شوفو شو صار معي لما قررت لطفل الانابيب

[leemona]

بسم الله الرحمن الرحيم
كيفكم يابنات والله مالي عرفانة افرح ولا ابكي ولا ابدا اشتم كل الدكاترة..
بالبداية قصتي كما تعرفوها ذهبت للعديد من الاطباء 6اختصاصين ومشهورين و3 طبيبات عنا عاديين الكل في ظل 4 سنوات اكدو اني حالتي سليمة 100% وكل شخص ضليت فترة عندو مو اقل من 3 اشهر كورسات الكلوميد وصورة ظليلة عملت وتلقيح صناعي وبالاخر فكرت بطفل الانابيب وقررت اذهب لمشفى الشرق مروان الحلبي وبعد انتظار طويل عنده اجى دوري سالتو عن برنامج طفل الانابيب وماهي النصائح... ومتل كل هالاطباء بجهاز الالترساوند العادي عاينني وقالي كلام اول مرة بسمعو بكل هالسنوات اكتشف
1_ رحمي خلفي بس قالي مابياثر بالحمل بس بتغيير الوضعية
2-المبيض الايمن متعدد الاكياس شي بسيط وقالي مو هاد السبب
3-سماكة ببطانة الرحم وسالني عن اعراض متل نزيف وغزارة الدورة الشهرية ونزول قطع والم شديد عند الدورة والم عند الجماع وكلها بتحصل معي
شخص حالتي بطانة الرحم المهاجرة هو ماشاف غير سماكة بالبطانة الرحم بس قالي يمكن هيا خلف الحوض وهالشي ماببين الا بجراحة تنظير بطن.. وانشالله بالتنظير ازا شفنا شي منعملو كي بالليزر وكمان ممكن تعديل الرحم ولو انه مابيأثر لو تركناه هيك وانشالله ازا عملتي الجراحة بتحملي طبيعي وبدون طفل انابيب لانه انتي مشكلتك بالتعشيش يعني الاباضة عمتحصل والتلقيح عم يحصل بس التعشيش بسبب سماكة الرحم ماعمصير وطفل الانابيب مارح تكون ناجحة لانه وقت ترجيع الاجنة مارح يثبتو...
والله يابنات تفاجئت بهالكلام اول مرة بسمعو لدرجة نسيت اسئلو للدكتور عن تنظير البطن وكانت الدهشة باينة عليي كل هالاطباء ماحدا قالي رحمك خلفي ولا سميك البطانة وكلهم كانو ينصحوني اجري طفل الانبوب عند كل دكتور ...يعني الحمدلله مارديت وتكلفت وبالاخير انصدمت لانه كانت فرصتي الوحيدة...حسبي الله عليهم روحو من عمري ومن وقتي ومن اعصابي ومن المال..وصرنا نروح عند الشيوخ نفكر عين وحسد ومنهم شيوخ ومنهم مشعوذين وشي قرين فيكي وشي بقولو دمكن مابطبق على بعض وانتو التنين لو كل واحد ترك وتزوج بجيلو ولد بس انتو التنين مو طابقين وبالاخير طلع في اسباب
لما طلعت من عند الدكتور كانت ابتسامة على وجهيي وتفائلت الله يبعد الامراض عني وعنكم بس عرفت في سبب وانشالله بعالجو مو طول هالسنين مافيكي شي وعقم ماله سبب وغير معروف مع العلم انه الدكتور قالي هالحالة معك منذ فترة طويلة يعني سماكة بطانة الرحم معك من اكتر من 5 سنوات وماحدا جبلي اي كلمة عن هالموضوع....
كتبلي اعمل تحليل CA125 وهاد التحليل للاطمئنان فقط وانشالله غدا سأذهب لعمل التحليل واساله كم سؤال عن وقت عملية التنظير والطريقة..وانشالله احمل طبيعي بعدا ومااحتاج اي شي
وعنجد نصيحتي للبنات روحي اكشفي عند اشهر واشطر دكتور ولايهمك ولايضيع تعبك واعصابك والمك من الادوية وانا ادوية الكلوميد بتزيد حالتي سؤا وبتزيد سماكة البطانة يعني ابدا ابدا ماكان لازم اخدهن واباضتي طبيعية ودورتي منتظمة وانا عم ببلع كل هالسنوات
ادعولي يطلع شي خفيف وتنحل معي بالتنظير وتنتهي مشاكلي مع تاخر الحمل...ومايطلع معي غير شي لاسمح الله
قرايبتي فرحتني قالتلي انه كانت كل ماتعمل تنظير بطن تحمل بعدها مباشرة...بس هيا كانت تسقط وشجعتني اعملها .
اي حدا عنده معلومات عن التنظير ياريت يفدني فيها والله يجزيه الخير

[حنان الامومه]

حبيبتي اخيرا رحتي عند الدكتور مروان يعني لقيتيه والله انو دكتور شاطر مش قلتلك الله يسهلك يارب ويوفقك والله انو بنت عمي راحت عندو وكانت عندها نفس مشكلتك وعملت عنده منضار وبعد كم شهر حملت والان عندها ولد وانشالله يارب يجبر بخاطرك وتبشرينا بحملك يالله{رب لاتذرني فردا وانت خير الوارثين}

[leemona]

اسمك حنان الامومة وكلك حنان تسلميلي يارب بشكرك على تشجيعك ونصيحتك اني اروح لعنده ومتل ماقلتي شخص محبوب وبشوش وشاطر ...انشالله رح روح بكرا لاتفق على موعد التنظير تفائلت بعد سماع اخبار بنت عمك انشالله يارب تنحل اموري واحمل طبيعي باذن الله بس ازا بتعرفي اي معلومات على التنظير ياريت تخبريني...وشكرا

[ام ثابت]

اختي الله يرزقكي اذرية
بس هذولي لمشعوذين ماكنتي تدرين انهم مشعوذين

[fafini]

المشاركة الأصلية كتبت بواسطة leemona

بسم الله الرحمن الرحيم
كيفكم يابنات والله مالي عرفانة افرح ولا ابكي ولا ابدا اشتم كل الدكاترة..
بالبداية قصتي كما تعرفوها ذهبت للعديد من الاطباء 6اختصاصين ومشهورين و3 طبيبات عنا عاديين الكل في ظل 4 سنوات اكدو اني حالتي سليمة 100% وكل شخص ضليت فترة عندو مو اقل من 3 اشهر كورسات الكلوميد وصورة ظليلة عملت وتلقيح صناعي وبالاخر فكرت بطفل الانابيب وقررت اذهب لمشفى الشرق مروان الحلبي وبعد انتظار طويل عنده اجى دوري سالتو عن برنامج طفل الانابيب وماهي النصائح... ومتل كل هالاطباء بجهاز الالترساوند العادي عاينني وقالي كلام اول مرة بسمعو بكل هالسنوات اكتشف
1_ رحمي خلفي بس قالي مابياثر بالحمل بس بتغيير الوضعية
2-المبيض الايمن متعدد الاكياس شي بسيط وقالي مو هاد السبب
3-سماكة ببطانة الرحم وسالني عن اعراض متل نزيف وغزارة الدورة الشهرية ونزول قطع والم شديد عند الدورة والم عند الجماع وكلها بتحصل معي
شخص حالتي بطانة الرحم المهاجرة هو ماشاف غير سماكة بالبطانة الرحم بس قالي يمكن هيا خلف الحوض وهالشي ماببين الا بجراحة تنظير بطن.. وانشالله بالتنظير ازا شفنا شي منعملو كي بالليزر وكمان ممكن تعديل الرحم ولو انه مابيأثر لو تركناه هيك وانشالله ازا عملتي الجراحة بتحملي طبيعي وبدون طفل انابيب لانه انتي مشكلتك بالتعشيش يعني الاباضة عمتحصل والتلقيح عم يحصل بس التعشيش بسبب سماكة الرحم ماعمصير وطفل الانابيب مارح تكون ناجحة لانه وقت ترجيع الاجنة مارح يثبتو...
والله يابنات تفاجئت بهالكلام اول مرة بسمعو لدرجة نسيت اسئلو للدكتور عن تنظير البطن وكانت الدهشة باينة عليي كل هالاطباء ماحدا قالي رحمك خلفي ولا سميك البطانة وكلهم كانو ينصحوني اجري طفل الانبوب عند كل دكتور ...يعني الحمدلله مارديت وتكلفت وبالاخير انصدمت لانه كانت فرصتي الوحيدة...حسبي الله عليهم روحو من عمري ومن وقتي ومن اعصابي ومن المال..وصرنا نروح عند الشيوخ نفكر عين وحسد ومنهم شيوخ ومنهم مشعوذين وشي قرين فيكي وشي بقولو دمكن مابطبق على بعض وانتو التنين لو كل واحد ترك وتزوج بجيلو ولد بس انتو التنين مو طابقين وبالاخير طلع في اسباب
لما طلعت من عند الدكتور كانت ابتسامة على وجهيي وتفائلت الله يبعد الامراض عني وعنكم بس عرفت في سبب وانشالله بعالجو مو طول هالسنين مافيكي شي وعقم ماله سبب وغير معروف مع العلم انه الدكتور قالي هالحالة معك منذ فترة طويلة يعني سماكة بطانة الرحم معك من اكتر من 5 سنوات وماحدا جبلي اي كلمة عن هالموضوع....
كتبلي اعمل تحليل ca125 وهاد التحليل للاطمئنان فقط وانشالله غدا سأذهب لعمل التحليل واساله كم سؤال عن وقت عملية التنظير والطريقة..وانشالله احمل طبيعي بعدا ومااحتاج اي شي
وعنجد نصيحتي للبنات روحي اكشفي عند اشهر واشطر دكتور ولايهمك ولايضيع تعبك واعصابك والمك من الادوية وانا ادوية الكلوميد بتزيد حالتي سؤا وبتزيد سماكة البطانة يعني ابدا ابدا ماكان لازم اخدهن واباضتي طبيعية ودورتي منتظمة وانا عم ببلع كل هالسنوات
ادعولي يطلع شي خفيف وتنحل معي بالتنظير وتنتهي مشاكلي مع تاخر الحمل...ومايطلع معي غير شي لاسمح الله
قرايبتي فرحتني قالتلي انه كانت كل ماتعمل تنظير بطن تحمل بعدها مباشرة...بس هيا كانت تسقط وشجعتني اعملها .
اي حدا عنده معلومات عن التنظير ياريت يفدني فيها والله يجزيه الخير

والله قصتك محزنة ومفرحة وشو هو التنظير فيكي توصفيلي هو لاني اتعالجت دالمانيا وعملت فحوصات وتحاليل كتير بس ما بعرف شو اسمن بالعربي يعني ممكن اكون مجربيته بس ما عارفيته بالعربي يعني لو حكتيلي شوي عنه ممكن اكون مجربي وافيدك

[nanoosh86]

الله يقطعهم هدول مش دكاترة الله لا يوفقهم بس !!!!
يا ستي موفقة يارب

وان شاء الله يارب الشهر الجاي بتبشرينا

[حنان الامومه]

والله حبيبتي ماعندي معلومات عن التنضير اكتبي على الكوكل التنضير على الرحم حبيبتي اي تطور يصير عندك لازم تخبرينا حتى نتواصل واعرف اخبارك يارب يرزقك من غير ماتحتسبي{رب لاتذرني فردا وانت خير الوارثين}

[leemona]

والله يابنات مين احكيلو شو صار معي (طبعا للي يحبوني) وقصتي يفرحولي ويقلولي مبروووووك عرفتي السبب والحمدلله يعني الحمدلله على كل شي مالازم يباركولي انه طلع معي مرض والله مابعرف بس انا اول وحدة فرحت وقت سمعت في مشكلة وتفائلت انه رح اعالجها واحمل طبيعي باذن الله ..واكيد كل وحدة ضلت 4 سنوات يقلولها مافيكي شي وماحملت حاسة بشعوري بس وقت دخلت عالمنتدى شفت موضوع بطانة الرحم المهاجرة كتير كبير وخطير وبخوف وحالات شديدة يتم استئصال المبيض هوون خفت وقلت مارح احكي لحدا ويفرحلي خفت الله يعاقبني ويقول فرحتي عالمرض شوفيييه وخصوصي انه بالفترة الاخيرة قبل ماعرف مرضي صرت اقول لو في مرض كنت عالجتو ياريت لو في مرض ...خايفة اكون نكرت النعمة والله عاقبني يارب ارحمني يارب واغفر لي وانشاء الله تطلع شغلتي بسيطة... ادعولي

[سلمى العمر]

ليمونه كيفك حبيبتي... و الله قصتك مفرحه لان عرفتي السبب ... لكن حبيبتي كوني حذره شوي مع الدكاتره حتى لو كان مروان الحلبي للاسف صايرين تجار اغلبهم . انا الحمد الله ما عندي مشكله المشكله عند زوجي مع هالشي رحنا دكتور ما ترك مشكله و ما قال انها عندي من مبيض متعدد كيسات ليف بالرحم يعني عده امراض نسائيه و طبعا طلب تنظير بطن... لكن ما اخدت بكلامه مع انه رئيس قسم اطفال انابيب بمشفى كبير و رحت عند الدكتور مجيد العوم قلي و لا عندك اي مشكله .. و نفس الشي مع زوجي اول ما شفنا دكتور بوليه و تناسليه قله معاك دوالي و لازم عمليه سريعه و طبعا يعرف شعور النساء فصار يقنعني حتى اقنع زوجي بسرعه العمليه انا ما رديت و رحنا دكتور تاني فحصو بالايكو منيح و قال في دوالي جدا بسيطه و ابدا ما تاثر و لا تستدعي اي عمل جراحي ... و نقص لعدد و السرعه لاسباب تانيه يمكن خلقيه و يمكن بسبب الدخان ... و بالفعل ابتدا زوجي برنامج رياضه و ترك الدخان و فيتامينات ارتفع العدد من 9 مليون ل 22 مليون ... يعني كنا انا و زوجي عملنا عمليات و هوي ما في مشكله.. لكن مع هيك قررنا نعمل طفل انابيب إن شاء الله الشهر القادم.. لان ملينا . ... صراحه رحت مشفى الشرق لكن تعاملهم ما ارتحت له ابدا و قرات عن حادثه صارت بمشفى الشرق نتيجه غلط الدكتور (ابحثي بغوغل تلاقيها) فلغيت الموعد و شفت الدكتور مجيد العوم بمشفى العباسيين ... و لحد الآن حاسه الامور جيده .. فبرأيي انك تشوفي الدكتور محمد الطباع في الجسر الابيض هو ما يعمل اطفال انابيب يعني ما اله اي مصلحه ينصحك فيها و انا من تجربتي من اقوى دكاتره النسائيه بالشام غالي شوي لكن انتي فيكي ما تلتزمي عنده بس زياره يقيم حالتك ... و يا رب اباركلك بالحمل باقرب وقت يا رب

[Orchid109]

الحمدلله على الاقل عرفتي ايش اللي فيكي
انا نفسك حبيبتي كنت كل شهر اتعب نفسياً واكب واصيح لما مايصير حمل وهم يعطوني ادوية عشان التبويض والاكياس
والاغبياء المفروض يعالجو الرحم قبل مايبدون بهالكورس ! 3 سنوات راحت من عمري ! وهذولي الاطباء اللي بمراكز مو معروفة وربي اكثريتهم مامعهم تراخيص مزوالة مهنة ويتدربون علينا *
حسبي الله عليهم ونعم الوكيل

ولما سويت الصبغة وعلمني الطبيب انه نفس حالتك عندك سماكة بالرحم وقالي تنظير على الشهر الجاي ان شاء الله وانا مرة متفائلة ومتحمسة اني اسويه اليوم قبل بكرة بس الحمدلله صارتلي ضروف وماقدرت اسوية

ماقول الا الله ياجرنا على صبرنا على الحرمان