تجمع بنات البحرين .. تجهيزاتكم للبيبي !

[مخاوية الهم]

سلام عليكم ..

حبيت اسوي تجمع لـ بنات البحرين

كل وحدة تخبرنا عن تجهيزاتها للبيبي الجديد .. من ثياب و ادوات نظافة حتى ضيافة المستشفى و التوزيعات و اغراض النفاس ..

عشان نستفيد ونعرف المحلات و الأسعار ..

يمكن هالموضوع بفيد البكريات أكثر !!




..


أبي تفاعل حلو للموضوع عشان أبتدي


مع السلامة

[وميض النجوم]

السلام عليكم .. موضوعك حلو ومفيد جداً لكن لو انك خليتيه عام مو بس للبنات البحرين أفضل عشان الكل يشارك

وانا الحين والده من اكثر من اسبوعين تقريباً

وهاذي الاشياء الي احتجتها

8 بربتوزات

6 حبات مشَبك شريت لي كيستين وكل كيس فيه 3 حبات تجي مع بعض

انا مادري شنو يسمونه لكن انا اسميه مشبك



واحد نيو بورن وواحد 0-3 الي 0-3 مااستخدمته حاليا للبيبي لانها صغنونه شوي فكبير عليها

6 اثواب مافي مقاس محدد

2 مدس

2 طقم شراب

3 قبعات

3 بطانيات

8 مهادات

وبالنسبة لأغراض الصيدلية ..

شامبو سيباميد

زيت سيباميد
صابون سائل سيباميد

2 حفاظات بامبرز

4 مراضع بيجون

2 مصاصة إيفنت

2 منديل للحفاظه جونسون

طبعا سيباميد احسن من جونسون بكثييير

طقم مقص اظافر

2 فوط للبيبي

طبعا بالنسبة لي فوطتين للبيبي ماتكفي لان وحده يبول عليها ( اكرمكم الله) والثانيه تكون في الغسيل ..

الأفضل 3

ومسحة طبيه للسره

مشط للبيبي

وهذا تقريبا الي تحتاجونه للبيبي ..

[مخاوية الهم]

فديييييييييييتج حبيبتي ماقصرتي ..

انا قلت البحرين عشان يدلونه المحلات .. اما التجمع حق كل الكل !!

حياكم الله ..




انا خلصت ثياب البيبي ..
و ادوات النظافة هالمرة شريت بيجون بجربه .. سمعت عليه مدح وايد ..

ولدي استخدمت له جونسون ما ناسبه و بعدها استخدمت له سيباميد ممتاز .. و الحين عمره سنة و شهرين و الحمدلله خفت الأكزيما عنه و استخدم له اي شي عادي !

و عندي سريرين لولدي الحمدلله .. بحكم إني ولدت عليه بسرعة مسكين
و عندي ستاند السبوح بالحمام .. وايد وايد زين و مفيد و مريح للأم و الطفل و أنصح الكل يستخدمه لأنج بتستهلكينه وايد

انا للحين آسبح فيه ولدي .. و آبدله فيه و حاطه حفاظاته و ادوات السباحة كلهم فيه ..

و هذي صورته



مثل هذا تقريبا و تحطينه بالحمام .. و فيه مثله تحت خشب و تقدرين تحطينه بالغرفة .. بس مو عملي كثر هذا .. لأن بلاستيك ومايخترب بالماي ..


وخذيت له فراشين .. واحد مع الطقم و السرير و الثاني للمستشفى فراش + مهاد + قبعة + برنوص .. مطرز عليهم أسمها ..


و بعد يبقى لي فراش أخير

لأن بولدي سويت 3 و ماكفوني .. لأن كان يوصخهم .. يبول عليهم الله يعزكم او يرجع .. فأتوهق

هالمره قلت باخذ 3 لما ينقصوني باخذ زيادة بعدين ..

[فديت قلبه]

موضوع حلو اتمنى اللي عندهم خبره يفيدووونا

انا بكريه ماقدر افيد حاليا

بس انا اخذت من كارترز ثياب للبيبي وادوات النظافه اختي قالت لي سيباميد وايد زين او qv وفدتوني في سالفه فراش البيبي انا على بالي 1 يكفي الحين لازم اجووف لي غيره بعد

واخذت فوط 3 كبار و3 صغار لاني اكيد بيتوصخون ولازم يكون عندي بديل لهم

بس عندي سؤال شنو احسن نوع معقم مراضيع؟؟؟

لان مدحو لي تومي تبي بس مخلص فالبحرين ورحت السعوديه بعد مافي وين احصله؟؟؟؟

[مـثـل الـقـمـر]

تسلمين حبيبتي على هالموضوع المفيد وعساكم عالقوه يارب وربي يسهل على حواملنا ويقومهم بالسلامه ويرزق كل منتظره يالله ياكريم

بسم الله الرحمن الرحيم

تجهيزي لبنوتتي من الالف الى الياء :)

شريت سرير 90 ريال سلة موسى حق الاربعين وكنت متعمده ابيه بدون ستاند عشان لو قعدت عالارض في الصاله او الغرفه او امي نايمه عالمرتبه جمب النونو :) ومره مره نفعني وامي شرت سرير الشنطه لبيتهم احتياط

شريت سرير وحباسه من 0-2 سنه وفيه دروج وفيه لعبه ب400 وخليته في غرفة الخدامه

شريت سرير ب450 يكفي لسنه وفيه ستاره ومخدات وشكله جدا انيق وحطيته في غرفتي

كثرت اسرة بس كلها والله نفعتني مرررره واستخدمها كثير عندي وعند الخدامه وعند اهلي

كرسي هزاز ب109 وفيه العاب من وزن 0-9 كيلو مره نفعتني بنتي تجلس واحركه فيها وتاكل فيه وتلعب :)

شنطتين للبيبي وحده منهم كبيره مره للطلعات عند اهلي والرحلات الطويله نايلون وتكفي ملابس وعلبة الحليب الكبيره والحوسه

ترمس للمويه الحاره ماركة السيف

4 رضاعات زجاج ماركة giggleمره روعه استخدامهم 2 صغير 2 وسط

مقسم الحليب

حلمات من 0-3 شهور

2 مناشف كبيره مع غطا للراس 2 مناشف صغيره للتمسيح بعد تغيير الحفاظ ووحده للوجه

9 كوافل بعضها بشكشك جاهزة للف

5 مدسات منوعه للبيت والخروج

ملابس نيوبورن بربتوزات وثياب نوم وفساتين قطن ومن0-3 وفنايل داخليه وفساتين وقبعات وقفازات وشرابات

مشمع لتبديل الحفاظ
حفاظات بامبرز عناية مميزه
حليب رونالاك بعد ماطلعت من المستشفى شريته

دولاب 3 ابواب وتعليق ودروج + دروج 4 ادوار


طقم استحمام سيباميد

اكياس لرمي الحفاظات المتسخه

طقم مقص اظافر مع مكبر + مبرد+مقص

مشط طقم فرشاه ومشط اسنان

شفاط الانف

بانيو مع ستاند ماتتخيلو قد ايش ريحني وريح ظهري :)

كرسي الاستحمام

اسفنجة + مخدة الرضاعه + غطا للرضاعه + شفاط جونيور اليدوي

صابون لغسيل ملابس النونو

سلة لملابس النونو المتسخه

سلة لحفاظات النونو والبودره

زيت الاطفال لوشن للاطفال . عطر مسك خفيف

فرشاة تنظيف الرضاعات + سائل تعقيم الرضاعات

2 بطانية

مريلات وفوط صغيره

مسحات كحول + بودرة السر

كريم لتبديل الحفاض

مناديل مبلله للتنظيف

ستاند لتعليق الرضاعات وتنشيفها بعد الغسيل

وشريت لي حمالات صدر للرضاعه وفادتني والله لان قياسي تغير ومره مريحه

فوط استخدام مره وحده للصدر

فوط صحيه

كريم تشققات البطن
بيتادين لتنظيف الجرح لاني قيصري ولصقات لحماية الجرح نايلون ومطهر ديتول

ملابس داخليه استخدام واحد

بيجامات وقمصان نوم ورضاعه

التوزيعات اخوي جاب لي 3 كيلو شوكلاته من باتشي وسعد الدين وشوكولاين وستاند توزيعات من زوجي فيها شوكلاتات واشكال حلوه للاطفال وعصيرات ومكسرات وبيتي فور وكيكات صغيره

ويعطيك العافيه اختي على هالموضوع ولو ذكرت شي بضيفه هنا :)

[مـثـل الـقـمـر]

اغراضي من لاسنزا ونعومي والاسواق المتنقله ومذركير البحرين
اغراض الصيدليه من النهدي والدواء
اغراض بنتي من سنتربوينت ومذركير وتاب الويا وكارتر
التجهيزات والضيافه من شوكولاين وسعد الدين وباتشي
غرفة النفاس من معرض القصور في الجبيل
مفرش نفاسي هديه من اخوي ماعرفت من وين

كل اغراضي من الجبيل ومن الظهران مول

[sweet_baby]

تحبين يكون طفلج مميز

تتوفر لدي اجمل وارقى المهادات للتواصل عن طريق الواتس اب او الاتصال على +973(34464426)

[مخاوية الهم]

فديت قلبه

حبيبتي ما أنصحج أبدااااا بالمعقم .. خذيته حق ولدي البجر .. و قطيته كلش ماحسه يعقم ولا حاجة

احسن شي اسويه حاليا .. احط ماي في الكتل .. واخليه يطبخ

و اصبه في الرضاعة و اشيل الحلمة و احطها مقلوبة و اصكها بالبلاستيك مالتها .. و اغطيها

اخليها 5 دقايق تقريبا و بس ..

و نصيحة لا تسكرون الرضاعات عقب ما تغسلونها لأن اتطلع ريحة خصوصا اذا كانت بلاستيك مو جزاز ..!!

مثل القمر

تجهيزاتج كاملة ما شاء الله .. و كل شي مفيد و ينفع !
عليج بألف عافية وتتربى/يتربى بعزكم انتي و وابوه يارب ..


sweet baby

ربي يرزقج ويزيدج .. و ان شاء الله البنات اللي يدورون اشياء مميزة يستفيدون

[مخاوية الهم]

!!!!!!!!!!!!!!!!!!!!!!!!!!!!!!!!!!


وينكم ؟؟؟؟؟؟؟؟؟؟؟؟؟؟؟؟؟؟؟

[مـثـل الـقـمـر]

:(


..........................................