بنات اختفى الجنين وين راح ماسقطت ولاحاجه ياررربي اسالك لطفك فيني

[مزايا الحلا]

السلام عليكم
كيفكم يابنات
مستغربات الموضوع ؟؟! صح
لكن والله هذا الصدق
اختفى الجنين في 3 اسابيع
اقولكم سالفتي مع الحمل والجنين*
انا لي عشر شهور متزوجه وما حملت المهم تابعت عند دكتوره شهرين *الله لايوريكم انواع الابر المنشطه والله تعبت اللي عندي باختصار ضعف في المبايض وهرمون ثبوت الحمل قليل *
هذي مشكلتي كانت تصرف لي كليمين وكلوميد ودافستون استمريت شهرين على كلامها وقطعتها شهر لان زوجي بيسافر شهر وزياده كنت بوقت الدوره في هذاك الشهر اللي قطعت الدكتوره فيه اخذ بردقوش ومراميه لان الدكتوره مدحتها لي*
سافر زوجي وجلست الين 23/1 وسافرت عنده وجلست اربعه ايام ورجعت لاهلي*
انا هنا تغيرت نفسيتي صرت عصبيه وحالتي حاله*
جلست اسبوعين من هذاك التاريخ وبعدها جاني الم بجنبي اليمين وحرقان بول وانتن بكرامه ورحت مستشفى كبير ومعروف وسويت اشاعه وتحليل دم *يابنات طلعت حامل *
واللي شفته بالسونار باعلمكن عليه اللي يعرفن الحمل وشكل الجنين بتتاكد من كلامي والله يابنات كانت الاشاعه على بطني ووشفت زي الكوره السودا*
المهم استانست وانبسطت لكن كان فيني احساس غريب اني مو مصدقه الدكتور*
وكان اعراض الوحم علي جلست اسبوع*
الين اختفت ع الخميس اللي راح*
ورحت دكتورتي الاوله اللي اتابع عندها وقالت شوفيه صغير وماحللت دم كان اصغر من اللي شفته اول مره وحتى مو مبين*
استغربت مافيه اي اعراض وحم ولا شي*
وجا قبل امس وانزلي افرازات بنيه وبعدها رحت الدكتوره يابنات قالت باسوي تحليل رقمي وسحبوا دم وقالت تعالي بعد يومين المهم امس نزل دم .....؟؟؟؟؟؟؟؟؟؟؟؟*
رحت المستشفى المدني وسويت اشاعه قالت مافيه شي وتحليل بول مافيه شي سالب*
بناااااات 2 مستشفيات خاصه قالوا حامل والمدني قال لا*
بنات انا والله شفته حتى دخلت ع قوقل صور واشوف اشاعه لاجنه بالشهر الاول بنات نفس اللي شفته*
وين راح يالله يارب تحميه اذا موجود وتبينه واذا راح فعلى ربي الكريم العوض*
اليوم عندي ياخواتي التحليل الرقمي *الثاني يعني اذا يزيد فهو عادي هالافرازات على كلام الدكتوره ادعوا لي ان ربي يثبته ويبينه بنات مصدوووومه والحمدلله ع كل حال*
تعبت نفسيا لا اقصى حد*
ياحبيباتي من صار معها نفس هالشي وثبت حمل او بان بعدين*
ترا معطيتني مثبتات وابره تثبيت واسبرين*
بنات الدم اللي ينزل معي دم دوره تحطممممت لكن ربي كريم تكفون اللي تعرف تفهمني او تقول لي وين راح اللي شفته*
ومعقوله تسقيط وانا ماحسيت فيه*
اسفه طولت عليكن لكن انا محتاره وضايق صدري*
اللي ماتعرف شي اتمنى تدعلي لي بظهر الغيب ومشكورات

[mnrm]

الله يعوضك خير بصراحه حملك غريب بس الي أعرفه الوحده اذا عرفت حمل بتحليل الدم تستمر على حمض الفوليك وبعد شهرين او شهر ونص تسوي سونا واشعه لان الحين ما جاء موعد دورتك ما تقولين 23/1 توه صغير ومايبان بالأشعة لكن غيري مستشفى الحكومي بمستشفى اخر وياليت يصير حمل وتفرحين يا قلبي

[فراشه وررديه]

الله يثبت الك حملك
ماعندي خلفيه
يفيدوك البنات

[نونتي انتظرك]

الله يثبته لك اذا موجود والله يعوضوك بتوأم اذا راح

الله اعلم يااختي

هل كنتي فعلاً حامل بجنين او لا

ويمكن والله اعلم

انه كان عندك كيس حمل فارغ

واختفى وراح

ونزل ع شكل دم

روحيلمستوصف او دكتورة فاهمه كويس

واذا تشوفيها فعلا دورة ومستمر الدم

معناتها كيس فارغ ونزل وان شاء الله تطهري وتحملي

والله يوفقك

[ام ريتان]

ربك كريم...
الله يرزقك بالحمل السليم المعافى...
ادعيه واكثري من الاستغفار....

[nurse nora]

حبيبتى ان شالله ربنا يعوضك خير
بس متل ما بتحكى ممكن يكون عندك حمل ضعيف وفعلا لفترة معينة هلك ونزل الجنين
والدم اللى بتنزل عليك من اثار التنزيل او الاجهاض
انتى لازم تروحى دكتورة نسا تفحصك داخلى علشان تعرف اذا في حمل او لاء
واذا مفيش تنضفلك الرحم علشان الحمل التانى
لعلـــــه خيــــــر

[شقاوية 333]

الله يرزقك بالحمل السليم المعافى
ويريح بالك ويطمن قلبكـ

[ساره الدوسري]

انا أول مره أسمع عن حاله نفس حالتك

أتوقع أنه حمل ضعيف ..ماأقول غير الله يطمن قلبك ويفرحك

ويرزقك الذريه الصالحه

[نبض قلبي]

الله اعلم عن حملك .,.

الله يرزقك ان شااء الله ويطمن قلبك .,.

[مزايا الحلا]

الله يرزقكن الجنه يارب
رحت الدكتوره وقالت هرمون الحمل الرقمي 2 المفروض يكون خمسه فما فوق
كان فيه حمل لكن نزل
الله يعوضني ويرزقني بالفرحه اللي تدخل قلبي و تجدد الروح فيه
اللهم امين وياكن
الله كريم الله اعطى والله اخذ
الحمدلله اني عشت هالفرحه وعرفت هالاحساس واشكر ربي انه متعني فيها اسبوع ويومين اللهم لك الحمد ولك الشكر
الله يعوووووضني بالحمل السليم المعافى