تجهيزاتك للنفاس

[رهف الرياض]

لاحظت في تجمع الحوامل ان الاغلب بكريات
فراح يكون لكل وحده تجهيزاتها للولاده والنفاس والبيبي
وودي كاخوات نتبادل الخبرات ونفيدبعض




“الولاده”
*وين راح تولدي باي مستشفى؟
*تجهيزك لشنطة المستشفى كيف راح يكون؟
*هل راح تسوي عمليه تجمليه بعدالولاده والاراح تكتفي بنظام للاهتمام بنفسك
بعدالولاده؟



“النفاس”
*كيف راح يكون نظامك في النفاس؟
*ماهي الخلطات الشعبيه اللي راح تستخدميهااثناء النفاس؟
*ماهي الاكلات الشعبيه اللي تحرصي على تناولها اثناء فترة النفاس؟
*هل هناك غسول تسخدميه؟
*ماهونظامك للاهتمام بالمنطقه الحساسه؟
*كيف راح يكون استقبالك للضيوف هل اشتريتي مفرش اواريكه؟
*لبسك اثناء فترة النفاس كيف راح يكون؟
*هل سوف تعتمدين على الرضاعه الطبيعيه فقط؟

[بنت الشاطي]

انا بكريه ان شاء الله اروح اولاد عند اهلي

[نعمة ربي]

انا بس جهزت للبيبي بعدني ما خذت لي شي

[شوق القحطاني]

اهلين اختي انا بكريه والمستشفى اللي راح اولد فيه ان شاء الله مستشفى الولاده والاطفال بالدمام امابالنسبه لشنطة المستشفى باقي ماجهزتها وبخصوص العمليه التجميليه استحاله اسويها لانه في ناس كثير مايمدحونهاباول حمل لهم لم ولدو سووهالعمليه وبحملهم الثاني اصعبت عليهم الولاده بسبب هالعمليه وبخصوص فترة النفاس الوالده ربي يطول بعمرها مجهزه لي كل شيء خلطات ومره وحلبه وكل هالسوالف بمشي طبعا على نظامها فديتها والاكل الشعبي عصيده ومرقوقه مع اني ماابي السمنه وقاعده افكر في الكرشه لاولدت بس امي تقولي هالاشياء زينه لنفاس ومفيده والغسول انا متعوده ع غسول كيرفي وان شاء الله منقوع المره لانها تشد وتعقم وبالنسبه لضيوف اشتريت مفرش النفاس واتفقت مع محل تجهيز الهدايا والحلوياات ولبسي طبعا جلابيات نفاس حلوه من محل واحة الجلابيات والرضاعه مااظن بس بعتمد ع الطبيعي ودعواتكم لي ربي يسهل لي ولادتي وولادة كل الحوامل يااارب

[ام راكان وامل]

أنا بعدني ما جهزت شيء متى أجهز حق بنتي الكل يقولي جهزي يوم تدخلين التاسع

[رهف الرياض]

مشكورين كل من نور موضوعي

[رهف الرياض]

الافضل تجهزي للموولود من السابع تبدي

باغراض عشان تكوني خفيفه

مثل مفرش النفاس خذيه من بدري عادي

[زوجه ظابط]

الله يسهل للجميع
ان شاء الله اول مبدا تجهيز راح اخبركم لان بدري مره الحين

[ام سهاري]

“الولاده”
*وين راح تولدي باي مستشفى؟
تصدقون إلى الآن محتآره , مآ قررت
*تجهيزك لشنطة المستشفى كيف راح يكون؟
ملابس للنونو + ملابس لي + شامبو , صابون , ....
*هل راح تسوي عمليه تجمليه بعدالولاده والاراح تكتفي بنظام للاهتمام بنفسك
بعدالولاده؟
إلى الآن محتآره , لمن ممكن أستبعد الخيآطه التجميليه لأنو لسآ هذآ ثاني حمل لي



“النفاس”
*كيف راح يكون نظامك في النفاس؟
لسآ مآقررت على نظام كآمل
*ماهي الخلطات الشعبيه اللي راح تستخدميهااثناء النفاس؟
خلطة العتيبيآت رآح أستخدمهآ مع الحليب و ك بهآرآت لكل أكلي + قشر القهوه + كمون و يآنسون و شمر + تمر بالحبه السودآء و الرشآد + عشبة عباءة السيده ...... و ممكن أضيف حآجآت
*ماهي الاكلات الشعبيه اللي تحرصي على تناولها اثناء فترة النفاس؟
مرقوق , جريش . حنيني , مطازيز ...... بالإضافه لـ خبز البر
*هل هناك غسول تسخدميه؟
غسول بيتآدين
*ماهونظامك للاهتمام بالمنطقه الحساسه؟
رآح أستخدم كريم ميبو للخيآطه
*كيف راح يكون استقبالك للضيوف هل اشتريتي مفرش اواريكه؟
لســـآآ مآ أشتريت شي
*لبسك اثناء فترة النفاس كيف راح يكون؟
جلآبيآت , بجآمآت مع بلايز طويله
*هل سوف تعتمدين على الرضاعه الطبيعيه فقط؟
لآ بحكم درآستي ممكن مآ أعتمد على الرضاعه الطبيعيه

[رهف الرياض]

سبحان الله وبحمده سبحان الله العضيم