نثرت قصتي لكم اتمنى انا تفيدوني ولاتبخلون علي

[حبي له آتعبني]

السلام عليكم ورحمه الله وبركاته

بقولكم مشكلتي وببداء من بدايه زواجي
انا متزوجه مالي الا سنتين وعشره شهور
بدايه زواجي بأربعه شهور انسجن زوجي
وجلس مده 11شهر تقريبآ وكنت وقتها حامل وطلع بعدها
تحملت هالشيء ووقفت معه مع اني كنت محتاجه له
وقتها بس صبرت وقلت الله بيفرجها وعلى فكره انا بعيده عن اهلي
ومنقطه زوجي بس اهله الي موجودين مالي احد هناك من بعد الله غيره توقعت بيعوضني عن بعدي لاهلي بس للاسف
المهم انا موب في بيت لحالي ساكنه مع اهلي زوجي بس غرفه ودوره مياه وانتوا بكرامه وعلى ذالك ماسلمت من الكلام والاسلوب ومضايقات صبرت وتحملت كله عشانه وانا قلت له هالشيء بس ما قدر كل الي سويته له والحين كل ماقلت ودني لاهلي ابي اشوفهم يرفض احيان واحيان لازم هواش ويقول انا مو ملزم اوديكك كل شهر غيرك يجلس سنين عن اهله شهور مع العلم يابنات اني من اروح هنالك لا اطلع ولا يطلعني ويرفض اروح غير اهله ولا تتعرفين على احد ولاشيء وتحملت بس الحين المشكله انا طبعآ تعيدت عيد الفطر عنده مارحت لاهلي يوم جلست اسبوع بعد العيد قلت بروح اتعيد عند اهلي عاد بشوفهم رفض وقال مافيه وقلت بروح انا قال خلي بنتي وروحي براحتك المهم كلمت ابوي يكلمه الوضع ماعاد يتحمل كلمه ابوي يتفاهم معه وعلى اساس يجبني قال دوامي وكذا قال ابوي انا بجي اخذها وافق على روحتي بس ابوي قالي اذا جاء الاسبوع الي بعده وقال روحي معي روحي معه قلت خلاص جاء اهو بس ما دق علي ولاشيء مع االعلم اني مسافره وكذا وتفاجئت باخته تكلمني اقرب وحده لي فيهم تقول انتي زعلانه قلت ليه وش صاير قالت اخوي يقول اننك ماخذه اغراضك ماخليتي شيء في الغرفه قلت والله ماخذت شيء وروحي شوفي اع
غراضي اذا ماخذتها كلها طبعآ راح وقال لهم اني بتزوج وممدري وشو يهدد اذا ماجيت قلت لاخته قولي له اني ماراح ارجع الا ببيت لي خاص وانا من يومها ماكلمته ولا رسلت له رساله وتخيلوا اذا جاء يشوف بنته يرسل اخوه يدق علي ويقول ابوها بيشوفها بالله عليكم موب شيء يقهر وش صاير لهذا كله
صح قبل اروح قلت ما راح اجلس الوضع ماريحني وانا ما ارتحت بس ابيه يحس وقتها
والحين يقول لاخته انا ما وديتها عشان اجي اخذها ..

ابي رايكم بصراحه وش اسوي بالضبط تعبت والله والي تعبني اني ما غلطت ولا اخطيت ومع ذاك يكابر علي ولاكلمني ولاشيء يبيني انا الي ابادر كل مشكله انا الي ادق انا الي اوضع الامور بس هالمره زي الي معنده لاني مااخطيت واهو راضي اني رايحه من عنده وقتها ..

اتمنى تفيدوني الله يجزاكم خير ويسخر ازواجكم لكم .

[ماسه حساسة]

شوفي حبيبتي في البدايه الله يلم شملكم ويوفق مابينكم ويسخر لك زوجك

ابي اقولك انه اول شي واهم شي المفروض من البداية تكوني ببيت خاص لك

لان وانا اختك والله العيشه مع اهل الزوج تضيق الخلق وتجيب المشاكل وهذا كله عارفينه

انتي وبنتك وزوجك لو تنقلوا لبيت لوحدكم راح تتحسن حياتك كثير مع زوجك

بعدين زوجك المفروض يقدر بعدك عن اهلك ومايرفض يوديك لهم لان هذا واجبه

وابي اقولك على شغله مهما حصل بينك وبين زوجك لاتتدخلوا اهلك او اهله في الموضوع

اللي يصير بينكم يموت بينكم حتى لو ايش ماصار الا اذا لاسمح الله اذا كان الشي كبير ذاك الوقت ماحد يلومك

وانتي لازم تعرفي وش اللي يحبه زوجك وتداريه وتسويه له لان ترا الرجال يجوا بالسياسه مايجوا بالعناد

اكره ماعليهم ان الوحده تعاندهم وتحلف عليهم

وبالنسبه له هو كمان غلطان ولازم يروح لك ويرجعك واذا جاك حاولي انك تناقشيه بهدوء وبوقت مناسب في موضوع البيت

والله يكتب لك اللي فيه الخير ويوفق بينك وبين زوجك

يارب

[حبي له آتعبني]

تسلمين حبيبتي
ادري انه المفروض ما احد يتدخل بس وش اسوي مو راضي اتناقش كلمته تمشي بزعمه
فرحت اكلم ابوي وش اسوي مافهمني ولا سمع لي

والحين الوضع ممدري كيف انا ما اعرف وش يفكر فيه ولاوضعه
ورافض من كلامه لاخته يكلمني وجاء مره شاف بنته وصى اخته علي
ما كلمني حتى بس شافها وراح وبيني وبينكك مو واقفين معي اهله بيوقفون معه عشان كذا حاس نفسه قوي
وال قلت لهم مشكلتي من اصدقاء الي قالت كلميه وتفاهمي معه وامي واختي رافضين يقولون خليه لاتكلمينه ولاشيء
ومن ناحيه البيت انا شارطه ببيت وبيني وبينك ماتوقعت الوضع بيصير كذا

احترت والله

[حبي له آتعبني]

بنات وينكم بس راي واحد و16 مشاهده

[أم أصيـــل]

إسمحيلي إنتي غلطانه,,العذر منك

واحد دخل السجن 11 شهر ووقتها عروس وحامل ومتحمله أهله وبلاويهم....وساااااكته
تبغينه يحسبلك حساب..؟؟

وحده غيرك تلم عفشها ع بيت أهلها...

المهم لاعاد ترسلين ولاتتصلين عليه
إسمعي كلام أمك وأختك .......

وبعدين أخته إش لها دخل بالموضوع تصير وسيط بينكم..؟؟

إذا زعلانه من جد لاتردي عليهم,,,
أول شي ماتدرين هيا إش تقوله
والثانيه هذي أمور ماتنحل بسوالف الجوال,,

هذي يبيلها قعدة رجال يورونه العين الحمرا.....عشان يعرف إنو وراك رجال
وإذا الرجال شاريك بيجي يتحمل مسؤلية غلطة ويحطلك بيت ويتعهد قدامهم مايغلط فيك,,

وربي يعوض صبرك بالخير......

[غفوره]

والله مدري ايش اقلك لكن اسال الله ان يعينك ويعينني ويهدي لك زوجك

المفروض يعوضك عن الايام اللي راحت

استخيري الله دايما فيه

[حبي له آتعبني]

تسسلمون على تفاعلكم معي الله يسخر ازواجكم لكم

ام اصيل بالعكس انا واثقه في اخته لانها عادتني اختها
موب مرت اخوها وانا واثقه انها معي بالعكس
وانا والله ماكنت ادري الامور كذا قلت اوقف معي بيقدر الي سويته له

اما من ناحيه اني اكلمه ما كلمته ولاشيء ابد من ذاك اليوم

وابوي رافض يكلمه يقول اذا كلمني علمته والا اذا جاء عند البيت
واهو شكله مفتشل من ابوي ما دق عليه

وامي قالت بتكلمه وماادري صح والا غلط وقالت بتكلم
اخته الكبيره ومبصراحه قلت لا تكلمينه بتنقل الكلام له بطريقه
موب زينة بتشيشه زياده

عندوره تسلمين قصدك استخير انه اذا في
صالح لي يقربني الله منه واذا فيه شر لي يبعدني الله عنه

والله يعطيني على قد نيتي

[جنوني فنوني]

شوفي حبيبتي انا صارلي نفس اللي صارلك من ناحيه اني ابوي اخذي

وزوجي قال نفس الشي انا ما وديتك عشان اجي اخذك...

وجلست شهر عند اهلي مافي بينا اي تواصل بعد شهر

اتصلت عليه وطلبت نفقه للبنت عشان مومعقوووله اهلي بيصرفو على بنتو..

رفض وقال عندك المحكمه اشتكي..

والله من ثاني يوووم رحت المحكمه واستشرت محامي..

هو ما اتوقع اني بكلم محامي عشان هويتي معاه

اتصل عليه المحامي وقاله تبيها محاكم نحنا مستعدين تبيها وديه

اهلان وسهلا..

طبعا كلنا اجتمعنا في مكتب المحامي وحلينا المووضوووع

بس برضو اصر انو ما ياخذني من عند اهلي عشان ابوي اللي شالني

قلتله خلاص انا اجي بطريقتي..

والله ثاني يوووم خليت اصغر خال عندي يوصلني بيتي

وما رحت البيت الا الساعه 1 الليل..

وندمت اني رجعت ..قلت ياريت جلست عند اهلي..

اللي ابغى اوصله لك نوعيه زوجك زي زوجي لاتتنازلي

وترجعي من نفسك عيني شخص يكووون زوجك يخاف منه

او يشيل له الف حساب..

عشان يعرف انوو وراك رجال..

واهم شرط عشان ترجعي بيت لحالك..

اللله يعينك انا في بيت مستقل وما سلمت من اهل زوجي

امه منكده عليا الله ينكد عليها..

حبيبتي انت عند اهلك انبسطي واخرجي وعيشي حياتك..

واهم شي صلي استخاره ...

اذا لك خير ربنا راح يصلح الوضع ..

الله يعطيك على قد نيتك ياقلبي..

[حبي له آتعبني]

تسسلمين حبيبتي ويعطيك على قد نيتكك
بس وش وصلتي لحل معه ...؟؟
تبين الصراحه المصروف قلت لاخته وراحت قالت له تخيلي
لي شهر ونص ماعطاني مصروف الشهر الي راح انا ما ابي شيء بس بنته
عطاني بس شويه مو حق عيد ما طالبت فيه قلت ما راح
ارخص نفسي عشان يعطيها واهو عارف هالامور
وانا هالمره معنده ما ابي انا الي ادق واكلمه ابيه اهو يكلمني ويدق علي

ومن ناحيه محامي ومحكمه ما اقدر لازم ابوي يرضى اروح ويروح معي
وبيني وبينكك ما ابي غير ابوي يوقف معي بصراحه
الحين القرايب يتفرحون عليكك وانا منيبه لهم مابيني وبينه
شيء غير البيت حتى انه يكلمني وكذا عندهم

[جنوني فنوني]

شوفي ياقلبي انا دخلت المحامي

عشان ابووو زوجي ماله كلمه ام زوجي الكلام كله عندها؟؟

وكانت تتدخل في حياتي تخيلي حتى لما ابغى اروح عند اهلي

زوجي يقولي اطلعي استأذني امي وهذا وانا في بيت لحالي

مشيتهم اول مره بس بعدين امه مسختها سارت تقووول لا

ما تروحي..

عشان كذا خرجت من البيت ورجعت بشرط انو حماتي مالها دخل فيني

والله سارت ما تدخل فيني بس سابتني انا وراحت لبنتي

بنتي عمرها 8 شهووووور والله لها اسبوووع الحين نايمه عندها

اطلع اقولها يا عمه وحشتني بنتي تقووول لا خليها..

وزوجي ولا يناقشها ولا كأن في أم قلبها محروووق..

وشكلي حرجع اوقفها عند حدها..

عشان ما تقرب جنبي خير شر..