اهلين حبيباتي سمعت عن الابر التفجيرية اردت ان ابحث عنها فوجدت كل شيء حتى وقت اجراء اختبار الحمل
فقلت هيا نستفيد و تعم الفائدة و المعلومة
ملف شاااامل عن الابرة التفجيرية :
السلام عليكم ….
مرحبا صبايا
لاحظت كثير من البنات يسألون عن الابرة التفجيرية
وش هي ؟ … وش فايدتها ؟ …. متى نا خذها ؟ … وش عملها ؟…. وغيره
… فحبيت ابحث عنها واجمع المعلومات
بسم الله نبدأ
تعريف طبي ...
" HCG injection "
هي إبرة hCG ويطلق عليها بين العامة الإبرة التفجيرية …
لأنها تساعد على نضوج البويضة حتى يصل الجريب إلى مرحلة الانفجار وإطلاق البويضة
وينصح بالاتصال بين الزوجين بعد 36 ـ 40 ساعة من إبرة hCG.
الحين راح ابدأ بشرحي المتواضع :
وش هي هالابرة ؟
من بعد بحثي عن الابرة … وجدت انها من اسمها راح يكون عملها ،
فهي ابرة تفجيرية … يعني اكيد انها بتفجّر شي
بس السؤال الي يسدح نفسه …وش تفجر ؟!!!
فعرفت انها تفجر الغطاء الي حول البويضه " الحويصلة "…
يعني كأنها تفتح باب صغير في هالغطاء الي يحاوط البويضه
وبكذا تسمح للبويضه بانها تخرج منه وتروح لقناة فالوب ،
وهذا اليوم الي يصير فيه هالحدث هو يوم " التبويض "
فنلاحظ ان عمل هالابرة يساعد بشكل كبيييييير على الاباضة .
شلون تجي لابرة … وشلون شكلها ؟
هالابرة عبارة عن هرمون مشابه لهرمون الحمل HCG
وهي عبارة عن ابرة مكونة من بودرة وماء … و تؤخذ في العضل
وتختلف في قوتها ….
ممكن تآخذي جرعة قوتها 5000
أو قوتها 10000
choriomon 5000 iu
ولها اسماء تجارية مختلفة …
كوريومون chorimon
ميونوجون meonogon
طيب متى احتاجها أو آخذها ؟
عادة البنات الي تأخر عندها الحمل او عندها ضعف في التبويض
ينصحها الدكتور انها تآخذ كلوميد أو ابر منشطة لتقوية التبويض
علشان تحفز المبيض على انتاج بويضات أكثر
وبعد علشان تكبر هالبويضات وتوصل لحجم مناسب للحمل ،
و يفترض ان يكون الحجم المناسب للبويضة من 18 الى 20
لييييه ؟ لأن الابرة راح تكبر البويضات 2 ملم قبل ما تفجرها
يعني لو كان مقاس البويضة 19 حتكبر الى 21 وبعدين تفجرها و هكذا ،
فتروحي للدكتور يتابع كبر حجم البويضة بالسونار ولما توصل حوالي 18 ملم
يعطيكي الابرة التفجيرية عشان البويضة تطلع من المبيض
و بعدها يحدد لك الوقت المناسب للقا ء
متي الوقت الي تحدث فيه الاباضة بعد أخذ الابرة؟
يختلف الوقت من جسم الى جسم و ايضا على حسب قوة الابرة
فالغالب تنفجر البويضة خلال 36 من اخذ الابرة
لذلك ينصح الاطباء باللقاء بعد هذا الوقت
أو بت. اللقاء خلال هالوقت ، يوم ايه و يوم لأ للي تبي الحمل دون تحديد الجنس
لان انفجار البويضة ممكن يحصل في اي ساعة خلال هالوقت ،
اما الي تبي ان يكون الجنين ولد بعد اذن الله فالافضل لها انها تتابع بالسونار بعد
اخذ الابرة التفجيرية و لا يتم اللقاء حتى تتأكد من انطلاق البويضة …
وتكون المتابعة بانها بعد 12 ساعة من أخذ الابرة تسوي سونار
واذا لم تنزل البويضة تسوي سونار ثاني بعد 24 ساعة
واذا لم تنزل البويضة تسوي بعد 36 ساعة …
وهذا الوقت في الغالب يفترض فيه ان البويضة خلاص قد انطلقت و نزلت لقناة فالوب
و بعدها يكون اللقاء
طيب السؤال المهم الي معذب البنات …
متى اسوي تحليل حمل بعد الإبرة ؟
تحليل الحمل لاااااازم يكون بعد 14 يوم من أخذ الابرة
ليييييييييه ؟ لأننا مثل ما قلنا … في الابرة هرمون مشابه لهرمون الحمل
يعني لو حللتي بعد اسبوع من اخذ الابرة ولا سمح الله كان مافيه حمل
راح يطلع لك نتيجة ايجابية يعني حمل بالرغم من عدم وجوده
لذلك الأفضل الصبر ثم الصبر … وبعد 14 يوم يا انك تحللين :
أو ان الدورة راح تنزل عليكي من نفسها
هذي معلوماتي المحدودة … والله أعلم
منقوووووووووول
اللهم ارزقنا الحمل السليم المعافى
09-28-2012, 11:09 AM
لكل من تسال عن الابر التفجيرية تدخل
أم هبة الرحمان 
رد: لكل من تسال عن الابر التفجيرية تدخل
يارب يارب اطعمني بحمل كامل الخلق والصحه تكفون من طاح عينه على توقيعي يدعيلي 
جديد منتدى منتدى علاج العقم و تأخر الحمل
العرض المتطور
