نفسيتي تعبت واتمنى ان احمل

[غزل الروح]

السلام عليكم
انا نفسيتي تعبت كتير وحابه كتير احمل وكل الي حولي بستنوني
انا فحصت وحكتلي الدكتوره كل امورك تمام والان انا بحس باعراض الحمل من دوخه ومغص شديد وغثيان والم في الثدي
بس مش طول اليوم فترات معينه من اليوم
ما بعرف هي اعراض حمل ولا هي نفسيه لاني حابه امرض
انا اليوم فحصت اختبار الحمل المنزلي لاني كنت حاسه اني حامل بس لسا الدوره بدها 5 ايام او 6 لحتى تيجي
ما بعرف يعني انا هيك مش حامل ولا شو
انصدمت لاني كنت متوقعه اني حامل كمان زوجي كان مفكر هيك
وكان متأمل

[(ملاذ الروح)]

ياحبيبتي لسه بدري علي التحليل استني حتي يفةت موعدها وبعدين حللي
الله يفرح قلبك ويقر عينك بذريه طيبه

[ام سمر الاردن]

حبيبتي ما بيصير تعملي التحليل قبل موعد الدورة المفروض تستني على الاقل الى يوم الدورة لان حتى لو كنتي حامل ما راح يبان لان لسة الهرمون ضعيف
وصدقيني حبيبتي دائما ننصح البنات ونقول لهم لا تعتمدو على هذه الاعراض من وجع ظهر وبطن وثدي وتقولو خلص احنة حوامل لان هذه مو اعراض حمل وبالاخر تنصدمو
اصلا انا الشهر الي حملت فيه ولاول مرة ما اجاني وجع بالثدي ابد بحيث قلت اكيد انا مو حامل بس سبحان الله طلع العكس
علامة الحمل الوحيدة هي غياب الدورة والتحليل الموجب فقط
ولا تياسي انشالله على موعد دورتك تحللي وتطلعي حامل

[بنت صيدا]

وعليكم السلام
ليه متعبه نفسيتك حبيبة قلبي
في شغله لازم تآمني فيها من قلبك
طلعتي نزلتي تعبتي او ارتحتي بالنهايه ما رح يصير الا الله كاتبه
يعني بالنهايه نحنا منعمل اللي علينا بس وندعي ربنا والباقي على رب العالمين لعند ما يريد ربك يصير حمل رح يصير
حاولي تشغلي حالك باشياء ما رح تقدري تعمليها لو كنتي حامل او عندك اولاد
مثلا مارسي هوايات و اطلعي وانبسطي و نااااااامي وارتاحي وعيشي حياتك
لانه هالاشياء رح تنحرمي منها او خلينا نقول من معظمها لما تصيري ام
خلي أملك بالله دايما وريحي نفسيتك و اذا الله كاتبلك تصيري ام رح تصيري ان شاء الله
وبالنسبه للتحليل لسه كتيييييييير بكييييييييييير عليه .. انا كنت دايما اعمل تحليل بنفس يوم الدوره لو ما اجت
حاليا بطلت اسويه الا في حال تأخرت عليي الدوره اكثر من 5 ايام وان شاء الله خير
لا تزعلي من كلامي حياتي .. الله يكون في عونك وعون الجميع يارب
ويرزقنا عاجلا غير اجل بالذريه الطيبه

[ام ريتان]

الله يرزقك ويرزق كل منتظره بالحمل