بنات شو رايكم بدي اعيد العملية مرة ثانية انصحوني بليز

[الكنار الحزين]

سلام بنات كيفكم
من فترة عملت عملية انابيب بشهر نيسان و فشلت و تعبت نفسيتي كثيييير بعدها بس هلا حاسة حالي متشجعة اني اعيدها خاصة انه زوجي يلح علي بالحمل حتى لو بالزراعة كمان مرة ما عنده مشكلة و بنفكر نعيدها ياريت تنصحوني اعيدها و لا استنى شوي بلكي زبطت لحالها علما انه فحوصاتنا جميعها سليمة و ما في سبب يؤخر الحمل و عندي بنتين الحمد لله الكبيرة 8 سنوات و الصغيرة 5 سنوات و و حملت بينهم بنت بس ما كمل الحمل على الشهر الخامس مات الجنين ببطني و الان الي خمس سنوات ما حملت
شو تنصحوني والمجربة العملية الثانية تحكيلي تجربتها و اعيد الفحوصات كلها ولا ما في ضرورة احكولي كل اشي بساعدني بليز و مشكورات يارب يرزقنا كلنا الذرية الصالحة

[لؤلؤة السعاده]

طالما انك متشجعه اتكلي على رب العالمين وسويها ❤❤
الله يبلغك الذرية الصالحه ياربْ 🌹

[زهرة النرد]

جسمك ارتاح من اخر عملية واذا كنت مستعدة نفسيا فتوكلي على الله وربي يكتبلك الحمل يا رب
بس اذا كانت فحوصاتك وفحوصات زوجك سليمة اتمنى انك تعملي شوربة كوارع او كسور حسب بلدك شو بتسميها يعني شوربة عظام رجل الخروف وتشربي كاستين واحدة الصبح والثانية بالليل انتي وزوجك لان فيها نسبة كالسيوم عالية وفي كثير عملوها وحملو وخصوصا انتي فحوصاتك سليمة وربنا رزقك ببنوتين طبيعي من غير مشاكل وحتى لو ما صار حمل هي بتفيدك وتقوي البويضات عندك
ربي يفرحك يا رب وكل المنتظرات
دعواتك حبيبتي

[ابتسامه رغم الالم]

حبيبي توكلي على الله حبيبي واعملي العمليه ان شاء الله حملي يااارب

[بغداديه]

توكلي على الله حبيبتي

[الكنار الحزين]

شكرا كثييييييييييير للي كتبولي و الله يجزيكم الخير و يبلغكم الذرية الصالحة يارب و ما يحرم حدا من الاطفال امين و بالنسبة لشوربة الكوارع يسلموا على الوصفة حبيبتي وان شاء الله اذا عملتها بحكيلكم اخباري اول باول و انتو كمان الله يعطيكم و ما يحرمكم حبيباتي

[بيـــآض]

حبيبتي : اذا نفسسيتك اوكي ومتحمسه سويتها والله كريمم ..

[سيدة العمر]

اكيد اكيد يابنتى بشجعك تعمليها وما تنتظرى ولا دقيقه
مدام زوججك حابب ووضعكم المالى يسمع نصيحتى لا تضيعي وقتك واتوكلى على الله....
انا حموت واعملها
الله يتمملك ع خير واكيد المرة التانية بتكون اسهل واخف

[الكنار الحزين]

حبيت احكيلكم اني بعمل فحوصات جديدة و شاملة من جديد عشان اضل متابعة الوضع الصحي و لسة النتيجة ما طلعت بدها كمان كم يوم ان شاء الله بطمنكم بس خايفة شوية من وزني عشان زاد بعد العملية الاولى و خايفة يضل متراكم الوزن نزلت لحد الان 6 كغم بس لسة حابة انزل وزني كله للطبيعي عشان ما يضل متراكم لانه الهرمونات تسمن صح كلامي ولا لا؟ مو حابة اعمل روجيم لاني بدي اكل اكل صحي يارب يساعدنا احكولي كيف انزله بطريقة سهلة بدون رجيم لاني بمارس تمارين رياضية بس نزول الوزن بطيئ