الله يحرم وجها ووالدينها عن النار الي تدخل تعالوا تكفووون

[عقروبة]

السلااااام عليكم ورحمة الله وبركاته


اخووواتي انا عندي مشكلة تكفووون ساااعدوني مابي منكم الا النصيحه

انا يااخووات احس بتعب وضيقة مايعلم بها الا الله سبحانه تركت الجامعة وما اقابل صدقاتي

حتى مسوين قروب ع الواتس حذفتهم ويدقوا ع جوالي ما ارد ابدا

ابي اقولكم كل شي بس لاتقولون اني شايفه نفسي او قاعده امدح نفسي مانيب احلى وحده

في هالدنيا فيه مليووون احلى مني بس ابي اوضح لكم كل شي

انا من ايام المتوسطة عين البنات علي تعرفون الاعجاب وهالخريط بس مالي في هالطريق ابد

لاني اخااف الله والله يااخووات ان مدرسة دين ماكانت تخليني في حالي المشكله انها تددرس دين

تقول مثل امك اي ام يرحم والديك تخسين

وبالثانويه طبعا انا دايم اغير مريولي و احب اتكشخ كثييير

وكانت دايم تجيني وحده تقول حصني نفسك ترا البنات يتكلمون عنك

كنت اضحك يوم تقول كذا واطنشها قلت يمكن ودها تخاويني ومب عاارفه شلون

المهم حتى الزواجات والله العظيم يابعض الحريم مايستحون مع احترامي لكم

من وين شريتي الذهب من وين شريتي الفستان اسستغفر الله بس لين كرهت الذهب

والله احس بضييييييييييييييييييقه يوم البسها ارميها على طووول

والله كرهت حيييياتي قمت اهوجس كثير واتذكر كيف حياتي قبل والحين

والله لو احكي لكم المواقف الي في حيااتي مرااح اخلص كرهت الدنيا والناس وماصرت اطلع عند خالاتي حتى ما اتعشى مع اهلي


ماحب الناس ابد دايم بغرفتي رحت عند الشيخ اليوم يقول اني مسحورة تتوقعون صادز

المشكله امي الله يخليها لي زعلانا لاني مابي اشرب علاج الشيخ ومو راضيه تكلمني

ياناس حتى امي اوقات مابي اشوفها ولاجات تكلمني اتضايق اتركهاوامشي

غصبن علي مو بيدي وتالي اقعد ابتسي وش اسوي دايم بالليل اصلي وابكي

كلهم يقولون اني تغيرت صرت اجلس وحدي تدرون حتى القران والله احس بصداااع فضيع يوم اقراه

انا تعبت من حييياتي احس هموم الدنيا علي يجوني عرساان وارفضهم من غير اي سبب

بس لو ابوي يقول تزوجي خلاص ابكي يالله وربي اكتب ودموعي ع خدي

ماتدروون بالضيقه الي فيني حتى قبل كنت دايم ادخل اطبخ الغدا والعشا فناااانه الحين نادر

ادخل المطبخ

امي شاااكه في وحده سحرتني كانت تبيني لاخووها وهو متزوج وانا رفضته وجات كذا مره

تحاول معي قلتلها انسي مراح ابني سعادتي ع تعاسة غيري ان بعض الضن اثم

بس امي تقووول اذا ماسحرتك فعينها عليك

يعني بالله وش تتوقعون فيني عين ولا سحر ولا وش بالضبط اما الشيخ يوم قرا علي حسيت يدريني

تصلبت بس ماقلت لامي يقول باقي جلسه باتسر وعقب باااتسر ارووح ولا اطنشه


فيه اياات معينه اقراها عشاان ترووح مني هالضيقه والتعب تكفووون ساعدوني

يااااارب يااارب القى الي تسااعدني لو بنصيحه

[عقروبة]

يااااارب تحرم وجه الي ترد علي وترزقها بكل الي تتمناه

[الخياله]

والله مادري وش اقولك بس الله يشافيك ويعافيك ونيصيحه مني ياأختي تعالجي
بالقرآن وأستمري مع الشيخ وقولي له كل اللي تحسين فيه افضل من إنك تجلسين على هالحال
ولا تتركين القرآن أبدا حتى إذا تشافيتي بإذن الله وأسأل الله انه يشافيك ويعافيك
ويشافي جميع مرضى المسلمين

[تبسم عشاني]

حبيبتي لا تستسلمي للشيطان صلي واقرئي قران واذكار الصباح والمساء واستغفري ولا تنسي صلاة الليل
وحاولي تتصدقي لان الصدقه تدفع البلاء والله يبعد عنك الشر وادعي
اللهم من اراد بي سوء فرد كيده في نحره واشغله بنفسه

[جنوني فنوني]

الله يشفيك من عنده.. ويبعدك

ويبعدنا عن الضيقه.. ويارب يجعل

راحه البال مصاحبه لنا على طووول..


استمري مع الشيخ ما في احسن من كتاب الله

[همسة دفاء]

تعالجي فديتج ولا تخلي القران ابد

والله يوفقك حبيبتي

[شرق]

اقري لاتهملين نفسك
لان الشيطان يبدا يسيطر عليك ويصير يتحكم فيك
وحدة اعرفها كذا صار يتكلم عنها عانت مسكينه ولاكن مع القراءه والدهون بزيت مقري وتشرب ماء زمزم والحمدلله طلع
بالعكس قولي لامك تغصبك على القراءه علميها انه مو بيدك
الله يشفيك وحسبنا الله على من كان السبب

[سالي العابد]

الاذكار و سورة البقرة بالتمعن و حاولي تصلي ولو ركعتين في جوف الليل وايات السكينه انا كتبتها عندي في مدونتي
و يارب بالشفاء انشالله و الله يحميك يارب

[ام يحيى00]

حصني نفسك واقراء سورة البقره كل يوم ومن توكل على الله فهو حسبه

[Dana]

الله يشفيك
ولازم تكملي مع الشيخ
وإقرأي سورة البقرة يومياً ولا تنسي الأذكار