ممكن تفيدونى فى موضوع ابنتى

[nannosty]

ممكن تفيدونى يا بنات ابنتى عندها اربعة اشهر والحمدلله هى وزنها كويس بس هى لسة مش بتتقلب خالص بس بترفع راسها اما بنومها على بطنها بس مش كتير وراسها لسه مش ثابتة بس اوقات بتوقفها بس مش لفترة كبيرة هل هذا طبيعى وﻻ ايه ممكن اللى تعرف معلومة ﻻتبخلها عليا الله يخليلكم اطفالكم

[om aseel]

حبيبه قلبي كل طفل بيختلف عن التانى

وده طبيعى اللى بتتكلمى عنه وان شااء الله مع الوقت بننقدم فى حركاتها

انتى بس حاولى انك تدربيها وتنيميها على بطنها وتلعبيها بحيث تبص عليكى


وربنا يخليهالك يارب....|~

[samoka]

طبيعي جدا ان شاء الله
بس انا هقولك نصيحه
حاولي دايما انك تلعبيها وتحركيها كتير وقعديها واسنديها متسيبهاش لوحدها
والله انا اول ما ابني اتولد ماما كانت تحركه كتير وحركات عنيفه كمان وطبعا لاني بكري كنت بخاف جدا وكانت تعمل كده من ورايا
تقول طول ما انتي سايباه كده هيتاخر ف الحركه وف المشي وفعلا كان معاها حق
دلوقت انا ف غربه وبعمل كده عمره دلوقت الحمد لله 4 شهور ونص
وما شاء الله عليه بيتقلب ع الجنبين وراسه ثابته ويرفص برجليه ويقيم راسه واللي ملاحظاه كمان من يوم انه ما شاء الله بدأ يقيم صدره كمان ما شاء الله
يعني خليها حركيها ع طول بس ب الراحه طبعا لتتمزق منك
معلش طولت بس حبيت افيدك عن تجربه