الله يريح قلب كل وحده تدخل وتريحني

rula · 06-30-2010, 04:03 AM

سلام ياحواااامل
انشاالله تكونو كلكم بخير
انا والله نفسيتي تعبانه وحاسه اني مضايقه مررره وانتو والله اكتر من اخواتي وحبيت افضفضلكم
ابغى اقولكم ليش انا زعلانه
اول سبب انا ماشاالله باقيلي اسبوع واخلص التاسع ولسى ماولدت ومرررره تعباااااانه انتو ادرى قد ايش الشهر التاسع تقيل ومتعب في كل شي حتى في النوم
ثاني شي والاهم اني امس رحت كشفت في مستشفى بخش اللي في مكه عند حنان غنيم وقالتلي روحي اكشفي في التلفزيون الكبير
ورحت عملت السونار ورجعت للدكتوره حنان عشان اطمن
قالتلي الحمدلله الجنين كويس والمويه مااشاالله كويسه بس في اتساع بسيط في كلية الجنين
وهدا الشي راح يتابعو دكتور الاطفال
انا من بعد ماقالتلي كدا وانا نفسيتي زي الزفت
ومانمت من امس
ونفسي افهم الكلام اللي قالتو
الله يسعدكم اللي عندها فكره تطمني الله يطمنها
ضروووري انا على اعصااابي

&غــــرام& · 06-30-2010, 04:29 AM

والله انا ماعندي اي معلومه عن الاتساع
بس انا حاسه فيك خيتو انا مثلك باقي لي
اسبوع وشوي واخلص التاسع ومررره تعبااانه
من الطلق والثقل احس اني صايره ثقيله بقوه
يالله هاااانت يااختي ماباقي شي تحملنا 8 شهور وماباقي الا اسبوع
الله يهون علينا يارب ويشفي البيبي انتي لاتشيلي
هم ووكلي امرك لله وان شالله مايصير شي

shaikah.1 · 06-30-2010, 04:34 AM

حبيبتي الله يسهل علييج يا قلبي وتولدين بالسلامة

ويكون طفلج سليم معاف باذن الرحمن الي مايعجزه شي سبحانه

بالنسبة لاتساع كلية الجنين << اذا كنتي تقصدين اتساع في حوض كليه الجنين ( ماادري يمكن نفس الشي )

فهذا الي انا سامعه عنه انه سببه هو تأثير من هرمونات جسم الام نفسها واحتماال كبير انه بعد الولاده يزوول باذن الرحمن ..وبعدين الكليه اتسعت من السوااايل حبيبتي << ومن يولد الجنيين

ويبدأ> كرم السامع خخ اقصد القارئ<يبوول تنطرد هذي السوائل ويرجع كل شي طبيعي

وعلييج بالاستغفاار والدعاء يا قلبي << ومالداعي للقلق والخوف اهم شي النفسيه انتي على

وجه ولاده يا قلبي وربي يسهل علييج وعلينا ياارب

ميمــو بينــك · 06-30-2010, 04:46 AM

وانا بعد معآآج ماباقي شي ع الولاده
يلا هاانت ع قولة غرآآم
ومااعرف للي قلتي بس يوم قالت لج
ليه ماسألتيها يعني وشوو ؟؟!!
يمكن شي بسيط لاتخآآفي ..

سكره وذابت · 06-30-2010, 12:43 PM

الله يقوومك بسلامه يالغلا

صحيح كان سألتي دكتوره

بس انتي ارتاحي وصلي وادعى ربك انشاءالله خيريالغلا

اهم شي صحتك وصحة البيبي يالغلا

الشوق عطري · 06-30-2010, 12:48 PM

هلا و غلا

لم تذكري مقدار التوسع في حوض الكلى لدى الجنين، فإذا كان التوسع لا يتجاوز 8 ملليمتر وأنت الآن في الشهر الثامن فلا داعي للقلق أو التدخل في سير الحمل، والأمر يحتاج فقط إلى عمل صورة ألتراساوند لحوض الكلية لدى الجنين بعد ولادته وسوف يحدد لك الأطباء الموعد، وغالب هذه الحالات لا يحتاج إلا إلى المراقبة عن طريق الألتراساوند ومعظم هذا التوسع سوف يقل تدريجيا بعد ولادة الطفل ولكن قد يحتاج الوضع إلى فترة مراقبة طويلة في بعض الحالات، وقلة هم الأطفال اللذين يزداد لديهم التوسع ويضطر الأطباء إلى إجراء عملية لتصحيح الوضع! فلا داعي للقلق.