
خذي وقتك بالسؤال ولو خاص استشيري دكتوره من الحكومه افضل
والله يسهل عليك حبيبتي

[ρυяỉтч •]

يمكن وضع جنينك مايسمح بالولاده الطبيعيه ؟
لانهم ولدوك طبيعي بالطفل الثاني وكانو متاكدين انه متوفي فمو فارقه معاهم المضاعفات على البيبي
لكن الحين تفرق الطفل حي واكيد مايبون يدخلون بمضاعفات
يمكن جنينك مايستحمل لين توصلين التاسع ف هي تشوف افضل وقت لك وله وتدخل جراحيا ،
عموما استخيري وشوفي استشاره دكاتره ثانيين ربي يهونها عليك يارب

[ورودي البيضاء]

احنا ماعندنا علم بحالتك

وكل وحدة الله يسعدها بتقلك انا مذا وكذا ولا فلانة كذا وكذا وجارتي واختي و أمي

بس يا قلبي أدكتورة ادرى منا

الصراحة ماني مقتنعة مرة بالاسباب لكن ارجع اقول مقدر اقلك لا مامعاها حق ممكن فيه سيي ثاني او هي شايفة اشياء ماذكرتها لك او مافهمتيها أو أي سبب ...

انتي ممكن تروحي تاخدي كم استشارة من كم دكتور ...

مجرد زيارة وسونار و تحكيله الوضع وتشوفي رأيها وتخرجي

كذا تتأكدي دكتورتك صح أو لا