آلتمريخ , تحآميل آلممرخات , آلدوره بحح ؟!!

[قوتشي]

××



صبآح / مسآ آلخيرآت


حبايبي رح آدخل بالموضوع دغري :

آنا يَ حلوآت جات دورتي يوم الخميس الي طآف نسيت التآريخ بس قبل اليوم الوطني ب 3 أيام طبعا تأخرت علي شهرين وقبل مآ تجيني بأسبوع رحت لمستوصف خاص وسويت كشف وسونار مهبلي قالت لي الدكتوره مافيه حمل وطلع بالشاشه شي طولي صغير أبيض شفاف مدري شلون اوصف لكم بس قالت هذا مادري ايش هوه وورتني البويضات وقاستها بس ماقالت لي كم مقاسها ونسيت أسألها بس لما خلصت سألتها البويضات صغيره قالت آآه جدا صغيره راح أعطيك حبوب تنزل الدوره وتعاليني من ثاني يوم دوره نتابع سوا , المهم حبيباتي رجعت البيت ودخلت الحمام اعزكم الله ومسحت بالمنديل طلع دم خفيف حسبتها دوره بس قلت يمكن لأنها دخلت السونار جوا بعد كذا وقف وأساسا لاحظت حتى الدوره الي قبلها لما امسح بالمنديل قبل موعد الدوره احس فيه لون احمر بالمنديل دم خفييييييف أحسبها دوره ويطلع لا مو دوره للعلم ان دورتي تجي ثم تنقطع شهر أو شهرين ماتجيني وكل مره أحسب اني حامل !! المهم استخدمت الحبوب وبعد حوالي 4 أيام نزلت الدوره الخميس مثل ماذكرت سابقا ومن كثر ما أقرأ وأسمع عن التمريخ والممرخات قلت ليش ما أجرب ممرخة شاطره بالمنطقة الي أنا فيها يمكن ارتاح من هالمستشفيات وانا مو في حاجتها قلت يمكن الدعوه رحم مايل شي من هالقبيل يتعدل وربي يكرمني بالولد الصالح المعافى المهم أخذت رقم ممرخات كثر ودقيت على وحده من شهرين وعدتها اروح لها لما تجيني الدوره وكانت هي بديرتها فانتظرت للدوره الجايه وكلمتها وتذكرتني وقلت لها شهرين انتظرت الدوره بعد آخر دوره وحسبته حمل بس ربي ماكتب حمل وأبيكي تمرخيني اتفقنا ع الموعد والسعر 150 ريال كل جلسة ب 50 مدة ثلاث أيام من ثاني يوم دوره سلمكم الله نمت وصحيت من صباح الله خير وأروح للحي الي هي فيه وأدق عليها توصفني الباب ماترد مغلق جوالها 3 مرات ما ردت فتحت النت بالجوال ولقيت وحده تسأل عن الممرخة الفلانيه بالحي الفلاني الي كنت انا واقفه عنده عاد رحت دقيت ع بيت عشوائي وطلعت صاحبة البيت ماقصرت قالت ايه معروفة وصفتني هي وسبحان الله الي دلني ع هالممرخة وانا ماكنت ناويتها ولا أعرفها متفقه لي شهرين مع الثانيه بس لعله خير وخيره من الله سبحانه وتعالى عاد أدق الباب الا ولدها يفتح لي ويقول تفضلي ع الباب الثاني ودخلت الا وتكشف علي وتسمي وتذكر الله قلت لها حالتي وقلت أن الدكتوره تقول ان البويضات عندي حجمها صغير مره قالت ماعليتس يابنيتي من كلام الدكاتره وتكشف علي وتقول سلمك الله التبويض عندك مره ضعيف ورحمك فوق يمكن انك شهقتي بقوه وارتفع فوق بعدها اتفقت معاي تقول انا واضحة مع زبايني من البداية ولك الخيار بعد ما تشاورين نفسك وزوجك وقالت لي أمرخك 3 ايام ب 3000 ريال مع عرض لو ماكتب الله حمل هالشهر لك شهرين مجانا امرخك لين ربي يكرمك عاد بغيت أهون رحت السياره شاورت زوجي قال خلاص ارجعي لها تمرخك الفلوس جاهزه بس أهم شي شغلها أوكي وتحسينها أمينه قلت الصراحة ارتحت لها بعدين هي قالت لي ان عندها دفتر كل الي مرختهم مسجلين اسماءهم وكل وحده حملت مكتوب جنب اسمها مبروك انا بنفسي تصفحتها ماشاءالله لاقوة الا بالله كثااااار الي مكتوب مبروك جنب اسمهم رجعت لها وقلت عالجيني عسى ربي يطرح بيدينك البركه زي ماجيت لك صدفة سوت لي كاسات هوا ببطني وظهري ودهنتني بزيت وعطتني أول يوم رحت لها نقوعه أشربها مرتين يوميا مدة 7 أيام وشاي الدوره أشربها مدة 4 ايام وتحاميل 6 حبات مدري شنو مكوناتها بس تقولي حطيها بالليل قبل تنامين كل يوم حبة اذا شميتيها عقب 4 ساعات لأنها تفوح جوا جسمك هذا يعني انه ماعندك سدد المهم حطيتها كنت متوتره اول مره احط تحاميل بالمهبل وما اعرف الى وين اوصلها ياليت تفيدوني على طول أي اصبع ومعليش ع التعبير بس لأزم توضحون لي لأني حطيته وتوهمت أني شميت ريحته وانا توي بنام بس مادري وكل يوم احط أبي أشم ريخته بس مدري أحس اني أتوهم شمته ولا لا وهل ريحته تكون قوية أو لا , المهم رحت لها سألتني قلت لها بهالعباره شميته تقريبا توهمت اني شميته قالت الحمدلله وكملت مرختني مره ثانيه وكاسات هوا وعطتني شي أشربه مع الحليب لونه أخضر مدة 7 أيام مع شي لونه بني 10 ايام أخلطها من ذا ملعقه ومن ذا ملعقه صغيره طبعا ريحته زي العيش الي يسوونه أهل الجنوب تقول أشربه صبح وظهر وليل مع اني الصبح اكون نايمه يعني ألحق اشربه بس مرتين يوميا مقدار كوبين كبار الظهر وكوبين كبار الليل ماقالت لي اسمه المعالجة المهم وقالت لي يمكن تحتاجين يوم رابع تجيني لأن عندك أحس البطانه سميكه قلت الله يعين بدايتها ضعف وتاليها بطانه سميكه ورحم مرتفع فوق الله المستعان سهلات ان شاءالله وجيتها ثالث يوم مرختني وقالت لي الجماع يكون بالطريقة الفرنسية ونامي على جنبك اليسار وعطتني علبة فيها خلطة زي العسل المخلوط اممم شلون أوصفه زي الكراميل لونه وتجانسه بس طعمه مر تقول كل يوم كلي منه ملعقه كبيره الصباح لين الشهر الجاي يا انك تبشريني بحملك ونكتب جنب اسمك مبروك يااااارب أو ان الدوره تجيني وأروح لها مره ثانيه تمرخني وعطتني تحاميل نوع ثاني 6 حبات تقول استخدميه قبل النوم هذا ينزل كل شي وسخ برحمك اذا عندك تكيس ينزل وزي كذا يعني ... قلت لها أجيك بكرا كمان يصادف رابع يوم قالت لا خلاص مو لازم استمري ع الأدويه وربي يرزقني يااااارب تقول لأنه كثرة التمريخ مو زين والله لو اني أمرخ حديد انه يذوب هههههههههههه مع انها قالت بطانة رحمي سميكة ويمكن احتاج تمريخ رابع بس عسى يكون خف ولا شي هي أدرى ...

المووهييم خواتي سآمحوني طولت عليكم بس انتوا خواتي أبيكم تطمنوني وقولوا لي صح الي أنا سويته ؟؟؟؟! والأدوية والأعشاب هذي ما منها ضرر بإذن الله وهل الحليب أتقيد فيه 3 مرات يوميا لأني أشربه بس مرتين زي ماذكرت ؟؟؟؟! للعلم أيضا إن دورتي من أول يوم مرختني بح بح ناااااااااشفه مافيني شي ما أدري عشان التمريخ عادي يوقف أحد سار له كيذا لأنو قلت للمرخة يوم سألتني ثاني يوم نزل شي قلت لها لا مافي شي حتى الدوره وقفت قالت عادي شهر ينزل غزير وشهر قليل مره قلت لها بس انا مره مافي شي وقف بعد التمريخ !! وبطني من أول منفوخ طبيعي كأني حامل بالرابع من كم شهر ؟؟؟؟؟!
مع انه مفروض ينزل مع التحاميل الثانية الغامقه صح لأنها تقول ينزل الوساخة ولا هذا يعني الحمدالله مافي رحمي شي بس آلتحاميل وحدها تنزل في الفوطه بلون بيج بدون دم وهل لو فيه سدد ينزله وهل تنشط المبايض والبويضات بإذن الله هذي التحاميل ؟؟؟؟ والي عرفت أدويتها هل تعمل على تنشيط المباييض وإزالة البطانه الي تقول عنها بس أنا خايفة من موضوع السدد هل تتوقعون أنها بتمريخها هذا لو فيه سدد رح ينزل اان شاءالله ولا لازم طريقة معينه لتمريخ السدد ؟؟!!
ومدري هل أصلي أعتبر طهرت ولا أستنى لين ينتهي ميعادها الأصلي لأن دورتي ناشفة وهي بالأساس 8 أيام !!!!!!!!

تكفووووووووووووون فيدوني مآلي أحد غيركم
جعل اليد اليي تجاوبنيي ماااا تمسها النار
ودعواتكم لي بالذرية المعافاه ..

تححيآتي آلمعطره

[سمر قمر]

شوفي حبيبتي أنا رحت لممرخه بس ماعطتني تحميل والله أنا أخاف منها أيش يعرفني أيش هذي الأعشاب اللي خلطتها مع بعض
يمكن جسمي ما يتقبلها المهم أنا برضو لما رحت اللممرخه مانزلت الدوره اللي قليل
بس ماصار حمل ربي اللي يرزق بس كان عندي ميله بالرحم
يوه صح نسيت أقولك أعطتني عسل سدر و كمان زبيب اصفر مطحون
رحت من شهر7 والحين إحنا شهر11ويارب أكون حامل أنا وكل البنات المنتظرات الحمل

[ابتسامه رغم الالم]

ان شاء الله خير انتي كملي معاها العلاج دامك بديتي عشان مايصير لك مضاعفات

واصبري الشهر هذا واذا ماجاتك الدوره روحي المستشفى وياااااااااااااارب يرزقك وكل محروم

[ادمنتك وربك]

المشاركة الأصلية كتبت بواسطة ابتسامه رغم الالم

ان شاء الله خير انتي كملي معاها العلاج دامك بديتي عشان مايصير لك مضاعفات

واصبري الشهر هذا واذا ماجاتك الدوره روحي المستشفى وياااااااااااااارب يرزقك وكل محروم

انا مع كلام اختي إبتسامه رغم الالم كلامها عين العقل

[المتأمله خير]

والله قرأت موضوعك كامل وبالحرف لعلي الاقي شي ممكن افيدك فيه بس في اشياء ما لها جواب عندي الا

انه ممكن ما نزل اوساخ احتمال انه رحمك نظيف

ويااااااااااارب بعد هالتمريخ تحملي مباااااااشره

وملاحظه انسخي موضوعك وحطيه بموضوع خبيرة تمريخ بالمثبت فووق لانه ماشاء الله عندها درايه واجوبتها مقنعه

مووووفقه

["ام تولين"]

الله يرزقك حبيبتي

بسس اتوقع ترسلينه لخبيرة التمريخ بالمنتدى وربي يطرح فيك البركةة

[LOUBI]

أولا أسأل الله العظيم رب العرش العظيم ان يشفيك و يمن عليك بالولد الصالح
اما عن الصلاة فما هو متفق عليه هو ان تنتظر المرأة حتى انتهاء مدة الحيض عندها و بعدها تصلي ، يعني اذا كان في العادة تجيك الدورة 8 ايام لازم حتى تمر هذه الثمانية ايام و بعدين تطهري للصلاة ، و كل ما ينزل عليك بعد مدة ايام الحيض المتعودة عليها يعني 8 ايام فهو ليس بدم حيض و لا تترك الصلاة من اجله و الله اعلى و اعلم
اما بالنسبة السدد فهل تقصدين انسداد الانابيب ؟ فهذا الامر يتم تشخيصه عن طريق اشعة الصبغة ، فكيف تعالجين شيئا و انت لم تعملي هذه الاشعة ؟ و لا تعلمين هل عندك انسداد او لا ،
انا صراحة لا انصحك بتخلاط هذه العقاقير حتى تشخصي اولا ما بك من علل
و الله يسهل عليك امر شفائك بإذنه تعالى .

[حفيدة الامير]

الله يرزقك الذريه الصالحه عاجلا غير اجلا

[سيدة العمر]

بما انك بديتى معاها امشي ع كلامها وان شالله تبشرينا بحمل... هيا اكثر وادرى واحدة فينا.. مهما شرحتى وحكينى مش حنفهم لاننا لا ندرى ماهي مكونات التحاميل والخلطات اللى ادتك اياهم

[اجمل احساس1]

الله يرزقك ويرزقني بالذريه الصالحه عاجلا غير اجلا يارب العالمين🌹