بكريه على وشك ولاده وما اعرف امور النفاس

[السيده امل]

مرحبا بنات. كيفكم انشاء بخير بنات انا قربت على الولاده الله يسهلها علي وعليكم والله خايغه وضايق صدري من الخوف وخصوصا أمي تقول لي لاتعلمني بشي انها الولاده جتك ومسويه لي ضغط نفسي ادعوا لي جعلكم بجنه عرضها السموات والارض بنات امي تقول ما اعرف اسوي اللهوم. ناسبه الطريقه وناسيه ايش المشروبات الساخنه. الله يفرج لكن فرجن لي ابي اطلب منكن مقادير الهوم والمشروبات ايش. جعل ربي يرزقكم الي في بالكم ملاحظه لا احد يقول لي ارجعي لنت ابي منكن عشان اتطمن

[السيده امل]

معقوله ما احد يعرف

[السيده امل]

بنات ابي اطلعااليوم قول لي وش المطلوب في الهوم ومقاديره

[fafini]

فوتي على هاد الرابط بساعدك http://forum.hwaml.com/t232765.html

[um yuseef]

اتصفحي ف المنتدى قسم النفاس

حتلاقي البنات مو مقصرين

أنا استفدت كتير منهم

[يارحيم]

انا في نفاسي حرصت على الاكل المفيد والبر.. يعني كل يوم مطازيز او جريش مع مرقة لحم وخضار..

الصباح حمي لك كوب حليب وحليه بملعقة عسل واذا تقدرين تفطرين مصابيب ولا عادي اي ساندوتش تشتهينه بس اشتري خبز بر..

احرصي على الحلبة والرشاد والماش هم اهم شي.. حلبه اول عشرين يوم ورشاد اخر عشرين يوم وطبعا كل يوم لازم تمر.. والماش انا اسويها شوربة اشتريتها مجففه انقعها واسوي شوربة مع العشا مرة مرة مفيده للنفاس.. وبس

ما يحتاج تدوخين نفسك بكثرة الخلطات واللهومات صدقيني هالكلام من تجارب هذي هي اهم الاشياء واحرصي على شرب الموية والسوائل اذا ناوية ترضعين طبيعي..

[هدوء الماضي]

حبيبتي انا ليه شهرين ولادت ببكري ونظامي كتالي
الصبح كاس حليب مع ملعقت عسل وزنجبيل وتمر معجون بالرشاد هذاالساعه 7 ااصبح والساعه 10 افطري خبز بر مع تمر وسمن ينعجن سواء يسمى حنيني مع كاس قشر مطبوخ مع زنجبيل حطي بترمس وحطيه جنب سريرك تشربين منه والغداء يامطازيز او جريش او دغابيس بالحم او الدجاج مع فلفل اسود والعصر خلي بجنبك ترمس قرفه بالينسون وترمس قشر تشربين منها وكلي اي شي خفيف بالعصر والعشاء خليه شربت لحم وشوفان او شربت خضار مقطع او اي شي دافي وحطي عليها فلفل اسود عشان ينزل الوسخ ولا تنسين بالعصر سوي سلطة فواكه وكليها عشان بشرتك تتجدد وقبل لا انام اكلي اي سندوش خفيف وانتبهي من الجوع موكويس تجوعين بالنفاس وغير كذادفي نفسك زين البسي بنطلون قطن مع شراريب طول النفاس ونومك خليه منظم عشان تسترجعي صحتك وكمان العسل الاصلي خذي منه ملعقين على الريق

هذااللي سويته وطلعت ولا احلى الله يتمم عليكي وتولدي بالسلامه يارب

[السيده امل]

الله يفرح قلوبكن فرحت في ردكن الله يخلي لكن ازواجكن وعيالكن

[أم فروحة]

البنات ما شالله ماقصروااا
وأنا مارح أسوي أكثر من اللي قالوه* ولو بحثتي بالنت رح تطلعلك بلاوي أنا لسه في السادس وجالسة اقرا من الحين بس ما احتفظت بالراوبط ولا كان نسختلك ياها
المهم عن تجربة الغذاء الجيد أهم من اللهومات * لأن اللهومات تعتبر شي مكمل أما الغذاء الجيد شي أساسي
لا تنسين الحليب والبيض ومرق اللحم والكبدة* وأكلات البر بأتواعها والتمر بالسمن والشغلات اللي قالوها البنات
الله يقومك بالسلامة يارب