بالنسبه للتنظيف جرح العملية القيصرية:
اذا انتي خايفه من الشمم نظفي حوالين الجرح لا تقربين للجرح ابدااا
وتنظيفه مسحه طبيه بعدين كريم ميبوو غرررقي الجرح فيه
استخدمه انا قد ما اقدر من 3 مرات وفوق
وحاولي قد ماتقدرين بعد ماتحطين الكريم تخلين المنطقه مكشوفة
واتركي الجرح مكشوف واغرقه ميبوو
لانه يسرع بالتئام الجرح
طريقه الغسيل:
لازم تغسلين بمويه بس ماتطولين ولا تكون رشاش بيعورك الم الخيوط
حاولي تبعدين المويه الرشاش شوي عنك
ولاتكثرين المويه بس الشي اللي تحسينه ينظف وبعدين نشفيها بشكل جيد الربت على
منطقه الجرح بالمناديل حتى تنشف
انتبهي من الرطوبه تجمع الالتهابات وتاخر بالالتئام وتسوى خراجات.
وافضل شي بعد كل حمام استخدمي ميبو مرا ممتاز للجروح ويسرع الالتئام.
ممنوعات
لبس المشد للعمليه القيصرية..
الجرح محتاج تهويه واذا لبستي مشد الجرح راح يندي
وينفتح لاسمح الله ولا يسوي خراج
ماينلبس قبل 4سنة ع اقل تقدير.
البطن يشقون 7 طبقات ولا يخيطون الا الرحم والعضلات والجلد الخارجي.
واذا ضغطتي عليه ممكن يسوى التصاقات بين الطبقتين وهذي تسوي عقم لاسمح الله
للي والدات قيصري عشان تخف الكرشة
اشفطي بطنك بأي وضعيه نايمة قاعدة واقفة وعدي مثلا من 1 الى 5
( اللي تقدرين تتحملينه)وبعدين ارتاحي وبعدين عيدي التمرين
ابتعدي عن الماء والملح ينشفك من تحت ويجيب لك الحكة وتسود المنطقة
انواع الخيوط:
فيه خيوط تذوب بالجلد بعد ماتخيط الجرح
بدت المستشفيات تستخدمها مايحتاج تطيح او تشيلينها
وفيه خيوط تظل بالجلد تنحبس معه لازم احد يسحبها
انا ماطاحت روحي للدكتورة وتشيلها
لازم تعرفين نوع الخيوط وضروري اقرب مستوصف تطمنين على خيوطك في اخر نفاسك
اللي تطيح خيوطها بدري تعتبر تغذيتها كويسه
المفروض تطيح بعد 15 يوم
طريقة الاهتمام بالعملية القيصرية
حابه اقول اول شي لكل وحده قرروا لها عمليه انه ماتزعل والحمد لله ان ربي جعل له حل,,
في المستشفى..
قبل العملية.. تقيس الضغط, الحرارة, وتسوي جهاز تخطيط نبض البيبي حدود الساعة
تحميله شرجية.. وبعدها تروحي للحمام
تركب لك المغذي, ياخذون منك تحليل دم, عطوني ابرتين بالعضل مدري ليه
وسوت لي قسطرة البول
حاوالي تتروشين قبل كل هذا..
بعد العملية يتركونك بغرفه الافاقه حدود ساعة ونصف ويصحونك ونص ساعة ويودونك غرفتك..
بعدها يعطونك ابرتين بالوريد اتوقع مسكن
بعد 6 ساعات من العمليه يفكون القسطره ويسمحون لك بشرب الموية ويطلبون منك تمشين او تروحين لدورة المياة
في اليوم الاول الالم كل ساعة يستمر 3 او 4 دقايق وهذا بتحين ان قطع دم تنزل منك
اليوم الثاني..
يعطونك مسكن ع شكل تحميلات 2 تقريبا
والالم يكون كل 3 ساعات تقريبا
والمغذي للان مركب عليك كل مايخلص يركبون جديد
بالليل يعطونك تحميله شرجيه
ويسالونك طلعتي غازات او لا وهذا الشي بس للي ماخذه بنج كامل حتى يتاكدون ان الامعاء رجعت تشتغل لانها تتوقف مع التخدير
لازم تمشين لحد ماتتعبين وقد ماتقدرين اضغطي ع نفسك حطي يدك ع الجرح وحاولي تنتصبين قد ماتقدرين وامشي وانتي تتنفسين شهيق زفير
تحليل سكر كل صباح يسوونه
وكل 6 ساعات الحراره والضغط
اليوم الثالث
يعطونك تحاميل مسكنه للالم كل 12 ساعة
ويطلبون منك تتروشين
لازم نقطه مهمه مايجي الجرح مويه ابدا وانتي تتروشين ,, هم بيعطونك زي المريله البلاستك تلبسينها وانتي غسلي جسمك وشعرك عادي
لازم الجرح يترك حتى يتهواء حتى مايندي ويصير صعب يلتئم وينفتح لاسمح الله
اليوم الرابع
تحميلتين مسكنات للالم وقياس حرارة وضغط
اليوم الخامس
مضاد وتحميلة مسكنة للالم وتطلعين من المستشفى..
- من اليوم الثاني لازم تمشين قد ماتقدرين ,, المشي يساعدك على انك تطيبين بسرعه ان شاء الله وكمان يحميك من الجلطات لاسمح الله
نجي لاهتمامك بالعمليه بالبيت..
المشي مرا مفيد لانه كثير بعد الولاده القيصري يجيهم جلطات بالرجل لاسمح الله من قل الحركه..ا
مشي يوميا 10 دقايق وكل يومين زيدي شوي لحد مايجي انك تمشين يوميا ساعة
النوم نامي ع ظهرك لحد ما تلتئم العمليه واذا مايتعبك نومه الجنب نامي عليه
بالنسبه للجرح
احط عليها ميبو كذا بالمنديل عليه
ولا احيانا اخلي امي او الشغاله
الى 5 مرات باليوم ميبو عسل واعشاب انا ما استخدم بكل عملياتي الا هو واذا حبيت انظف المنطقه بمسحات طبية
والحمام اذا بتتروشين
لالالالالالالالالالالالالالا يجيها ولا نقطه مويه انتبهي
عندنا مثل بالقصيم يقولون الموية تسقي الجرح..
(بنت خالتي انفتح جرحها)لان بعض المستشفيات يقولون عادي الموية للجرح
البسي كيس زباله ولا سفره اذا جيتي تتروشين
نصيحه لايجمع مويه وصديد وينفتح الجرح
وادويه النفاس ضروريه حتى يرجع الرحم لمكانه وتنظفين ويدر الحليب وتطلع المويات ويجبر عضمك
يكفي التسع شهور حمل وتغيرات الرحم مايعدلها الا الاعشاب والاهتمام بالاكل الصحي والبر واللحم ومرقة اللحم
طبعا ممنوع حمل اي شي ثقيل الوزن المسموح فيه بس وزن البيبي
لمده 6 شهور
والرياضه ممنوعه مده سنه بس مشي
انتبهي لطريقة حركتك خليها هادية قد ماتقدرين
تحذيرات..
انتبهي لاتلبسين مشد ولا
ولاتفركين البطن بمقشرات وقت النفاس
انتبهي للعمليةربط وتفريك ممنوع لاسمح الله لايجيك التصاقات بالرحم ولا شي بسم الله عليك
والنصيحه الاهم لاتعرق المنطقه حوالين الجرح الحين صيف والدنيا حر غير ان الكرش يكون نازل ع العملية
واذا جيتي تنامين خلي منطقه الجرح مكشوفه وحطي عليها ميبو باخلاص كبي كمية يسهل التئام الجرح اذا صار مكشوف
وابعدي عن القهوه العادية والشاهي والمعجنات
وخليك سلطات وعصاير
ممنوع الرجيم لكن الاكل الصحي هو المطلوب